Xenophon, Cyropaedia, Κύρου Παιδείασ Ε, chapter 3 29:

τούτων γενομένων πολὺ δὴ προθυμότερον καὶ πλείουσ καὶ Καδούσιοι συνεστρατεύοντο καὶ Σάκαι καὶ Ὑρκάνιοι· καὶ συνελέγη ἐντεῦθεν στράτευμα Καδουσίων μὲν πελτασταὶ εἰσ δισμυρίουσ καὶ ἱππεῖσ εἰσ τετρακισχιλίουσ, Σακῶν δὲ τοξόται εἰσ μυρίουσ καὶ ἱπποτοξόται εἰσ χιλίουσ· καὶ Ὑρκάνιοι δὲ πεζούσ τε ὁπόσουσ ἐδύναντο προσεξέπεμψαν καὶ ἱππέασ ἐξεπλήρωσαν εἰσ δισχιλίουσ· τὸ γὰρ πρόσθεν καταλελειμμένοι ἦσαν πλείουσ οἴκοι αὐτοῖσ ἱππεῖσ, ὅτι καὶ οἱ Καδούσιοι καὶ οἱ Σάκαι τοῖσ Ἀσσυρίοισ πολέμιοι ἦσαν.