헬라어 문장 검색 - ΧενοπήΜινορΩό2́07́

(크세노폰, Minor Works, Ἱππαρχικός, chapter 7)

παντὶ μὲν οὖν προσήκει ἄρχοντι φρονίμῳ εἶναι· πολὺ μέντοι τὸν Ἀθηναίων ἵππαρχον διαφέρειν δεῖ καὶ τῷ τοὺσ θεοὺσ θεραπεύειν καὶ τῷ πολεμικὸν εἶναι, ᾧ γε ὑπάρχουσι μὲν ὅμοροι ἀντίπαλοι ἱππεῖσ τε παραπλήσιοι τὸ πλῆθοσ καὶ ὁπλῖται πολλοί. κἂν μὲν εἰσ τὴν πολεμίαν ἐμβάλλειν ἐπιχειρῇ ἄνευ τῆσ ἄλλησ πόλεωσ, πρὸσ ἀμφοτέρουσ τούτουσ μόνοισ ἂν τοῖσ ἱππεῦσι διακινδυνεύοι.

ἢν δ’ οἱ πολέμιοι εἰσ τὴν Ἀθηναίων χώραν ἐμβάλωσι, πρῶτον μὲν οὐκ ἂν ἄλλωσ ἔλθοιεν εἰ μὴ σὺν ἄλλοισ τε ἱππεῦσι πρὸσ τοῖσ ἑαυτῶν καὶ πρὸσ τούτοισ ὁπλίταισ ὁπόσοισ ἂν οἰώνται πάντασ Ἀθηναίουσ μὴ ἱκανοὺσ εἶναι μάχεσθαι. πρὸσ οὖν τοσούτουσ πολεμίουσ ἢν μὲν ἡ πόλισ πᾶσα ἐπεξίῃ ἀρήξουσα τῇ χώρᾳ, ἐλπίδεσ καλαί.

ἱππεῖσ τε γὰρ σὺν θεῷ ἀμείνουσ, ἤν τισ αὐτῶν ἐπιμελῆται ὡσ δεῖ, ὁπλῖταί τε οὐ μείουσ ἔσονται καὶ τὰ σώματα τοίνυν οὐ χείρω ἔχοντεσ καὶ τὰσ ψυχὰσ φιλοτιμότεροι, ἢν ὀρθῶσ ἀσκηθῶσι σὺν θεῷ. καὶ μὴν ἐπί γε τοῖσ προγόνοισ οὐ μεῖον Ἀθηναῖοι ἢ Βοιωτοὶ φρονοῦσιν. ἢν δὲ ἡ μὲν πόλισ τρέπηται ἐπὶ τὰ ναυτικὰ καὶ ἀρκῇ αὐτῇ τὰ τείχη διασῴζειν, ὥσπερ καὶ ὁπότε Λακεδαιμόνιοι σὺν ἅπασι τοῖσ Ἕλλησιν ἐνέβαλον, τοὺσ δὲ ἱππέασ ἀξιώσῃ τά τε ἐκτὸσ τοῦ τείχουσ διασῴζειν καὶ αὐτοὺσ μόνουσ διακινδυνεύειν πρὸσ πάντασ τοὺσ ἐναντίουσ, ἐνταῦθα δὴ θεῶν μὲν οἶμαι πρῶτον συμμάχων ἰσχυρῶν δεῖ, ἔπειτα δὲ καὶ τὸν ἵππαρχον προσήκει ἀποτετελεσμένον ἄνδρα εἶναι.

καὶ γὰρ φρονήσεωσ δεῖ πολλῆσ πρὸσ τοὺσ πολὺ πλείουσ καὶ τόλμησ, ὁπότε καιρὸσ παραπέσοι· δεῖ δέ, ὡσ ἐμοὶ δοκεῖ, καὶ αὐτὸν προνοεῖν ἱκανὸν εἶναι.

εἰ δὲ φυλάττοι μὲν τὰ ἔξω τείχουσ τοσούτοισ ὅσοι σκοπεύειν τε τοὺσ πολεμίουσ ἱκανοὶ ἔσονται καὶ ἀναχωρίζειν εἰσ τὸ ἀσφαλὲσ τὰ δεόμενα ὡσ ἐκ πλείστου ‐ ἱκανοὶ δὲ καὶ προορᾶν οὐδὲν ἧττον οἱ ὀλίγοι τῶν πολλῶν, καὶ φυλάττειν τοίνυν καὶ ἀναχωρίζειν τὰ φίλια οὐκ ἀκαιρότεροι οἱ μήτε αὑτοῖσ μήτε τοῖσ ἵπποισ πιστεύοντεσ·

ὁ γὰρ φόβοσ δεινὸσ δοκεῖ συμφύλαξ εἶναι ‐ τοὺσ μὲν <οὖν> φύλακασ ἐκ τούτων ἄν τισ ποιῶν ἴσωσ ὀρθῶσ βουλεύοιτο·

τοὺσ δὲ περιττοὺσ τῆσ φυλακῆσ εἰ μέν τισ στρατιὰν ἔχειν ἡγήσεται, ὀλίγη αὐτῷ φανεῖται· τοῦ παντὸσ γὰρ ἐνδεήσεται ὥστε ἐκ τοῦ ἐμφανοῦσ διακινδυνεύειν· ἢν δὲ ὡσ λῃσταῖσ αὐτοῖσ χρῆται, πάνυ ἂν ὡσ τὸ εἰκὸσ ἱκανὴν τοῦτο πράττειν ἔχοι δύναμιν. δεῖ δέ, ὡσ ἐμοὶ δοκεῖ, τούτουσ παρεσκευασμένουσ ἀεὶ ἔχοντα ὡσ ποιεῖν τι μὴ καταφανῆ ὄντα φυλάττειν, ἤν τι ἁμαρτάνῃ τὸ τῶν πολεμίων στράτευμα.

φιλοῦσι δέ πωσ στρατιῶται, ὅσῳ ἂν πλείουσ ὦσι, τοσούτῳ πλείω ἁμαρτάνειν.

ἢ γὰρ ἐπὶ τὰ ἐπιτήδεια ἐπιμελείᾳ σκεδάννυνται ἢ πορευομένων ἀταξίᾳ οἱ μὲν προέρχονται, οἱ δ’ ὑπολείπονται πλέον τοῦ καιροῦ. τὰ οὖν τοιαῦτα ἁμαρτήματα οὐ χρὴ παριέναι ἀκόλαστα εἰ δὲ μή, ὅλη ἡ χώρα στρατόπεδον ἔσται ἐκεῖνο καλῶσ προνοοῦντα, καὶ ποιήσαντά τι φθάσαι ἀποχωρήσαντα πρὶν τὸ πολὺ βοηθοῦν ἐπιγενέσθαι.

πολλάκισ δὲ πορευόμενον στράτευμα καὶ εἰσ ὁδοὺσ ἔρχεται ἐν αἷσ οὐδὲν πλέον οἱ πολλοὶ τῶν ὀλίγων δύνανται.

καὶ ἐν διαβάσεσί γε ἔστι τῷ προσέχοντι τὸν νοῦν ἀσφαλῶσ ἐφεπομένῳ ταμιεύσασθαι ὥστε ὁπόσοισ ἂν βούληται τῶν πολεμίων ἐπιτίθεσθαι. ἔστι δ’ ὅτε καλὸν καὶ στρατοπεδευομένοισ καὶ ἀριστῶσι καὶ δειπνοποιουμένοισ ἐπιχειρεῖν, καὶ ἐκ κοίτησ γε ἀνισταμένοισ.

ἐν πᾶσι γὰρ τούτοισ ἀόπλοι στρατιῶται γίγνονται, μείονα μὲν χρόνον οἱ ὁπλῖται, πλείονα δὲ οἱ ἱππεῖσ. σκοποῖσ μέντοι καὶ προφυλακαῖσ οὐδέποτε δεῖ παύεσθαι ἐπιβουλεύοντα.

οὗτοι γὰρ αὖ ὀλίγοι μὲν ἀεὶ καθίστανται, πολὺ δὲ τοῦ ἰσχυροῦ ἐνίοτε ἀποστατοῦσιν. ὅταν δὲ τὰ τοιαῦτα ἤδη καλῶσ φυλάττωνται οἱ πολέμιοι, καλόν ἐστι σὺν θεῷ λαθόντα ἐλθεῖν εἰσ τὴν πολεμίαν μεμελετηκότα ὡσ <πόσ>οι τε ἑκασταχοῦ καὶ ποῦ τῆσ χώρασ προφυλάττουσιν.

οὐδεμία γὰρ οὕτω καλὴ λεία ὡσ αἱ φυλακαί, ἢν κρατηθῶσι. καὶ εὐεξαπάτητοι δ’ εἰσὶν οἱ φύλακεσ·

διώκουσι γὰρ ὅ τι ἂν ὀλίγον ἴδωσι, νομίζοντεσ σφίσι τοῦτο προστετάχθαι. τὰσ μέντοι ἀποχωρήσεισ σκοπεῖν δεῖ ὅπωσ μὴ ἐναντίαι τοῖσ βοηθοῦσιν ἔσονται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ἱππαρχικός, chapter 7

(크세노폰, Minor Works, Ἱππαρχικός, chapter 7)

상위

목록

SEARCH

MENU NAVIGATION