호흡부호 보기
강세부호 보기
장단부호 보기
작은 Iota 보기
모든 부호 보기
ὑπόθεσισ, ἀπολογία εὔφημοσ. Ὁμηροκέντρων βίβλοσ Πατρικίοιο θεουδέοσ ἀρητῆροσ, ὃσ μέγα ἔργον ἔρεξεν, ὁμηρείησ ἀπὸ βίβλου κυδαλίμων ἐπέων τεύξασ ἐρίτιμον ἀοιδήν, πρήξιασ ἀγγέλλουσαν ἀνικήτοιο Θεοῖο· ὡσ μόλεν ἀνθρώπων ἐσ ὁμήγυριν, ὡσ λάβε μορφὴν ἀνδρομέην, καὶ γαστρὸσ ἀμεμφέοσ ἔνδοθι κούρησ κρύπτετο τυτθὸσ ἐών, ὃν ἀπείριτοσ οὐ χάδε κύκλοσ·
ἠδ’ ὡσ παρθενικῆσ θεοκύμονοσ ἔσπασε μαζὸν παρθενίοιο γάλακτοσ ἀναβλύζοντα ῥέεθρον ὡσ κτάνεν Ἡρώδησ ἀταλάφρονασ εἰσέτι παῖδασ νήπιοσ, ἀθανάτοιο Θεοῦ διζήμενοσ οἶτον ὥσ μιν Ιωἄννησ λοῦσεν ποταμοῖο ῥεέθροισ· ὥσ τε δυώδεκα φῶτασ ἀμύμονασ ἔλλαβ’ ἑταίρουσ·
ὅσσων τ’ ἄρτια πάντα Θεὸσ τεκτήνατο γυῖα, νούσουσ τ’ ἐξελάσασ στυγερὰσ βλεφάρων τ’ ἀλαωτύν, ἠδ’ ὅππωσ ῥείοντασ ἀπέσβεσεν αἵματοσ ὁλκοὺσ ἁψαμένησ ἑανοῖο πολυκλαύτοιο γυναικόσ· ἠδ’ ὅσσουσ μοίρῃσιν ὑπ’ ἀργαλέῃσι δαμέντασ ἤγαγεν ἐσ φάοσ αὖθισ ἀπὸ χθονίοιο βερέθρου·
ὥσ τε πάθουσ ἁγίου μνημήια κάλλιπεν ἄμμιν ὥσ τε βροτῶν ὑπὸ χερσὶ τάθη κρυεροῖσ ἐνὶ δεσμοῖσ, αὐτὸσ ἑκών οὐ γάρ τισ ἐπιχθονίων πολεμίζοι ὑψιμέδοντι Θεῷ, ὅτε μὴ αὐτόσ γε κελεύοι·
κεῖθεν δὲ ψυχὰσ θεοπειθέασ οὐρανὸν εἴσω ἤγαγεν ἀχράντοισιν ὑπ’ ἐννεσίῃσι τοκῆοσ, ἀνστὰσ ἐν τριτάτᾐ φαεσιμβρότῳ ἠριγενείῃ ἀρχέγονον βλάστημα θεοῦ γενετῆροσ ἀνάρχου.
호흡부호 보기
강세부호 보기
장단부호 보기
작은 Iota 보기
모든 부호 보기