헬라어 문장 검색 - ΧενοπήΜινορΩό2́08́

(크세노폰, Minor Works, Ἱππαρχικός, chapter 8)

τοὺσ μέντοι μέλλοντασ δυνήσεσθαι ἀσφαλῶσ τὸ πολὺ κρεῖττον στράτευμα κακουργεῖν σαφῶσ δεῖ τοσοῦτον διαφέρειν ὥστε αὐτοὺσ μὲν ἀσκητὰσ φαίνεσθαι τῶν πολεμικῶν ἐν ἱππικῇ ἔργων, τοὺσ δὲ πολεμίουσ ἰδιώτασ. τοῦτο δ’ ἂν εἰή πρῶτον μὲν <εἰ οἱ> λῄζεσθαι μέλλοντεσ ἐκπεπονημένοι εἰε͂ν τῇ ἐλάσει, ὥστε δύνασθαι στρατιωτικοὺσ πόνουσ ὑποφέρειν·

οἱ γὰρ πρὸσ ταῦτα ἀμελῶσ ἔχοντεσ καὶ ἵπποι καὶ ἄνδρεσ εἰκότωσ ἂν ὥσπερ γυναῖκεσ πρὸσ ἄνδρασ ἀγωνίζοιντο. οἱ δέ γε δεδιδαγμένοι τε καὶ εἰθισμένοι τάφρουσ διαπηδᾶν καὶ τειχία ὑπεραίρειν καὶ ἐπ’ ὄχθουσ ἀνάλλεσθαι καὶ ἀφ’ ὑψηλῶν ἀσφαλῶσ κατιέναι καὶ τὰ κατάντη ταχὺ ἐλαύνεσθαι, οὗτοι δ’ αὖ τοσοῦτον διαφέροιεν ἂν τῶν ἀμελετήτων ταῦτα ὅσονπερ πτηνοὶ πεζῶν·

οἱ δέ γε αὖ τοὺσ πόδασ ἐκπεπονημένοι τῶν ἀτριβῶν πρὸσ τραχέα ὅσονπερ ὑγιεῖσ χωλῶν· καὶ οἵ γε τῶν τόπων ἔμπειροι πρὸσ τοὺσ ἀπείρουσ τοσοῦτον ἐν ταῖσ προελάσεσι καὶ ἀποχωρήσεσι διαφέροιεν ἂν ὅσονπερ οἱ ὁρῶντεσ τῶν τυφλῶν. καὶ τοῦτο δὲ χρὴ εἰδέναι, ὅτι οἱ εὐωχούμενοι <μὲν οἱ> ἵπποι, μὴ ἐκπεπονημένοι δὲ ὥστε <μὴ> ἀποπνίγεσθαι ἐν τοῖσ πόνοισ, εὖ παρεσκευασμένοι εἰσί.

χρὴ δέ, ἐπείπερ χαλινοὶ καὶ ἐφίππια ἐξ ἱμάντων ἠρτημένα ἐστί χρήσιμα, μήποτε τὸν ἵππαρχον τούτων ἔρημον εἶναι· μικρᾷ γὰρ δαπάνῃ τοὺσ ἀποροῦντασ χρησίμουσ ἂν παρέχοιτο. εἰ δέ τισ νομίζοι πολλὰ ἔχειν ἂν πράγματα, εἰ οὕτω δεήσει ἀσκεῖν τὴν ἱππικήν, ἐνθυμηθήτω ὅτι οἱ εἰσ τοὺσ γυμνικοὺσ ἀγῶνασ ἀσκοῦντεσ πολὺ πλείω πράγματα καὶ χαλεπώτερα ἔχουσιν ἢ οἱ τὴν ἱππικὴν τὰ μάλιστα μελετῶντεσ.

καὶ γὰρ τῶν μὲν γυμνικῶν ἀσκημάτων τὰ πολλὰ σὺν ἱδρῶτι ἐκπονοῦνται, τῆσ δὲ ἱππικῆσ τὰ πλεῖστα μεθ’ ἡδονῆσ.

ὅπερ γὰρ εὔξαιτ’ ἄν τισ πτηνὸσ γενέσθαι, οὐκ ἔστιν ὅ τι μᾶλλον τῶν ἀνθρωπίνων ἔργων ἐοίκεν αὐτῷ. καὶ μὴν τό γ’ ἐν πολέμῳ νικᾶν πολλῷ ἐνδοξότερον ἢ πυγμῇ·

μετέχει μὲν γάρ τι καὶ ἡ πόλισ ταύτησ τῆσ δόξησ· ὡσ δὲ τὰ πολλὰ ἐπὶ τῇ τοῦ πολέμου νίκῃ καὶ εὐδαιμονίᾳ οἱ θεοὶ τὰσ πόλεισ στεφανοῦσιν, ὥστ’ οὐκ οἶδ’ ἔγωγε τί προσήκει ἄλλ’ ἄττα μᾶλλον ἀσκεῖσθαι ἢ τὰ πολεμικά. ἐννοεῖν δὲ χρὴ ὅτι καὶ οἱ κατὰ θάλατταν λῃσταὶ διὰ τὸ πονεῖν ἠσκηκέναι δύνανται ζῆν καὶ ἀπὸ τῶν πολὺ κρειττόνων.

προσήκει γε μὴν καὶ κατὰ γῆν οὐ τοῖσ καρπουμένοισ τὰ ἑαυτῶν ἀλλὰ τοῖσ στερισκομένοισ τῆσ τροφῆσ λῄζεσθαι· ἢ γὰρ ἐργαστέον ἢ ἀπὸ τῶν εἰργασμένων θρεπτέον· ἄλλωσ δ’ οὐ ῥᾴδιον οὔτε βιοτεύειν οὔτε εἰρήνησ τυχεῖν. μεμνῆσθαι δὲ κἀκεῖνο χρή, μήποτε ἐπὶ τοὺσ κρείττουσ ἐλαύνειν ὄπισθεν ἵπποισ δύσβατα ποιούμενον·

οὐ γὰρ ὅμοιον φεύγοντι καὶ διώκοντι σφαλῆναι. ἔτι δὲ βούλομαι ὑπομνῆσαι καὶ τόδε φυλάττεσθαι.

εἰσὶ γάρ τινεσ οἵ, ὅταν μὲν ἰώσιν ἐπὶ τούτουσ ὧν ἂν οἰώνται κρείττουσ εἶναι, παντάπασιν ἀσθενεῖ δυνάμει ἔρχονται, ὥστε πολλάκισ ἔπαθον ἃ ᾤοντο ποιήσειν· ὅταν δ’ ἐπὶ τούτουσ ὧν ἂν σαφῶσ ἐπίστωνται ἥττουσ ὄντεσ, πᾶσαν ὅσην ἂν ἔχωσι δύναμιν ἄγουσιν. ἐγὼ δέ φημι χρῆναι τἀναντία τούτων ποιεῖν·

ὅταν μὲν κρατήσειν οἰόμενοσ ἄγῃ, μὴ φείδεσθαι τῆσ δυνάμεωσ ὅσην ἂν ἔχῃ· τὸ γὰρ πολὺ νικᾶν οὐδενὶ πώποτε μεταμέλειαν παρέσχεν· ὅταν δὲ τοῖσ πολὺ κρείττοσιν ἐπιχειρῇ καὶ προγιγνώσκῃ ὅτι ποιήσαντα ὅ τι ἂν δύνηται φευκτέον ἐστίν, εἰσ τὰ τοιαῦτά φημι πολὺ κρεῖττον εἶναι ὀλίγουσ ἢ πάντασ προσάγειν, τοὺσ μέντοι ἀπειλεγμένουσ καὶ ἵππουσ καὶ ἄνδρασ τοὺσ κρατίστουσ.

τοιοῦτοι γὰρ ὄντεσ καὶ ποιῆσαι ἄν τι καὶ ἀποχωρῆσαι ἀσφαλέστερον ἂν δύναιντο. ὅταν δὲ πρὸσ τοὺσ κρείττουσ πάντασ προσαγαγὼν ἀποχωρεῖν βούληται, ἀνάγκη τοὺσ μὲν ἐπὶ τῶν βραδυτάτων ἵππων ἁλίσκεσθαι, τοὺσ δὲ καὶ δι’ ἀφιππίαν πίπτειν, τοὺσ δὲ διὰ δυσχωρίασ ἀπολαμβάνεσθαι·

καὶ γὰρ πολὺν τόπον χαλεπὸν εὑρεῖν οἱο͂ν ἄν τισ εὔξαιτο. ὑπό γε μὴν τοῦ πλήθουσ καὶ συμπίπτοιεν ἂν καὶ ἐμποδίζοντεσ πολλὰ ἂν ἀλλήλουσ κακουργοῖεν.

οἱ δ’ ἀγαθοὶ ἵπποι καὶ ἱππεῖσ δυνατοὶ καὶ ἐξ αὐτῶν διαφεύγειν ἄλλωσ τε ἂν καὶ μηχανᾶταί τισ τοῖσ διώκουσι φόβον ἀπὸ τῶν περιττῶν ἱππέων. σύμφορον δ’ εἰσ τοῦτο καὶ αἱ ψευδενέδραι·

χρήσιμον δὲ κἀκεῖνο, τὸ εὑρίσκειν πόθεν ἂν οἱ φίλοι ἐξ ἀσφαλοῦσ ἐπιφαινόμενοι βραδυτέρουσ τοὺσ διώκοντασ παρέχοιεν. ἀλλὰ μὴν καὶ τόδε δῆλον, ὡσ πόνοισ καὶ τάχει οἱ ὀλίγοι τῶν πολλῶν πολὺ μᾶλλον ἢ οἱ πολλοὶ τῶν ὀλίγων περιγίγνοιντ’ ἄν.

καὶ οὐ λέγω ὡσ διὰ τὸ ὀλίγοι εἶναι καὶ πονεῖν μᾶλλον δυνήσονται καὶ θάττουσ ἔσονται, ἀλλ’ ὅτι ῥᾷον εὑρεῖν ὀλίγουσ ἢ πολλοὺσ τοὺσ καὶ τῶν ἵππων ἐπιμελησομένουσ ὡσ δεῖ καὶ αὐτοὺσ φρονίμωσ μελετήσοντασ τὴν ἱππικήν. ἢν δέ ποτε συμβαίνῃ ἀγωνίζεσθαι πρὸσ παραπλησίουσ ἱππέασ, ἐγὼ μὲν οἶμαι οὐκ ἂν χεῖρον εἶναι εἴ τισ δύο τάξεισ ἐκ τῆσ φυλῆσ ποιήσειεν, καὶ τῆσ μὲν ὁ φύλαρχοσ ἡγοῖτο, τῆσ δὲ ἄλλησ ὅστισ ἄριστοσ δοκοίη εἶναι, οὗτοσ δὲ τέωσ μὲν ἕποιτο κατ’ οὐρὰν τῆσ μετὰ τοῦ φυλάρχου τάξεωσ, ἐπεὶ δ’ ἐγγὺσ ἤδη εἰε͂ν οἱ ἀντίπαλοι, ἀπὸ παραγγέλσεωσ παρελαύνοι ἐπὶ τοὺσ πολεμίουσ.

οὕτω γὰρ οἶμαι καὶ ἐκπληκτικωτέρουσ τοῖσ ἐχθροῖσ ἂν εἶναι καὶ δυσμαχωτέρουσ.

εἰ δὲ καὶ πεζοὺσ ἔχοιεν ἑκάτεροι, καὶ οὗτοι ἀποκεκρυμμένοι ὄπισθεν τῶν ἱππέων, ἐξαπίνησ δὲ παραφαινόμενοι καὶ ὁμόσε ἰόντεσ δοκοῦσιν ἄν μοι τὴν νίκην πολὺ μᾶλλον κατεργάζεσθαι.

ὁρῶ γὰρ τὰ παράδοξα ἢν μὲν ἀγαθὰ ᾖ, μᾶλλον εὐφραίνοντα τοὺσ ἀνθρώπουσ, ἢν δὲ δεινά, μᾶλλον ἐκπλήττοντα. ταῦτα δὲ γνοίη ἄν τισ μάλιστα ἐνθυμούμενοσ ὡσ οἵ τε ἐνέδραισ ἐμπίπτοντεσ ἐκπλήττονται, καὶ ἐὰν πολὺ πλείουσ ὦσι, καὶ ὅταν πολέμιοι ἀλλήλοισ ἀντικάθωνται, ὡσ πολὺ ταῖσ πρώταισ ἡμέραισ φοβερώτατα ἔχουσιν.

ἀλλὰ τὸ μὲν διατάξαι ταῦτα οὐ χαλεπόν·

τὸ δ’ εὑρεῖν τοὺσ φρονίμωσ καὶ πιστῶσ καὶ προθύμωσ καὶ εὐψύχωσ παρελῶντασ ἐπὶ τοὺσ πολεμίουσ, τοῦτο ἤδη ἀγαθοῦ ἱππάρχου. δεῖ γὰρ καὶ λέγειν αὐτὸν ἱκανὸν εἶναι καὶ ποιεῖν τοιαῦτα ἀφ’ ὧν οἱ ἀρχόμενοι γνώσονται ἀγαθὸν εἶναι τό τε πείθεσθαι καὶ τὸ ἕπεσθαι καὶ τὸ ὁμόσε ἐλαύνειν τοῖσ πολεμίοισ καὶ ἐπιθυμήσουσι τοῦ καλόν τι ἀκούειν καὶ δυνήσονται ἃ ἂν γνῶσιν ἐγκαρτερεῖν.

ἐὰν δέ ποτε αὖ ἢ φαλάγγων ἀντιτεταγμένων ἢ χωρίων ἑκατέροισ ὑπαρχόντων ἐν τῷ μέσῳ τοῖσ ἱππεῦσιν ἀναστροφαί τε καὶ διώξεισ καὶ ἀποχωρήσεισ γίγνωνται, εἰώθασι μὲν ὡσ τὰ πολλὰ ἐκ τῶν τοιούτων ὁρμᾶν μὲν ἐκ τῶν ἀναστροφῶν βραδέωσ ἀμφότεροι, τὸ δ’ ἐν μέσῳ τάχιστα ἐλαύνειν.

ἢν δέ τισ οὕτω προδείξασ ἔπειτα δ’ ἐκ τῶν ἀναστροφῶν ταχέωσ τε διώκῃ καὶ ταχέωσ ἀποχωρῇ, βλάπτειν τ’ ἂν μάλιστα τοὺσ πολεμίουσ δύναιτο καὶ ὡσ τὸ εἰκὸσ ἀσφαλέστατ’ ἂν διάγοι, ταχὺ μὲν διώκων ἐν ᾧ ἂν ἐγγὺσ ᾖ τοῦ ἑαυτοῦ ἰσχυροῦ, ταχὺ δὲ ἀποχωρῶν ἀπὸ τῶν τοῖσ πολεμίοισ ἰσχυρῶν.

εἰ δὲ καὶ λαθεῖν δύναιτο ἀπὸ τῆσ τάξεωσ ἑκάστησ καταλιπὼν ἢ τέτταρασ ἢ πέντε τῶν κρατίστων ἵππων τε καὶ ἀνδρῶν, πολὺ ἂν προέχοιεν εἰσ τὸ ἐπαναστρεφομένοισ τοῖσ πολεμίοισ ἐμπίπτειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ἱππαρχικός, chapter 8

(크세노폰, Minor Works, Ἱππαρχικός, chapter 8)

상위

목록

SEARCH

MENU NAVIGATION