호흡부호 보기
강세부호 보기
장단부호 보기
작은 Iota 보기
모든 부호 보기
πέμπτον μοι κλήρου, παῖ, λάμβανε· δωδέκατον δὲ δέξο, δάμαρ· πίσυρεσ δ’ υἱέοσ οἰχομένου παῖδεσ, ἀδελφειοί τε δύω, καὶ ἀγάστονε μῆτερ, ἑνδεκάτην κλήρου μοῖραν ἕκαστοσ ἔχε. αὐτὰρ, ἀνεψιαδοῖ, δυοκαίδεκα δέχθε τάλαντα·
Εὔβουλοσ δ’ ἐχέτω πέντε τάλαντα φίλοσ. πιστοτάτοισ δμώεσσιν ἐλευθερίην καὶ ἄποινα, μισθὸν ὑπηρεσίησ, τοῖσδε δίδωμι τάδε· ὧδε δὲ λαμβανέτωσαν Ὀνήσιμοσ εἴκοσι πέντε μνᾶσ ἐχέτω· Δᾶοσ δ’ εἴκοσι μνᾶσ ἐχέτω, πεντήκοντα Σύροσ, Συνετὴ δέκα, Τίβιοσ ὀκτώ·
ἑπτὰ δὲ μνᾶσ Συνετῷ παιδὶ δίδωμι Σύρου. δισσῶν ἔσ τε πυρὴν καὶ ἄλφιτα καὶ τελαμῶνασ, εἰκαίην δοιῶν σῶμα χάριν λαβέτω.
호흡부호 보기
강세부호 보기
장단부호 보기
작은 Iota 보기
모든 부호 보기