ὁ δὲ Γαδάτασ ὡσ ἐγγὺσ ἦν τούτων τῶν κωμῶν, πέμπει τινὰσ προδιερευνησομένουσ. ὁ δὲ Ἀσσύριοσ ὡσ ἔγνω προσιόντασ τοὺσ διερευνητάσ, φεύγειν κελεύει ἁρ́ματα ἐξαναστάντα δύο ἢ τρία καὶ ἵππουσ ὀλίγουσ, ὡσ δὴ φοβηθέντασ καὶ ὀλίγουσ ὄντασ. οἱ δὲ διερευνηταὶ ὡσ εἶδον ταῦτα, αὐτοί τε ἐδίωκον καὶ τῷ Γαδάτᾳ κατέσειον· καὶ ὃσ ἐξαπατηθεὶσ διώκει ἀνὰ κράτοσ. οἱ δὲ Ἀσσύριοι, ὡσ ἐδόκει ἁλώσιμοσ εἶναι ὁ Γαδάτασ, ἀνίστανται ἐκ τῆσ ἐνέδρασ.
