헬라어 문장 검색 - ΧενοπήΜινορΩό2́02́

(크세노폰, Minor Works, Ἱππαρχικός, chapter 2)

ἢν δὲ δή σοι ταῦτα πάντα ἐξησκημένοι ὦσιν οἱ ἱππεῖσ, δεῖ δήπου καὶ τάξιν τινὰ ἐπίστασθαι αὐτοὺσ ἐξ ἧσ καλλίστασ μὲν θεοῖσ πομπὰσ πέμψουσι, κάλλιστα δὲ ἱππάσονται, ἄριστα δὲ μαχοῦνται, ἢν δέῃ, ῥᾷστα δὲ καὶ ἀταρακτότατα ὁδοὺσ πορεύσονται καὶ διαβάσεισ περάσουσιν. ᾗ τοίνυν χρώμενοι τάξει δοκοῦσιν ἄν μοι ταῦτα κάλλιστα διαπράττεσθαι, ταύτην νῦν ἤδη πειράσομαι δηλοῦν. οὐκοῦν ὑπὸ μὲν τῆσ πόλεωσ ὑπάρχουσι διῃρημέναι φυλαὶ <δέκα>.

τούτων δ’ ἐγώ φημι χρῆναι πρῶτον μὲν δεκαδάρχουσ σὺν τῇ τῶν φυλάρχων ἑκάστου γνώμῃ καταστῆσαι ἐκ τῶν ἀκμαζόντων τε καὶ φιλοτιμοτάτων καλόν τι ποιεῖν καὶ ἀκούειν· καὶ τούτουσ μὲν πρωτοστάτασ δεῖ εἶναι. μετὰ δὲ τούτουσ ἴσουσ χρὴ τούτοισ ἀριθμὸν ἐκ τῶν πρεσβυτάτων τε καὶ φρονιμωτάτων ἑλέσθαι οἵτινεσ τελευταῖοι τῶν δεκάδων ἔσονται.

εἰ γὰρ δεῖ καὶ ἀπεικάσαι, οὕτω καὶ σίδηροσ μάλιστα διατέμνει σίδηρον, ὅταν τό τε ἡγούμενον τοῦ τομέωσ ἐρρωμένον ᾖ καὶ τὸ ἐπελαυνόμενον ἱκανόν. τούσ γε μὴν ἐν μέσῳ τῶν πρώτων καὶ τῶν τελευταίων, εἰ οἱ δεκάδαρχοι ἐπιστάτασ ἕλοιντο καὶ οἱ ἄλλοι ἐφέλοιντο, οὕτωσ εἰκὸσ ἑκάστῳ πιστότατον τὸν ἐπιστάτην εἶναι.

τὸν μέντοι ἀφηγούμενον ἐκ παντὸσ τρόπου δεῖ ἱκανὸν ἄνδρα καθιστάναι.

ἀγαθὸσ γὰρ ὤν, εἴτε ποτὲ δέοι ἐπὶ πολεμίουσ ἐλαύνειν, ἐγκελεύων ῥώμην ἂν ἐμβάλλοι τοῖσ ἔμπροσθεν, εἴτ’ αὖ καὶ ἀποχωρεῖν καιρὸσ συμβαίνοι, φρονίμωσ ἀφηγούμενοσ μᾶλλον ἄν, ὡσ τὸ εἰκόσ, σῴζοι τοὺσ φυλέτασ. οἱ μέντοι δεκάδαρχοι ἄρτιοι ὄντεσ πλείω ἴσα μέρη παρέχοιεν ἂν διαιρεῖν ἢ εἰ περιττοὶ εἰε͂ν.

αὕτη δέ μοι ἡ τάξισ ἀρέσκει διὰ τάδε, ὅτι πρῶτον μὲν οἱ πρωτοστάται πάντεσ ἄρχοντεσ γίγνονται· οἱ δ’ αὐτοὶ ἄνδρεσ ὅταν ἄρχωσι, μᾶλλόν πωσ οἰόνται ἑαυτοῖσ προσήκειν καλόν τι ποιεῖν ἢ ὅταν ἰδιῶται ὦσιν· ἔπειτα δὲ καὶ ὅταν πρακτέον τι ᾖ, τὸ παραγγέλλειν μὴ ἰδιώταισ ἀλλ’ ἄρχουσι πολὺ ἁνυτικώτερον. τεταγμένων γε μὴν οὕτω χρή, ὥσπερ καὶ τοῖσ φυλάρχοισ προαγορεύεται ἡ χώρα ὑπὸ τοῦ ἱππάρχου ἐν ᾗ ἑκάστῳ ἐλατέον, οὕτω καὶ τοῖσ δεκαδάρχοισ παρηγγέλθαι ὑπὸ τῶν φυλάρχων ὅπῃ πορευτέον ἑκάστῳ.

οὕτω γὰρ προειρημένων πολὺ εὐτακτοτέρωσ ἂν ἔχοι ἢ εἰ ὥσπερ ἐκ θεάτρου ὡσ ἂν τύχωσιν ἀπιόντεσ λυποῦσιν ἀλλήλουσ. καὶ μάχεσθαι δὲ μᾶλλον ἐθέλουσιν οἵ τε πρῶτοι, ἤν τι ἐκ τοῦ πρόσθεν προσπίπτῃ, ὅταν εἰδῶσιν ὅτι αὕτη ἡ χώρα αὐτῶν, καὶ οἱ τελευταῖοι, ἤν τι ὄπισθεν ἐπιφαίνηται, ἐπιστάμενοι ὅτι αἰσχρὸν λιπεῖν τὴν τάξιν.

ἄτακτοι δ’ ὄντεσ ἀλλήλουσ μὲν ταράττουσι καὶ ἐν στεναῖσ ὁδοῖσ καὶ ἐν διαβάσεσι, τοῖσ δὲ πολεμίοισ οὐδεὶσ ἑκὼν ἑαυτὸν τάττει μάχεσθαι.

καὶ ταῦτα μὲν δὴ πάντα ὑπάρχειν δεῖ ἐκπεπονημένα πᾶσι τοῖσ ἱππεῦσιν, εἰ μέλλουσιν ἀπροφάσιστοι ἔσεσθαι συνεργοὶ τῷ ἡγουμένῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Xenophon, Minor Works, Ἱππαρχικός, chapter 2

(크세노폰, Minor Works, Ἱππαρχικός, chapter 2)

상위

목록

SEARCH

MENU NAVIGATION