헬라어 문장 검색 - ΧενοπήΞψροπαέ6́2́

(크세노폰, Cyropaedia, Κύρου Παιδείας, chapter 2)

ἦλθον δ’ ἐν τούτῳ τῷ χρόνῳ καὶ παρὰ τοῦ Ἰνδοῦ χρήματα ἄγοντεσ καὶ ἀπήγγελλον αὐτῷ ὅτι ὁ Ἰνδὸσ ἐπιστέλλει τοιάδε. ἐγώ, ὦ Κῦρε, ἥδομαι ὅτι μοι ἐπήγγειλασ ὧν ἐδέου, καὶ βούλομαί σοι ξένοσ εἶναι καὶ πέμπω σοι χρήματα· κἂν ἄλλων δέῃ, μεταπέμπου. ἐπέσταλται δὲ τοῖσ παρ’ ἐμοῦ ποιεῖν ὅ τι ἂν σὺ κελεύῃσ. ἀκούσασ δὲ ὁ Κῦροσ εἶπε·

κελεύω τοίνυν ὑμᾶσ τοὺσ μὲν ἄλλουσ μένοντασ ἔνθα κατεσκηνώκατε φυλάττειν τὰ χρήματα καὶ ζῆν ὅπωσ ὑμῖν ἥδιστον· τρεῖσ δέ μοι ἐλθόντεσ ὑμῶν ἐσ τοὺσ πολεμίουσ ὡσ παρὰ τοῦ Ἰνδοῦ περὶ συμμαχίασ, καὶ τὰ ἐκεῖ μαθόντεσ ὅ τι ἂν λέγωσί τε καὶ ποιῶσιν, ὡσ τάχιστα ἀπαγγείλατε ἐμοί τε καὶ τῷ Ἰνδῷ· κἂν ταῦτά μοι καλῶσ ὑπηρετήσητε, ἔτι μᾶλλον ὑμῖν χάριν εἴσομαι τούτου ἢ ὅτι χρήματα πάρεστε ἄγοντεσ. καὶ γὰρ οἱ μὲν δούλοισ ἐοικότεσ κατάσκοποι οὐδὲν ἄλλο δύνανται εἰδότεσ ἀπαγγέλλειν ἢ ὅσα πάντεσ ἴσασιν· οἱ δὲ οἱοῖ́περ ὑμεῖσ ἄνδρεσ πολλάκισ καὶ τὰ βουλευόμενα καταμανθάνουσιν. οἱ μὲν δὴ Ἰνδοὶ ἡδέωσ ἀκούσαντεσ καὶ ξενισθέντεσ τότε παρὰ Κύρῳ, συσκευασάμενοι τῇ ὑστεραίᾳ ἐπορεύοντο, ὑποσχόμενοι ἦ μὴν μαθόντεσ ὅσα ἂν δύνωνται πλεῖστα ἐκ τῶν πολεμίων ἥξειν ὡσ δυνατὸν τάχιστα.

ὁ δὲ Κῦροσ τά τε ἄλλα εἰσ τὸν πόλεμον παρεσκευάζετο μεγαλοπρεπῶσ, ὡσ δὴ ἀνὴρ οὐδὲν μικρὸν ἐπινοῶν πράττειν, ἐπεμελεῖτο δὲ οὐ μόνον ὧν ἔδοξε τοῖσ συμμάχοισ, ἀλλὰ καὶ ἔριν ἐνέβαλλε πρὸσ ἀλλήλουσ τοῖσ φίλοισ ὅπωσ αὐτοὶ ἕκαστοι φανοῦνται καὶ εὐοπλότατοι καὶ ἱππικώτατοι καὶ ἀκοντιστικώτατοι καὶ τοξικώτατοι καὶ φιλοπονώτατοι.

ταῦτα δὲ ἐξειργάζετο ἐπὶ τὰσ θήρασ ἐξάγων καὶ τιμῶν τοὺσ κρατίστουσ ἕκαστα·

καὶ τοὺσ ἄρχοντασ δὲ οὓσ ἑώρα ἐπιμελομένουσ τούτου ὅπωσ οἱ αὑτῶν κράτιστοι ἔσονται στρατιῶται, καὶ τούτουσ ἐπαινῶν τε παρώξυνε καὶ χαριζόμενοσ αὐτοῖσ ὅ τι δύναιτο. εἰ δέ ποτε θυσίαν ποιοῖτο καὶ ἑορτὴν ἄγοι, καὶ ἐν ταύτῃ ὅσα πολέμου ἕνεκα μελετῶσιν ἄνθρωποι πάντων τούτων ἀγῶνασ ἐποίει καὶ ἆθλα τοῖσ νικῶσι μεγαλοπρεπῶσ ἐδίδου, καὶ ἦν πολλὴ εὐθυμία ἐν τῷ στρατεύματι.

τῷ δὲ Κύρῳ σχεδόν τι ἤδη ἀποτετελεσμένα ἦν ὅσα ἐβούλετο ἔχων στρατεύεσθαι πλὴν τῶν μηχανῶν.

καὶ γὰρ οἱ Πέρσαι ἱππεῖσ ἔκπλεῳ ἤδη ἦσαν εἰσ τοὺσ μυρίουσ, καὶ τὰ ἁρ́ματα τὰ δρεπανηφόρα, ἅ τε αὐτὸσ κατεσκεύαζεν, ἔκπλεω ἤδη ἦν εἰσ τὰ ἑκατόν, ἅ τε Ἀβραδάτασ ὁ Σούσιοσ ἐπεχείρησε κατασκευάζειν ὅμοια τοῖσ Κύρου, καὶ ταῦτα ἔκπλεω ἦν εἰσ ἄλλα ἑκατόν. καὶ τὰ Μηδικὰ δὲ ἁρ́ματα ἐπεπείκει Κῦροσ Κυαξάρην εἰσ τὸν αὐτὸν τρόπον τοῦτον μετασκευάσαι ἐκ τῆσ Τρωικῆσ καὶ Λιβυκῆσ διφρείασ·

καὶ ἔκπλεω καὶ ταῦτα ἦν εἰσ ἄλλα ἑκατόν. καὶ ἐπὶ τὰσ καμήλουσ δὲ τεταγμένοι ἦσαν ἄνδρεσ δύο ἐφ’ ἑκάστην τοξόται. καὶ ὁ μὲν πλεῖστοσ στρατὸσ οὕτωσ εἶχε τὴν γνώμην ὡσ ἤδη παντελῶσ κεκρατηκὼσ καὶ οὐδὲν ὄντα τὰ τῶν πολεμίων. ἐπεὶ δὲ οὕτω διακειμένων ἦλθον οἱ Ἰνδοὶ ἐκ τῶν πολεμίων οὓσ ἐπεπόμφει Κῦροσ ἐπὶ κατασκοπήν, καὶ ἔλεγον ὅτι Κροῖσοσ μὲν ἡγεμὼν καὶ στρατηγὸσ πάντων ᾑρημένοσ εἰή τῶν πολεμίων, δεδογμένον δ’ εἰή πᾶσι τοῖσ συμμάχοισ βασιλεῦσι πάσῃ τῇ δυνάμει ἕκαστον παρεῖναι, χρήματα δὲ εἰσφέρειν πάμπολλα, ταῦτα δὲ τελεῖν καὶ μισθουμένουσ οὓσ δύναιντο καὶ δωρουμένουσ οἷσ δέοι, ἤδη δὲ καὶ μεμισθωμένουσ εἶναι πολλοὺσ μὲν Θρᾳκῶν μαχαιροφόρουσ, Αἰγυπτίουσ δὲ προσπλεῖν, καὶ ἀριθμὸν ἔλεγον εἰσ δώδεκα μυριάδασ σὺν ἀσπίσι ποδήρεσι καὶ δόρασι μεγάλοισ, οἱᾶ́περ καὶ νῦν ἔχουσι, καὶ κοπίσι·

προσέτι δὲ καὶ Κυπρίων στράτευμα·

παρεῖναι δ’ ἤδη Κίλικασ πάντασ καὶ Φρύγασ ἀμφοτέρουσ καὶ Λυκάονασ καὶ Παφλαγόνασ καὶ Καππαδόκασ καὶ Ἀραβίουσ καὶ Φοίνικασ καὶ σὺν τῷ Βαβυλῶνοσ ἄρχοντι τοὺσ Ἀσσυρίουσ, καὶ Ιὤνασ δὲ καὶ Αἰολέασ καὶ σχεδὸν πάντασ τοὺσ Ἕλληνασ τοὺσ ἐν τῇ Ἀσίᾳ ἐποικοῦντασ σὺν Κροίσῳ ἠναγκάσθαι ἕπεσθαι, πεπομφέναι δὲ Κροῖσον καὶ εἰσ Λακεδαίμονα περὶ συμμαχίασ· συλλέγεσθαι δὲ τὸ στράτευμα ἀμφὶ τὸν Πακτωλὸν ποταμόν, προϊέναι δὲ μέλλειν αὐτοὺσ εἰσ Θύμβραρα, ἔνθα καὶ νῦν ὁ σύλλογοσ τῶν ὑπὸ βασιλέα βαρβάρων τῶν κάτω Συρίασ, καὶ ἀγορὰν πᾶσι παρηγγέλθαι ἐνταῦθα κομίζειν·

σχεδὸν δὲ τούτοισ ταὐτὰ ἔλεγον καὶ οἱ αἰχμάλωτοι· ἐπεμελεῖτο γὰρ καὶ τούτου ὁ Κῦροσ ὅπωσ ἁλίσκοιντο παρ’ ὧν ἔμελλε πεύσεσθαί τι· ἔπεμπε δὲ καὶ δούλοισ ἐοικότασ κατασκόπουσ ὡσ αὐτομόλουσ· ὡσ οὖν ταῦτα ἤκουσεν ὁ στρατὸσ τοῦ Κύρου, ἐν φροντίδι τε ἐγένετο, ὥσπερ εἰκόσ, ἡσυχαίτεροί τε ἢ ὡσ εἰώθεσαν διεφοίτων, φαιδροί τε οὐ πάνυ ἐφαίνοντο, ἐκυκλοῦντό τε καὶ μεστὰ ἦν πάντα ἀλλήλουσ ἐρωτώντων περὶ τούτων καὶ διαλεγομένων.

ὡσ δὲ ᾔσθετο ὁ Κῦροσ φόβον διαθέοντα ἐν τῇ στρατιᾷ, συγκαλεῖ τούσ τε ἄρχοντασ τῶν στρατευμάτων καὶ πάντασ ὁπόσων ἀθυμούντων ἐδόκει βλάβη τισ γίγνεσθαι καὶ προθυμουμένων ὠφέλεια.

προεῖπε δὲ τοῖσ ὑπηρέταισ, καὶ ἄλλοσ εἴ τισ βούλοιτο τῶν ὁπλοφόρων προσίστασθαι ἀκουσόμενοσ τῶν λόγων, μὴ κωλύειν. ἐπεὶ δὲ συνῆλθον, ἔλεξε τοιάδε. ἄνδρεσ σύμμαχοι, ἐγὼ τοίνυν ὑμᾶσ συνεκάλεσα ἰδών τινασ ὑμῶν, ἐπεὶ αἱ ἀγγελίαι ἦλθον ἐκ τῶν πολεμίων, πάνυ ἐοικότασ πεφοβημένοισ ἀνθρώποισ.

δοκεῖ γάρ μοι θαυμαστὸν εἶναι εἴ τισ ὑμῶν ὅτι μὲν οἱ πολέμιοι συλλέγονται δέδοικεν, ὅτι δὲ ἡμεῖσ πολὺ πλείουσ συνειλέγμεθα νῦν ἢ ὅτε ἐνικῶμεν ἐκείνουσ, πολὺ δὲ ἄμεινον σὺν θεοῖσ παρεσκευάσμεθα νῦν ἢ πρόσθεν, ταῦτα δὲ ὁρῶντεσ οὐ θαρρεῖτε. ὢ πρὸσ θεῶν, ἔφη, τί δῆτα ἂν ἐποιήσατε οἱ νῦν δεδοικότεσ, εἰ ἤγγελλόν τινεσ τὰ παρ’ ἡμῖν νῦν ὄντα ταῦτα ἀντίπαλα ἡμῖν προσιόντα, καὶ πρῶτον μὲν ἠκούετε, ἔφη, ὅτι οἱ πρότερον νικήσαντεσ ἡμᾶσ οὗτοι πάλιν ἔρχονται ἔχοντεσ ἐν ταῖσ ψυχαῖσ ἣν τότε νίκην ἐκτήσαντο·

ἔπειτα δὲ οἱ τότε ἐκκόψαντεσ τῶν τοξοτῶν καὶ ἀκοντιστῶν τὰσ ἀκροβολίσεισ νῦν οὗτοι ἔρχονται καὶ ἄλλοι ὅμοιοι τούτοισ πολλαπλάσιοι· ἔπειτα δὲ ὥσπερ οὗτοι ὁπλισάμενοι τοὺσ πεζοὺσ τότ’ ἐνίκων, νῦν οὕτω καὶ οἱ ἱππεῖσ αὐτῶν παρεσκευασμένοι πρὸσ τοὺσ ἱππέασ προσέρχονται, καὶ τὰ μὲν τόξα καὶ ἀκόντια ἀποδεδοκιμάκασι, παλτὸν δὲ ἓν ἰσχυρὸν ἕκαστοσ λαβὼν προσελαύνειν διανενόηται ὡσ ἐκ χειρὸσ τὴν μάχην ποιησόμενοσ·

ἔτι δὲ ἁρ́ματα ἔρχεται, ἃ οὐχ οὕτωσ ἑστήξει ὥσπερ πρόσθεν ἀπεστραμμένα ὥσπερ εἰσ φυγήν, ἀλλ’ οἵ τε ἵπποι εἰσὶ κατατεθωρακισμένοι οἱ ἐν τοῖσ ἁρ́μασιν, οἵ τε ἡνίοχοι ἐν πύργοισ ἑστᾶσι ξυλίνοισ τὰ ὑπερέχοντα ἅπαντα συνεστεγασμένοι θώραξι καὶ κράνεσι, δρέπανά τε σιδηρᾶ περὶ τοῖσ ἄξοσι προσήρμοσται, ὡσ ἐλῶντεσ καὶ οὗτοι εὐθὺσ εἰσ τὰσ τάξεισ τῶν ἐναντίων·

πρὸσ δ’ ἔτι κάμηλοι εἰσὶν αὐτοῖσ ἐφ’ ὧν προσελῶσιν, ὧν μίαν ἑκάστην ἑκατὸν ἵπποι οὐκ ἂν ἀνάσχοιντο ἰδόντεσ·

ἔτι δὲ πύργουσ προσίασιν ἔχοντεσ ἀφ’ ὧν τοῖσ μὲν ἑαυτῶν ἀρήξουσιν, ἡμᾶσ δὲ βάλλοντεσ κωλύσουσι τοῖσ ἐν τῷ ἰσοπέδῳ μάχεσθαι· εἰ δὴ ταῦτα ἀπήγγελλέ τισ ὑμῖν ἐν τοῖσ πολεμίοισ ὄντα, οἱ νῦν φοβούμενοι τί ἂν ἐποιήσατε;

ὁπότε ἀπαγγελλομένων ὑμῖν ὅτι Κροῖσοσ μὲν ᾕρηται τῶν πολεμίων στρατηγόσ, ὃσ τοσούτῳ Σύρων κακίων ἐγένετο ὅσῳ Σύροι μὲν μάχῃ ἡττηθέντεσ ἔφυγον, Κροῖσοσ δὲ ἰδὼν ἡττημένουσ ἀντὶ τοῦ ἀρήγειν τοῖσ συμμάχοισ φεύγων ᾤχετο· ἔπειτα δὲ διαγγέλλεται δήπου ὅτι αὐτοὶ μὲν οἱ πολέμιοι οὐχ ἱκανοὶ ἡγοῦνται ὑμῖν εἶναι μάχεσθαι, ἄλλουσ δὲ μισθοῦνται, ὡσ ἄμεινον μαχουμένουσ ὑπὲρ σφῶν ἢ αὐτοί.

εἰ μέντοι τισὶ ταῦτα μὲν τοιαῦτα ὄντα δεινὰ δοκεῖ εἶναι, τὰ δὲ ἡμέτερα φαῦλα, τούτουσ ἐγώ φημι χρῆναι, ὦ ἄνδρεσ, ἀφεῖναι εἰσ τοὺσ ἐναντίουσ· πολὺ γὰρ ἐκεῖ ὄντεσ πλείω ἂν ἡμᾶσ ἢ παρόντεσ ὠφελοῖεν. ἐπεὶ δὲ ταῦτα εἶπεν ὁ Κῦροσ, ἀνέστη Χρυσάντασ ὁ Πέρσησ καὶ ἔλεξεν ὧδε.

ὦ Κῦρε, μὴ θαύμαζε εἴ τινεσ ἐσκυθρώπασαν ἀκούσαντεσ τῶν ἀγγελλομένων· οὐ γὰρ φοβηθέντεσ οὕτω διετέθησαν, ἀλλ’ ἀχθεσθέντεσ· ὥσπερ γε, ἔφη, εἴ τινων βουλομένων τε καὶ οἰομένων ἤδη ἀριστήσειν ἐξαγγελθείη τι ἔργον ὃ ἀνάγκη εἰή πρὸ τοῦ ἀρίστου ἐξεργάσασθαι, οὐδεὶσ ἂν οἶμαι ἡσθείη ἀκούσασ· οὕτω τοίνυν καὶ ἡμεῖσ ἤδη οἰόμενοι πλουτήσειν, ἐπεὶ ἠκούσαμεν ὅτι ἐστὶ περίλοιπον ἔργον ὃ δεῖ ἐξεργάσασθαι, συνεσκυθρωπάσαμεν, οὐ φοβούμενοι, ἀλλὰ πεποιῆσθαι ἂν ἤδη καὶ τοῦτο βουλόμενοι. ἀλλὰ γὰρ ἐπειδὴ οὐ περὶ Συρίασ μόνον ἀγωνιούμεθα, ὅπου σῖτοσ πολὺσ καὶ πρόβατά ἐστι καὶ φοίνικεσ οἱ καρποφόροι, ἀλλὰ καὶ περὶ Λυδίασ, ἔνθα πολὺσ μὲν οἶνοσ, πολλὰ δὲ σῦκα, πολὺ δὲ ἔλαιον, θάλαττα δὲ προσκλύζει καθ’ ἣν πλείω ἔρχεται ἢ ὅσα τισ ἑώρακεν ἀγαθά, ταῦτα, ἔφη, ἐννοούμενοι οὐκέτι ἀχθόμεθα, ἀλλὰ θαρροῦμεν ὡσ μάλιστα, ἵνα θᾶττον καὶ τούτων τῶν Λυδίων ἀγαθῶν ἀπολαύωμεν.

ὁ μὲν οὕτωσ εἶπεν· οἱ δὲ σύμμαχοι πάντεσ ἥσθησάν τε τῷ λόγῳ καὶ ἐπῄνεσαν. καὶ μὲν δή, ἔφη ὁ Κῦροσ, ὦ ἄνδρεσ, δοκεῖ μοι ἰέναι ἐπ’ αὐτοὺσ ὡσ τάχιστα, ἵνα πρῶτον μὲν αὐτοὺσ φθάσωμεν ἀφικόμενοι, ἢν δυνώμεθα, ὅπου τὰ ἐπιτήδεια αὐτοῖσ συλλέγεται·

ἔπειτα δὲ ὅσῳ ἂν θᾶττον ἰώμεν, τοσούτῳ μείω μὲν τὰ παρόντα αὐτοῖσ εὑρήσομεν, πλείω δὲ τὰ ἀπόντα. ἐγὼ μὲν δὴ οὕτω λέγω·

εἰ δέ τισ ἄλλῃ πῃ γιγνώσκει ἢ ἀσφαλέστερον εἶναι ἢ ῥᾷον ἡμῖν, διδασκέτω. ἐπεὶ δὲ συνηγόρευον μὲν πολλοὶ ὡσ χρεὼν εἰή ὅτι τάχιστα πορεύεσθαι ἐπὶ τοὺσ πολεμίουσ, ἀντέλεγε δὲ οὐδείσ, ἐκ τούτου δὴ ὁ Κῦροσ ἤρχετο λόγου τοιοῦδε. ἄνδρεσ σύμμαχοι, αἱ μὲν ψυχαὶ καὶ τὰ σώματα καὶ τὰ ὅπλα οἷσ δεήσει χρῆσθαι ἐκ πολλοῦ ἡμῖν σὺν θεῷ παρεσκεύασται·

νῦν δὲ τὰ ἐπιτήδεια δεῖ εἰσ τὴν ὁδὸν συσκευάζεσθαι αὐτοῖσ τε ἡμῖν καὶ ὁπόσοισ τετράποσι χρώμεθα μὴ μεῖον ἢ εἴκοσιν ἡμερῶν. ἐγὼ γὰρ λογιζόμενοσ εὑρίσκω πλέον ἢ πεντεκαίδεκα ἡμερῶν ἐσομένην ὁδόν, ἐν ᾗ οὐδὲν εὑρήσομεν τῶν ἐπιτηδείων· ἀνεσκεύασται γὰρ τὰ μὲν ὑφ’ ἡμῶν, τὰ δ’ ὑπὸ τῶν πολεμίων ὅσα ἐδύναντο. συσκευάζεσθαι οὖν χρὴ σῖτον μὲν ἱκανόν·

ἄνευ γὰρ τούτου οὔτε μάχεσθαι οὔτε ζῆν δυναίμεθ’ ἄν· οἶνον δὲ τοσοῦτον ἕκαστον ἔχειν χρὴ ὅσοσ ἱκανὸσ ἔσται ἐθίσαι ἡμᾶσ αὐτοὺσ ὑδροποτεῖν· πολλὴ γὰρ ἔσται τῆσ ὁδοῦ ἀοίνοσ, εἰσ ἣν οὐδ’ ἂν πάνυ πολὺν οἶνον συσκευασώμεθα, διαρκέσει. ὡσ οὖν μὴ ἐξαπίνησ ἀοίνοι γενόμενοι νοσήμασι περιπίπτωμεν, ὧδε χρὴ ποιεῖν·

ἐπὶ μὲν τῷ σίτῳ νῦν εὐθὺσ ἀρχώμεθα πίνειν ὕδωρ· τοῦτο γὰρ ἤδη ποιοῦντεσ οὐ πολὺ μεταβαλοῦμεν. καὶ γὰρ ὅστισ ἀλφιτοσιτεῖ, ὕδατι μεμαγμένην ἀεὶ τὴν μᾶζαν ἐσθίει, καὶ ὅστισ ἀρτοσιτεῖ, ὕδατι δεδευμένον τὸν ἄρτον, καὶ τὰ ἑφθὰ δὲ πάντα μεθ’ ὕδατοσ τοῦ πλείστου ἐσκεύασται.

μετὰ δὲ τὸν σῖτον ἐὰν οἶνον ἐπιπίνωμεν, οὐδὲν μεῖον ἔχουσα ἡ ψυχὴ ἀναπαύσεται. ἔπειτα δὲ καὶ τοῦ μετὰ δεῖπνον ἀφαιρεῖν χρή, ἔστ’ ἂν λάθωμεν ὑδροπόται γενόμενοι.

ἡ γὰρ κατὰ μικρὸν παράλλαξισ πᾶσαν ποιεῖ φύσιν ὑποφέρειν τὰσ μεταβολάσ· διδάσκει δὲ καὶ ὁ θεόσ, ἀπάγων ἡμᾶσ κατὰ μικρὸν ἔκ τε τοῦ χειμῶνοσ εἰσ τὸ ἀνέχεσθαι ἰσχυρὰ θάλπη ἔκ τε τοῦ θάλπουσ εἰσ τὸν ἰσχυρὸν χειμῶνα· ὃν χρὴ μιμουμένουσ εἰσ ὃ δεῖ ἐλθεῖν προειθισμένουσ ἡμᾶσ ἀφικνεῖσθαι. καὶ τὸ τῶν στρωμάτων δὲ βάροσ εἰσ τἀπιτήδεια καταδαπανᾶτε·

τὰ μὲν γὰρ ἐπιτήδεια περιττεύοντα οὐκ ἄχρηστα ἔσται· στρωμάτων δὲ ἐνδεηθέντεσ μὴ δείσητε ὡσ οὐχ ἡδέωσ καθευδήσετε· εἰ δὲ μή, ἐμὲ αἰτιᾶσθε. ἐσθὴσ μέντοι ὅτῳ ἐστὶν ἀφθονωτέρα παροῦσα, πολλὰ καὶ ὑγιαίνοντι καὶ κάμνοντι ἐπικουρεῖ. ὄψα δὲ χρὴ συνεσκευάσθαι ὅσα ἐστὶν ὀξέα καὶ δριμέα καὶ ἁλμυρά·

ταῦτα γὰρ ἐπὶ σῖτόν τε ἄγει καὶ ἐπὶ πλεῖστον ἀρκεῖ. ὅταν δ’ ἐκβαίνωμεν εἰσ ἀκέραια, ὅπου ἤδη εἰκὸσ ἡμᾶσ σῖτον λαμβάνειν, χειρομύλασ χρὴ αὐτόθεν παρασκευάσασθαι αἷσ σιτοποιησόμεθα· τοῦτο γὰρ κουφότατον τῶν σιτοποιικῶν ὀργάνων. συνεσκευάσθαι δὲ χρὴ καὶ ὧν ἀσθενοῦντεσ δέονται ἄνθρωποι·

τούτων γὰρ ὁ μὲν ὄγκοσ μικρότατοσ, ἢν δὲ τύχη τοιαύτη γένηται, μάλιστα δεήσει. ἔχειν δὲ χρὴ καὶ ἱμάντασ· τὰ γὰρ πλεῖστα καὶ ἀνθρώποισ καὶ ἵπποισ ἱμᾶσιν ἤρτηται· ὧν κατατριβομένων καὶ ῥηγνυμένων ἀνάγκη ἀργεῖν, ἢν μή τισ ἔχῃ περίζυγα. ὅστισ δὲ πεπαίδευται καὶ παλτὸν ξύσασθαι, ἀγαθὸν καὶ ξυήλησ μὴ ἐπιλαθέσθαι. ἀγαθὸν δὲ καὶ ῥίνην φέρεσθαι·

ὁ γὰρ λόγχην ἀκονῶν ἐκεῖνοσ καὶ τὴν ψυχήν τι παρακονᾷ. ἔπεστι γάρ τισ αἰσχύνη λόγχην ἀκονῶντα κακὸν εἶναι. ἔχειν δὲ χρὴ καὶ ξύλα περίπλεω καὶ ἁρ́μασι καὶ ἁμάξαισ· ἐν γὰρ πολλαῖσ πράξεσι πολλὰ ἀνάγκη καὶ τὰ ἀπαγορεύοντα εἶναι. ἔχειν δὲ δεῖ καὶ τὰ ἀναγκαιότατα ὄργανα ἐπὶ ταῦτα πάντα·

οὐ γὰρ πανταχοῦ χειροτέχναι παραγίγνονται· τὸ δ’ ἐφ’ ἡμέραν ἀρκέσον ὀλίγοι τινὲσ οἳ οὐχ ἱκανοὶ ποιῆσαι. ἔχειν δὲ χρὴ καὶ ἄμην καὶ σμινύην κατὰ ἅμαξαν ἑκάστην, καὶ κατὰ τὸν νωτοφόρον δὲ ἀξίνην καὶ δρέπανον· ταῦτα γὰρ καὶ ἰδίᾳ ἑκάστῳ χρήσιμα καὶ ὑπὲρ τοῦ κοινοῦ πολλάκισ ὠφέλιμα γίγνεται. τὰ μὲν οὖν εἰσ τροφὴν δέοντα οἱ ἡγεμόνεσ τῶν ὁπλοφόρων ἐξετάζετε τοὺσ ὑφ’ ὑμῖν αὐτοῖσ·

οὐ γὰρ δεῖ παριέναι ὅτου ἄν τισ τούτων ἐνδέηται· ἡμεῖσ γὰρ τούτων ἐνδεεῖσ ἐσόμεθα. ἃ δὲ κατὰ τὰ ὑποζύγια κελεύω ἔχειν, ὑμεῖσ οἱ τῶν σκευοφόρων ἄρχοντεσ ἐξετάζετε, καὶ τὸν μὴ ἔχοντα κατασκευάζεσθαι ἀναγκάζετε. ὑμεῖσ δ’ αὖ οἱ τῶν ὁδοποιῶν ἄρχοντεσ ἔχετε μὲν ἀπογεγραμμένουσ παρ’ ἐμοῦ τοὺσ ἀποδεδοκιμασμένουσ καὶ τοὺσ ἐκ τῶν ἀκοντιστῶν καὶ τοὺσ ἐκ τῶν τοξοτῶν καὶ τοὺσ ἐκ τῶν σφενδονητῶν·

τούτων δὲ χρὴ τοὺσ μὲν ἀπὸ τῶν ἀκοντιστῶν πέλεκυν ἔχοντασ ξυλοκόπον ἀναγκάζειν στρατεύεσθαι, τοὺσ δ’ ἀπὸ τῶν τοξοτῶν σμινύην, τοὺσ δ’ ἀπὸ τῶν σφενδονητῶν ἄμην· τούτουσ δὲ ἔχοντασ ταῦτα πρὸ τῶν ἁμαξῶν κατ’ ἴλασ πορεύεσθαι, ὅπωσ ἤν τι δέῃ ὁδοποιίασ, εὐθὺσ ἐνεργοὶ ἦτε, καὶ ἐγὼ ἤν τι δέωμαι, ὅπωσ εἰδῶ ὅθεν δεῖ λαβόντα τούτοισ χρῆσθαι. ἄξω δὲ καὶ τοὺσ ἐν τῇ στρατιωτικῇ ἡλικίᾳ σὺν τοῖσ ὀργάνοισ χαλκέασ τε καὶ τέκτονασ καὶ σκυτοτόμουσ, ὅπωσ ἄν τι δέῃ καὶ τοιούτων τεχνῶν ἐν τῇ στρατιᾷ μηδὲν ἐλλείπηται.

οὗτοι δὲ ὁπλοφόρου μὲν τάξεωσ ἀπολελύσονται, ἃ δὲ ἐπίστανται, τῷ βουλομένῳ μισθοῦ ὑπηρετοῦντεσ ἐν τῷ τεταγμένῳ ἔσονται. ἢν δέ τισ καὶ ἔμποροσ βούληται ἕπεσθαι πωλεῖν τι βουλόμενοσ, τῶν μὲν προειρημένων ἡμερῶν τὰ ἐπιτήδεια ἔχειν ἤν τι πωλῶν ἁλίσκηται, πάντων στερήσεται·

ἐπειδὰν δ’ αὗται παρέλθωσιν αἱ ἡμέραι, πωλήσει ὅπωσ ἂν βούληται. ὅστισ δ’ ἂν τῶν ἐμπόρων πλείστην ἀγορὰν παρέχων φαίνηται, οὗτοσ καὶ παρὰ τῶν συμμάχων καὶ παρ’ ἐμοῦ δώρων καὶ τιμῆσ τεύξεται. εἰ δέ τισ χρημάτων προσδεῖσθαι νομίζει εἰσ ἐμπολήν, γνωστῆρασ ἐμοὶ προσαγαγὼν καὶ ἐγγυητὰσ ἦ μὴν πορεύσεσθαι σὺν τῇ στρατιᾷ, λαμβανέτω ὧν ἡμεῖσ ἔχομεν.

ἐγὼ μὲν δὴ ταῦτα προαγορεύω· εἰ δέ τίσ τι καὶ ἄλλο δέον ἐνορᾷ, πρὸσ ἐμὲ σημαινέτω. καὶ ὑμεῖσ μὲν ἀπιόντεσ συσκευάζεσθε, ἐγὼ δὲ θύσομαι ἐπὶ τῇ ὁρμῇ·

ὅταν δὲ τὰ τῶν θεῶν καλῶσ ἔχῃ, σημανοῦμεν. παρεῖναι δὲ χρὴ ἅπαντασ τὰ προειρημένα ἔχοντασ εἰσ τὴν τεταγμένην χώραν πρὸσ τοὺσ ἡγεμόνασ αὐτῶν. ὑμεῖσ δὲ οἱ ἡγεμόνεσ τὴν ἑαυτοῦ ἕκαστοσ τάξιν εὐτρεπισάμενοσ πρὸσ ἐμὲ πάντεσ συμβάλλετε, ἵνα τὰσ ἑαυτῶν ἕκαστοι χώρασ καταμάθητε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Cyropaedia, Κύρου Παιδείας, chapter 2

(크세노폰, Cyropaedia, Κύρου Παιδείας, chapter 2)

상위

목록

SEARCH

MENU NAVIGATION