헬라어 문장 검색 - ΧενοπήΜινορΩό2́09́

(크세노폰, Minor Works, Ἱππαρχικός, chapter 9)

ταῦτα δὲ ἀναγιγνώσκειν μὲν καὶ ὀλιγάκισ ἀρκεῖ, ἐννοεῖν δὲ τὸ παρατυγχάνον αὐτῷ ἀεὶ δεῖ, καὶ πρὸσ τὸ παριστάμενον σκοποῦντα τὸ συμφέρον ἐκπονεῖν. γράψαι δὲ πάντα ὁπόσα δεῖ ποιεῖν οὐδὲν μᾶλλον οἱο͂́ν τέ ἐστιν ἢ τὰ μέλλοντα πάντα εἰδέναι. πάντων δὲ τῶν ὑπομνημάτων ἔμοιγε δοκεῖ κράτιστον εἶναι τὸ ὅσα ἂν γνῷ ἀγαθὰ εἶναι ἐπιμελεῖσθαι ὡσ ἂν πραχθῇ.

ὀρθῶσ δὲ γιγνωσκόμενα οὐ φέρει καρπὸν οὔτ’ ἐν γεωργίᾳ οὔτ’ ἐν ναυκληρίᾳ οὔτ’ ἐν ἀρχῇ, ἢν μή τισ ἐπιμέληται ὡσ ἂν ταῦτα σὺν τοῖσ θεοῖσ ἐκπεραίνηται. φημὶ δ’ ἐγὼ ταῦτα καὶ τὸ πᾶν ἱππικὸν ὧδ’ ἂν πολὺ θᾶττον ἐκπληρωθῆναι εἰσ τοὺσ χιλίουσ ἱππεῖσ καὶ πολὺ ῥᾷον τοῖσ πολίταισ, εἰ διακοσίουσ ἱππέασ ξένουσ καταστήσαιντο·

δοκοῦσι γὰρ ἄν μοι οὗτοι προσγενόμενοι καὶ εὐπειστότερον ἂν πᾶν τὸ ἱππικὸν ποιῆσαι καὶ φιλοτιμότερον πρὸσ ἀλλήλουσ περὶ ἀνδραγαθίασ. οἶδα δ’ ἔγωγε καὶ Λακεδαιμονίοισ ἱππικὸν ἀρξάμενον εὐδοκιμεῖν, ἐπεὶ ξένουσ ἱππέασ προσέλαβον.

καὶ ἐν ταῖσ ἄλλαισ δὲ πόλεσι πανταχοῦ τὰ ξενικὰ ὁρῶ εὐδοκιμοῦντα· ἡ γὰρ χρεία μεγάλην προθυμίαν συμβάλλεται. εἰσ δὲ τιμὴν τῶν ἵππων νομίζω ἂν αὐτοῖσ χρήματα ὑπάρξαι καὶ παρὰ τῶν σφόδρα ἀπεχομένων μὴ ἱππεύειν, ὅτι καὶ οἷσ καθίστησι τὸ ἱππικὸν ἐθέλουσι τελεῖν ἀργύριον ὡσ μὴ ἱππεύειν, <καὶ> παρὰ πλουσίων μέν, ἀδυνάτων δὲ τοῖσ σώμασιν, οἰόμαι δὲ καὶ παρ’ ὀρφανῶν τῶν δυνατοὺσ οἴκουσ ἐχόντων.

νομίζω δὲ καὶ μετοίκων φιλοτιμεῖσθαι ἄν τινασ εἰσ ἱππικὸν καθισταμένουσ·

ὁρῶ γὰρ καὶ τῶν ἄλλων ὁπόσων ἂν καλῶν ὄντων μεταδιδῶσιν αὐτοῖσ οἱ πολῖται, φιλοτίμωσ ἐνίουσ ἐθέλοντασ τὸ προσταχθὲν διαπράττεσθαι. δοκεῖ δ’ ἄν μοι καὶ πεζὸν σὺν τοῖσ ἵπποισ ἐνεργότατον εἶναι, εἰ συσταθείη ἐξ ἀνδρῶν τῶν ἐναντιωτάτων τοῖσ πολεμίοισ.

ταῦτα δὲ πάντα θεῶν συνεθελόντων γένοιτ’ ἄν.

εἰ δέ τισ τοῦτο θαυμάζει, ὅτι πολλάκισ γέγραπται τὸ σὺν θεῷ πράττειν, εὖ ἴστω ὅτι ἢν πολλάκισ κινδυνεύῃ, ἧττον τοῦτο θαυμάσεται, καὶ ἤν γε κατανοῇ ὅτι, ὅταν πόλεμοσ ᾖ, ἐπιβουλεύουσι μὲν ἀλλήλοισ οἱ ἐναντίοι, ὀλιγάκισ δὲ ἴσασι πῶσ ἔχει τὰ ἐπιβουλευόμενα. τὰ οὖν τοιαῦτα οὐδ’ ὅτῳ συμβουλεύσεταί τισ οἱο͂́ν τε εὑρεῖν πλὴν θεῶν·

οὗτοι δὲ πάντα ἴσασι καὶ προσημαίνουσιν ᾧ ἂν ἐθέλωσι καὶ ἐν ἱεροῖσ καὶ ἐν οἰωνοῖσ καὶ ἐν φήμαισ καὶ ἐν ὀνείρασιν. εἰκὸσ δὲ μᾶλλον ἐθέλειν αὐτοὺσ συμβουλεύειν τούτοισ, οἳ ἂν μὴ μόνον ὅταν δέωνται ἐπερωτῶσι τί χρὴ ποιεῖν, ἀλλὰ καὶ ἐν ταῖσ εὐτυχίαισ θεραπεύωσιν ὅ τι ἂν δύνωνται τοὺσ θεούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ἱππαρχικός, chapter 9

(크세노폰, Minor Works, Ἱππαρχικός, chapter 9)

상위

목록

SEARCH

MENU NAVIGATION