헬라어 문장 검색 - ΧενοπήΜινορΩό2́03́

(크세노폰, Minor Works, Ἱππαρχικός, chapter 3)

τῶνδέ γε μὴν αὐτῷ ἤδη μέλειν δεῖ τῷ ἱππάρχῳ· πρῶτον μὲν ὅπωσ καλλιερήσει τοῖσ θεοῖσ ὑπὲρ τοῦ ἱππικοῦ, ἔπειτα ὅπωσ τὰσ πομπὰσ ἐν ταῖσ ἑορταῖσ ἀξιοθεάτουσ ποιήσει, ἔτι δὲ καὶ τἆλλα ὅσα ἐπιδεικνύναι δεῖ τῇ πόλει ὅπωσ ᾗ δυνατὸν κάλλιστα ἐπιδείξει, τά τε ἐν Ἀκαδημείᾳ καὶ τὰ ἐν Λυκείῳ καὶ τὰ Φαληροῖ καὶ τὰ ἐν τῷ ἱπποδρόμῳ. καὶ ταῦτα μὲν ἄλλα ὑπομνήματα· ὡσ δὲ τούτων ἕκαστα κάλλιστ’ ἂν πράττοιτο, νῦν αὐτὰ ταῦτα λέξω. τὰσ μὲν οὖν πομπὰσ οἰόμαι ἂν καὶ τοῖσ θεοῖσ κεχαρισμενωτάτασ καὶ τοῖσ θεαταῖσ εἶναι εἰ, ὅσων ἱερὰ καὶ ἀγάλματα ἐν τῇ ἀγορᾷ ἐστι, ταῦτα ἀρξάμενοι ἀπὸ τῶν Ἑρμῶν κύκλῳ περὶ τὴν ἀγορὰν καὶ τὰ ἱερὰ περιελαύνοιεν τιμῶντεσ τοὺσ θεούσ.

καὶ ἐν τοῖσ Διονυσίοισ δὲ οἱ χοροὶ προσεπιχαρίζονται ἄλλοισ τε θεοῖσ καὶ τοῖσ δώδεκα χορεύοντεσ. ἐπειδὰν δὲ πάλιν πρὸσ τοῖσ Ἑρμαῖσ γένωνται περιεληλακότεσ, ἐντεῦθεν καλόν μοι δοκεῖ εἶναι κατὰ φυλὰσ εἰσ τάχοσ ἀνιέναι τοὺσ ἵππουσ μέχρι τοῦ Ἐλευσινίου. οὐδὲ δόρατα μὴν παραλείψω ὡσ ἥκιστα ἂν ἀλλήλοισ ἐπαλλάττοιτο.

δεῖ γὰρ μεταξὺ τοῖν ὤτοιν τοῦ ἵππου ἕκαστον σχεῖν, εἰ μέλλει φοβερά τε καὶ εὐκρινῆ ἔσεσθαι καὶ ἅμα πολλὰ φανεῖσθαι. ἐπειδὰν δὲ τῆσ εἰσ τάχοσ διελάσεωσ λήξωσι, τὴν ἄλλην καλὸν ἤδη σχέδην εἰσ τὰ ἱερά, ᾗπερ καὶ πρόσθεν, διελαύνειν.

καὶ οὕτωσ ὅσα ἔστιν ἡδέα ἰδεῖν ἐν ἵππῳ ἀναβεβαμένῳ πάντα ἐπιδεδειγμένα ἔσται καὶ τοῖσ θεοῖσ καὶ τοῖσ ἀνθρώποισ. καὶ ὅτι μὲν ταῦτα οὐκ εἰθισμένοι ποιεῖν οἱ ἱππεῖσ εἰσιν οἶδα·

γιγνώσκω δὲ ὅτι ἀγαθὰ καὶ καλὰ καὶ τοῖσ θεαταῖσ ἡδέα ἔσται. αἰσθάνομαι δὲ καὶ ἄλλα ἀγωνίσματα τοὺσ ἱππέασ κεκαινουργηκότασ, ἐπειδὴ οἱ ἵππαρχοι ἱκανοὶ ἐγένοντο πεῖσαι ἃ ἐβουλήθησαν. ὅταν γε μὴν πρὸ τοῦ ἀκοντισμοῦ διελαύνωσιν ἐν Λυκείῳ, καλὸν ἑκατέρασ τὰσ πέντε φυλὰσ ἐπὶ τοῦ μετώπου ἐλαύνειν, ὥσπερ εἰσ μάχην ἡγουμένου τοῦ ἱππάρχου καὶ τῶν φυλάρχων ἐν τοιαύτῃ τάξει ἀφ’ ἧσ πληρώσεται τοῦ δρόμου τὸ πλάτοσ.

ἐπειδὰν δ’ ὑπερβάλωσι τὸ κεφάλαιον τοῦ ἀντιπροσώπου θεάτρου, χρήσιμον ἂν οἰόμαι φανῆναι καὶ εἰ καθ’ ὁπόσουσ μέτριον εἰσ τὸ κάταντεσ δυναμένουσ ταχὺ ἐλαύνειν ἐπιδείξαισ τοὺσ ἱππέασ.

οὐ μέντοι ἀγνοῶ ὅτι, ἢν μὲν πιστεύωσι δυνήσεσθαι ταχὺ ἐλαύνειν, πάνυ ἂν ἡδέωσ ἐπιδείξαιντο·

ἢν δὲ ἀμελέτητοι ὦσιν, ὁρᾶν χρὴ ὅπωσ μὴ οἱ πολέμιοι αὐτοὺσ τοῦτο δρᾶν ἀναγκάσουσιν. ἔν γε μὴν ταῖσ δοκιμασίαισ ἡ μὲν τάξισ εἴρηται μεθ’ ἧσ ἂν κάλλιστα ἱππάζοιντο.

ἢν δὲ ὁ ἡγούμενοσ, ἤνπερ ἔχῃ δυνατὸν ἵππον, ἐν τῷ ἔξωθεν ἀεὶ στίχῳ περιφέρηται, οὕτωσ αὐτὸσ μὲν ἀεὶ ταχὺ ἐλᾷ καὶ οἱ σὺν αὐτῷ ἔξωθεν γιγνόμενοι πάλιν αὖ ταχὺ ἐλῶσιν· ὥστε ἡ μὲν βουλὴ ἀεὶ τὸ ταχὺ ἐλαυνόμενον θεάσεται, οἱ δὲ ἵπποι οὐκ ἀπεροῦσιν ἐν μέρει ἀναπαυόμενοι. ὅταν γε μὴν ἐν τῷ ἱπποδρόμῳ ἡ ἐπίδειξισ ᾖ, καλὸν μὲν οὕτω πρῶτον τάξασθαι ὡσ ἂν ἐπὶ μετώπου ἐμπλήσαντεσ ἵππων τὸν ἱππόδρομον ἐξελάσειαν τοὺσ ἐκ τοῦ μέσου ἀνθρώπουσ·

καλὸν δ’, ἐπεὶ αἱ φυλαὶ ἐν τῇ ἀνθιππασίᾳ φεύγουσί τε ἀλλήλασ καὶ διώκουσι ταχέωσ, ὅταν οἱ ἵππαρχοι ἡγῶνται ταῖσ πέντε φυλαῖσ, ἑκατέρασ διελαύνειν τὰσ φυλὰσ δι’ ἀλλήλων.

καὶ τὸ ὑπὸ σάλπιγγοσ αὖ τὸ δεύτερον θᾶττον ἐπελαύνειν καλόν.

στάντασ δὲ ἤδη τὸ τρίτον αὖ ὑπὸ τῆσ σάλπιγγοσ χρὴ τάχιστα ἀλλήλοισ ἐπελαύνειν, καὶ διελάσαντασ εἰσ κατάλυσιν ἤδη ἐπὶ φάλαγγοσ ἅπαντασ καταστάντασ, ὥσπερ εἰώθατε, πρὸσ τὴν βουλὴν προσελαύνειν. ταῦτά μοι δοκεῖ πολεμικώτερά τε φαίνεσθαι ἂν καὶ καινότερα.

τὸ δὲ βραδύτερον μὲν τῶν φυλάρχων ἐλαύνειν, τὸν δ’ αὐτὸν τρόπον ἐκείνοισ ἱππεύειν, οὐκ ἄξιον ἱππαρχίασ. ὅταν γε μὴν ἐν τῷ ἐπικρότῳ ἐν Ἀκαδημέᾳ ἱππεύειν δέῃ, ἔχω τάδε παραινέσαι·

εἰσ μὲν τὸ μὴ ἀποκρούεσθαι ἀπὸ τῶν ἵππων, ὑπτίουσ ἀναπεπτωκότασ ἐλαύνειν, εἰσ δὲ τὸ μὴ πίπτειν, τοὺσ ἵππουσ ὑπολαμβάνειν ἐν ταῖσ ἀναστροφαῖσ. τὰ μέντοι ὀρθὰ ταχὺ ἐλαύνειν χρή· οὕτω γὰρ τὸ ἀσφαλὲσ καὶ τὸ καλὸν θεάσεται ἡ βουλή.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Ἱππαρχικός, chapter 3

(크세노폰, Minor Works, Ἱππαρχικός, chapter 3)

상위

목록

SEARCH

MENU NAVIGATION