헬라어 문장 검색 - Τηεοξρ́Ιδψλλσ́15́

(테오크리토스, Idylls, Κυνίσκασ Ἔρωσ ἢ Θυώνιχοσ.)

Χαίρειν πολλὰ τὸν ἄνδρα Θυώνιχον. ἀλλὰ τὺ ταὐτά, Αἰσχίνα. ὡσ χρόνιοσ. χρόνιοσ; τί δέ τοι τὸ μέλημα; πράσσομεσ οὐχ ὡσ λῷστα Θυώνιχε. ταῦτ’ ἄρα λεπτόσ, χὡ μύσταξ πολὺσ οὗτοσ, ἀυσταλέοι δὲ κίκιννοι. τοιοῦτοσ πρώαν τισ ἀφίκετο Πυθαγορικτάσ, ὠχρὸσ κἀνυπόδητοσ· Ἀθηναῖοσ δ’ ἔφατ’ ἦμεν. ἤρατο μὰν καὶ τῆνοσ, ἐμὶν δοκεῖ, ὀπτῶ ἀλεύρω. παίσδεισ ὦγάθ’ ἔχων· ἐμὲ δ’ ἁ χαρίεσσα Κυνίσκα ὑβρίσδει· λασῶ δὲ μανείσ ποκα, θρὶξ ἀνὰ μέσσον. τοιοῦτοσ μὲν ἀεὶ τὺ φίλ’ Αἰσχίνα, ἁσυχᾷ ὀξύσ, πάντ’ ἐθέλων κατὰ καιρόν· ὅμωσ δ’ εἶπον, τί τὸ καινόν. ὡργεῖοσ κἠγὼ καὶ ὁ Θεσσαλὸσ ἱπποδιώκτασ ͂̓Απισ καὶ Κλεύνικοσ ἐπίνομεσ ὁ στρατιώτασ ἐν χώρῳ παρ’ ἐμίν. δύο μὲν κατέκοψα νεοσσὼσ θηλάζοντά τε χοῖρον, ἀνῷξα δὲ βίβλινον αὐτοῖσ εὐώδη, τετόρων ἐτέων, σχεδὸν ὡσ ἀπὸ λανῶ. βολβὸσ κτεὶσ κοχλίασ ἐξῃρέθη. ἦσ πότοσ ἁδύσ. ἤδη δὲ προϊόντοσ, ἔδοξ’ ἐπιχεῖσθαι ἄκρατον ὧτινοσ ἤθελ’ ἕκαστοσ· ἔδει μόνον ὧτινοσ εἰπεῖν. ἄμμεσ μὲν φωνεῦντεσ ἐπίνομεσ, ὡσ ἐδέδοκτο· ἁ δ’ οὐδὲν παρεόντοσ ἐμεῦ. τίν’ ἔχειν με δοκεῖσ νοῦν; "οὐ φθεγξῇ; λύκον εἶδεσ· ἔπαιξέ τισ. "ὡσ σοφόσ" εἶπε, κἠφᾶπτ’· εὐμαρέωσ κεν ἀπ’ αὐτᾶσ καὶ λύχνον ἇψασ. ἔστι Λύκοσ, Λύκοσ ἐστί, Λάβα τῶ γείτονοσ υἱόσ, εὐμάκησ ἁπαλόσ, πολλοῖσ δοκέων καλὸσ ἦμεν. τούτω τὸν κλύμενον κατετάκετο τῆνον ἔρωτα. χἁμῖν τοῦτο δι’ ὠτὸσ ἔγεντό ποθ’ ἁσυχᾷ οὑτῶσ· οὐ μὰν ἐξήταξα μάταν εἰσ ἄνδρα γενειῶν. ἤδη δ’ ὦν πόσιοσ τοὶ τέσσαρεσ ἐν βάθει ἦμεσ, χὡ Λαρισαῖοσ "τὸν ἐμὸν Λύκον" ᾆδεν ἀπ’ ἀρχᾶσ, Θεσσαλικόν τι μέλισμα, κακαὶ φρένεσ· ἁ δὲ Κυνίσκα ἔκλαι’ ἐξαπίνασ θαλερώτερον ἢ παρὰ ματρὶ παρθένοσ ἑξαέτησ κόλπω ἐπιθυμήσασα. τᾶμοσ ἐγώ, τὸν ἴσαισ τὺ Θυώνιχε, πὺξ ἐπὶ κόρρασ ἤλασα, κἄλλαν αὖθισ. ἀνειρύσσασα δὲ πέπλωσ ἔξω ἀπῴχετο θᾶσσον. "ἐμὸν κακόν, οὔ τοι ἀρέσκω; ἄλλόσ τοι γλυκίων ὑποκόλπιοσ; ἄλλον ἰοῖσα θάλπε φίλον. τήνῳ τὰ σὰ δάκρυα μᾶλα ῥέοντι. " μάστακα δοῖσα τέκνοισιν ὑπωροφίοισι χελιδὼν ἄψορρον ταχινὰ πέτεται βίον ἄλλον ἀγείρειν· ὠκυτέρα μαλακᾶσ ἀπὸ δίφρακοσ ἔδραμε τήνα ἰθὺ δι’ ἀμφιθύρω καὶ δικλίδοσ, ᾇ πόδεσ ἆγον. αἶνόσ θην λέγεταί τισ· ἔβα τάχα ταῦροσ ἀν’ ὕλαν. εἴκατι· ταὶ δ’ ὀκτώ, ταὶ δ’ ἐννέα, ταὶ δὲ δέκ’ ἄλλαι, σάμερον ἑνδεκάτα, ποτίθει δύο, καὶ δύο μῆνεσ, ἐξ ὧ ἀπ’ ἀλλάλων. οὐδ’ εἰ Θρᾳκιστὶ κέκαρμαι, οἶδε. Λύκοσ νῦν πάντα, Λύκῳ καὶ νυκτὸσ ἀνῷκται. ἄμμεσ δ’ οὔτε λόγω τινὸσ ἄξιοι οὔτ’ ἀριθμητοί, δύστηνοι Μεγαρῆεσ ἀτιμοτάτῃ ἐνὶ μοίρῃ. κεἰ μὲν ἀποστέρξαιμι, τὰ πάντά κεν εἰσ δέον ἑρ́ποι. νῦν δὲ πόθεν; μῦσ, φαντὶ Θυώνιχε, γεύμεθα πίσσασ. χὥτι τὸ φάρμακόν ἐστιν ἀμηχανέοντοσ ἔρωτοσ, οὐκ οἶδα. πλὰν Σῖμοσ ὁ τᾶσ Ἐπιχάλκω ἐρασθεὶσ ἐκπλεύσασ ὑγιὴσ ἐπανῆλθ’, ἐμὸσ ἁλικιώτασ. πλευσοῦμαι κἠγὼ διαπόντιοσ, οὔτε κάκιστοσ οὔτε πρᾶτοσ ἴσωσ, ὁμαλὸσ δέ τισ ὁ στρατιώτασ. ὤφελε μὰν χωρεῖν κατὰ νοῦν τεόν, ὧν ἐπεθύμεισ Αἰσχίνα. εἰ δ’ οὑτῶσ ἄρα τοι δοκεῖ ὥστ’ ἀποδαμεῖν, μισθοδότασ Πτολεμαῖοσ ἐλευθέρῳ οἱο͂σ ἄριστοσ, τἄλλα δ’ ἀνὴρ ποῖόσ τισ ἐλευθέρῳ οἱο͂σ ἄριστοσ; εὐγνώμων, φιλόμουσοσ, ἐρωτικόσ, εἰσ ἄκρον ἁδύσ, εἰδὼσ τὸν φιλέοντα, τὸν οὐ φιλέοντ’ ἔτι μᾶλλον, πολλοῖσ πολλὰ διδούσ, αἰτεύμενοσ οὐκ ἀνανεύων οἱᾶ χρὴ βασιλῆ’· αἰτεῖν δὲ δεῖ οὐκ ἐπὶ παντὶ Αἰσχίνα. ὥστ’ εἴ τοι κατὰ δεξιὸν ὦμον ἀρέσκει λῶποσ ἄκρον περονᾶσθαι, ἐπ’ ἀμφοτέροισ δὲ βεβακὼσ τολμασεῖσ ἐπιόντα μένειν θρασὺν ἀσπιδιώταν, ᾇ τάχοσ εἰσ Αἴγυπτον. ἀπὸ κροτάφων πελόμεσθα πάντεσ γηραλέοι, καὶ ἐπισχερὼ ἐσ γένυν ἑρ́πει λευκαίνων ὁ χρόνοσ· ποιεῖν τι δεῖ, ἇσ γόνυ χλωρόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Theocritus, Idylls, Κυνίσκασ Ἔρωσ ἢ Θυώνιχοσ.

(테오크리토스, Idylls, Κυνίσκασ Ἔρωσ ἢ Θυώνιχοσ.)

상위

목록

SEARCH

MENU NAVIGATION