Xenophon, Minor Works, Ἱππαρχικός, chapter 2 7:

οἱ μέντοι δεκάδαρχοι ἄρτιοι ὄντεσ πλείω ἴσα μέρη παρέχοιεν ἂν διαιρεῖν ἢ εἰ περιττοὶ εἰε͂ν. αὕτη δέ μοι ἡ τάξισ ἀρέσκει διὰ τάδε, ὅτι πρῶτον μὲν οἱ πρωτοστάται πάντεσ ἄρχοντεσ γίγνονται· οἱ δ’ αὐτοὶ ἄνδρεσ ὅταν ἄρχωσι, μᾶλλόν πωσ οἰόνται ἑαυτοῖσ προσήκειν καλόν τι ποιεῖν ἢ ὅταν ἰδιῶται ὦσιν· ἔπειτα δὲ καὶ ὅταν πρακτέον τι ᾖ, τὸ παραγγέλλειν μὴ ἰδιώταισ ἀλλ’ ἄρχουσι πολὺ ἁνυτικώτερον.