Unknown, Elegy and Iambus, Volume I, Εὐριπίδου?, Εἰς τοῦς ἐν Σικελίᾳ Αποθάνοντας

ὁ μὲν γὰρ Εὐριπίδης μετὰ τὴν ἧτταν αὐτῶν καὶ τὸν ὄλεθρον γράφων ἐπικήδειον ἐποίησεν: οἵδε Συρακοσίους ὀκτὼ νίκας ἐκράτησαν ἄνδρες, ὅτ ἦν τὰ θεῶν ἐξ ἴσου ἀμφοτέροις. π. μυκήτων: Ἐπαρχίδης Εὐριπίδην φησὶ τὸν ποιητὴν ἐπιδημῆσαι τῇ Ἰκάρῳ, καὶ γυναικός τινος μετὰ τέκνων κατὰ τοὺς ἀγρούς, δύο μὲν ἀρρένων τελείων, μιᾶς δὲ παρθένου, φαγούσης θανασίμους μύκητας καὶ ἀποπνιγείσης μετὰ τῶν τέκνων, ποιῆσαι τουτὶ τὸ ἐπίγραμμα: Ὦ τὸν ἀγήραντον πόλον αἰθέρος Ἥλιε τέμνων, ἆρ εἶδες τοιόνδ ὄμματι πρόσθε πάθος, μητέρα παρθενικήν τε κόρην δισσούς τε συναίμους ἐν ταὐτῷ φέγγει μοιραδίῳ φθιμένους·