헬라어 텍스트

Unknown, Greek Anthology, Volume V, book 15, chapter 12

(작자 미상, Greek Anthology, Volume V, book 15, chapter 12)

εὖγε Τύχη με ποεῖσ, ἀπραγμοσύνῃ μ’ Ἐπικούρου ἡδίστῃ κομέουσα, καὶ ἡσυχίῃ τέρπουσα· τίπτε δέ μοι χρέοσ ἀσχολίησ πολυκηδέοσ ἀνδρῶν; οὐκ ἐθέλω πλοῦτον, τυφλὸν φίλον, ἀλλοπρόσαλλον, οὐ τιμάσ· τιμαὶ δὲ βροτῶν ἀμενηνὸσ ὄνειροσ.

ἔρρε μοι, ὦ Κίρκησ δνοφερὸν σπέοσ· αἰδέομαι γὰρ οὐράνιοσ γεγαὼσ βαλάνουσ ἅτε θηρίον ἔσθειν· μισῶ Λωτοφάγων γλυκερὴν λιπόπατριν ἐδωδήν· Σειρηνων τε μέλοσ καταγωγὸν ἀναίνομαι ἐχθρόν· ἀλλὰ λαβεῖν θεόθεν ψυχοσσόον εὔχομαι ἄνθοσ, μῶλυ, κακῶν δοξῶν ἀλκτήριον ὦτα δὲ κηρῷ ἀσφαλέωσ κλείσασ προφυγεῖν γενετήσιον ὁρμήν.

ταῦτα λέγων τε γράφων τε πέρασ βιότοιο κιχείην, εἰσ τὸν θρόνον αὐτοῦ εἰ μέν τισ σοφόσ ἐσσι, ἐφέζεο·