Xenophon, Minor Works, Λακεδαιμονίων Πολιτεία, chapter 4

(크세노폰, Minor Works, Λακεδαιμονίων Πολιτεία, chapter 4)

περί γε μὴν τῶν ἡβώντων πολὺ μάλιστα ἐσπούδασε, νομίζων τούτουσ, εἰ γένοιντο οἱούσ δεῖ, πλεῖστον ῥέπειν ἐπὶ τὸ ἀγαθὸν τῇ πόλει. ὁρῶν οὖν, οἷσ ἂν μάλιστα φιλονικία ἐγγένηται, τούτων καὶ χοροὺσ ἀξιακροατοτάτουσ γιγνομένουσ καὶ γυμνικοὺσ ἀγῶνασ ἀξιοθεατοτάτουσ, ἐνόμιζεν, εἰ καὶ τοὺσ ἡβῶντασ συμβάλλοι εἰσ ἔριν περὶ ἀρετῆσ, οὕτωσ ἂν καὶ τούτουσ ἐπὶ πλεῖστον ἀφικνεῖσθαι ἀνδραγαθίασ.

ὡσ οὖν τούτουσ αὖ συνέβαλεν, ἐξηγήσομαι. αἱροῦνται τοίνυν αὐτῶν οἱ ἔφοροι ἐκ τῶν ἀκμαζόντων τρεῖσ ἄνδρασ·

οὗτοι δὲ ἱππαγρέται καλοῦνται. τούτων δ’ ἕκαστοσ ἄνδρασ ἑκατὸν καταλέγει, διασαφηνίζων ὅτου ἕνεκα τοὺσ μὲν προτιμᾷ, τοὺσ δὲ ἀποδοκιμάζει. οἱ οὖν μὴ τυγχάνοντεσ τῶν καλῶν πολεμοῦσι τοῖσ τε ἀποστείλασιν αὐτοὺσ καὶ τοῖσ αἱρεθεῖσιν ἀνθ’ αὑτῶν καὶ παραφυλάττουσιν ἀλλήλουσ, ἐάν τι παρὰ τὰ καλὰ νομιζόμενα ῥᾳδιουργῶσι.

καὶ αὕτη δὴ γίγνεται ἡ θεοφιλεστάτη τε καὶ πολιτικωτάτη ἔρισ, ἐν ᾗ ἀποδέδεικται μὲν ἃ δεῖ ποιεῖν τὸν ἀγαθόν, χωρὶσ δ’ ἑκάτεροι ἀσκοῦσιν ὅπωσ ἀεὶ κράτιστοι ἔσονται, ἐὰν δέ τι δέῃ, καθ’ ἕνα ἀρήξουσι τῇ πόλει παντὶ σθένει ἄν.

ἀνάγκη δ’ αὐτοῖσ καὶ εὐεξίασ ἐπιμελεῖσθαι.

καὶ γὰρ πυκτεύουσι διὰ τὴν ἔριν ὅπου ἂν συμβάλωσι· διαλύειν μέντοι τοὺσ μαχομένουσ πᾶσ ὁ παραγενόμενοσ κύριοσ. ἢν δέ τισ ἀπειθῇ τῷ διαλύοντι, ἄγει αὐτὸν ὁ παιδονόμοσ ἐπὶ τοὺσ ἐφόρουσ· οἱ δὲ ζημιοῦσι μεγαλείωσ, καθιστάναι βουλόμενοι εἰσ τὸ μήποτε ὀργὴν τοῦ μὴ πείθεσθαι τοῖσ νόμοισ κρατῆσαι. τοῖσ γε μὴν τὴν ἡβητικὴν ἡλικίαν πεπερακόσιν, ἐξ ὧν ἤδη καὶ αἱ μέγισται ἀρχαὶ καθίστανται, οἱ μὲν ἄλλοι Ἕλληνεσ ἀφελόντεσ αὐτῶν τὸ ἰσχύοσ ἔτι ἐπιμελεῖσθαι στρατεύεσθαι ὅμωσ αὐτοῖσ ἐπιτάττουσιν, ὁ δὲ Λυκοῦργοσ τοῖσ τηλικούτοισ νόμιμον ἐποίησε κάλλιστον εἶναι τὸ θηρᾶν, εἰ μή τι δημόσιον κωλύοι, ὅπωσ δύναιντο καὶ οὗτοι μηδὲν ἧττον τῶν ἡβώντων στρατιωτικοὺσ πόνουσ ὑποφέρειν.

SEARCH

MENU NAVIGATION