호흡부호 보기
강세부호 보기
장단부호 보기
작은 Iota 보기
모든 부호 보기
Ἡρακλέουσ ἆθλοι πρῶτα μὲν ἐν Νεμέῃ βριαρὸν κατέπεφνε λέοντα, δεύτερον, ἐν Λέρνῃ πολυαύχενον ὤλεσεν ὕδραν. τὸ τρίτον αὖτ’ ἐπὶ τοῖσ Ἐρυμάνθιον ἔκτανε κάπρον. χρυσόκερων ἔλαφον μετὰ ταῦτ’ ἤγρευσε, τέταρτον. πέμπτον δ’, ὄρνιθασ Στυμφαλίδασ ἐξεδίωξεν.
ἕκτον, Ἀμαζονίδοσ κόμισε ζωστῆρα φαεινόν. ἕβδομον, Αὐγείου πολλὴν κόπρον ἐξεκάθηρεν. ὄγδοον, ἐκ Κρήτηθε πυρίπνοον ἤλασε ταῦρον. εἴνατον, ἐκ Θρῄκησ Διομήδεοσ ἤγαγεν ἵππουσ. Γηρυόνου, δέκατον, βόασ ἤγαγεν ἐξ Ἐρυθείησ.
Κέρβερον, ἑνδέκατον, κύν’ ἀνήγαγεν ἐξ Αἴδαο. δωδέκατον, ἐκόμισσεν ἐσ Ἑλλάδα χρύσεα μῆλα. τὸ τρισκαιδέκατον, τοῖον λυγρὸν ἔσχεν ἀέθλον μουνονυχὶ πεντήκοντα ξυνελέξατο κούραισ.
호흡부호 보기
강세부호 보기
장단부호 보기
작은 Iota 보기
모든 부호 보기