Unknown, Greek Anthology, book 3, chapter 5

ὁ ε ἔχει Κρεσφόντην ἀναιροῦντα Πολυφόντην τοῦ πατρὸσ τὸν φονέα· ἔστι δὲ καὶ Μερόπη βάκτρον κατέχουσα καὶ συνεργοῦσα τῷ υἱῷ πρὸσ τὴν τοῦ ἀνδρὸσ ἐκδημίαν. Κρεσφόντου γενέτην πέφνεσ τὸ πάροσ, Πολυφόντα, κουριδίησ ἀλόχου λέκτρα θέλων μιάναι· ὀψὲ δέ σοι πάϊσ ἧκε φόνῳ γενέτῃ προσαμύνων, καί σε κατακτείνει ματρὸσ ὑπὲρ Μερόπασ. τοὔνεκα καὶ δόρυ πῆξε μεταφρένῳ, ἁ δ’ ἐπαρήγει, βριθὺ κατὰ κροτάφων βάκτρον ἐρειδομένα.