Strabo, Geography, book 17, chapter 3 50:

(스트라본, 지리학, book 17, chapter 3 50:)

αἱ δ’ ἐπαρχίαι διῄρηνται ἄλλοτε μὲν ἄλλωσ, ἐν δὲ τῷ παρόντι ὡσ Καῖσαρ ὁ Σεβαστὸσ διέταξεν. καὶ βασιλεῖσ δὲ καὶ δυνάσται καὶ δεκαρχίαι τῆσ ἐκείνου μερίδοσ καὶ εἰσὶ καὶ ὑπῆρξαν ἀεί. ἐπειδὴ γὰρ ἡ πατρὶσ ἐπέτρεψεν αὐτῷ τὴν προστασίαν τῆσ ἡγεμονίασ, καὶ πολέμου καὶ εἰρήνησ κατέστη κύριοσ διὰ βίου, δίχα διεῖλε πᾶσαν τὴν χώραν καὶ τὴν μὲν ἀπέδειξεν ἑαυτῷ τὴν δὲ τῷ δήμῳ, ἑαυτῷ μὲν ὅση στρατιωτικῆσ φρουρᾶσ ἔχει χρείαν· αὕτη δ’ ἐστὶν ἡ βάρβαροσ καὶ πλησιόχωροσ τοῖσ μήπω κεχειρωμένοισ ἔθνεσιν ἢ λυπρὰ καὶ δυσγεώργητοσ, ὥσθ’ ὑπὸ ἀπορίασ τῶν ἄλλων ἐρυμάτων δ’ εὐπορίασ ἀφηνιάζειν καὶ ἀπειθεῖν, τῷ δήμῳ δὲ τὴν ἄλλην ὅση εἰρηνικὴ καὶ χωρὶσ ὅπλων ἄρχεσθαι ῥᾳδία· ἑκατέραν δὲ τὴν μερίδα εἰσ ἐπαρχίασ διένειμε πλείουσ, ὧν αἱ μὲν καλοῦνται Καίσαροσ αἱ δὲ τοῦ δήμου. καὶ εἰσ μὲν τὰσ Καίσαροσ ἡγεμόνασ καὶ διοικητὰσ Καῖσαρ πέμπει, διαιρῶν ἄλλοτε ἄλλωσ τὰσ χώρασ καὶ πρὸσ τοὺσ καιροὺσ πολιτευόμενοσ, εἰσ δὲ τὰσ δημοσίασ ὁ δῆμοσ στρατηγοὺσ ἢ ὑπάτουσ· καὶ αὗται δ’ εἰσ μερισμοὺσ ἄγονται διαφόρουσ, ἐπειδὰν κελεύῃ τὸ συμφέρον. ἀλλ’ ἐν ἀρχαῖσ γε διέθηκε ποιήσασ ὑπατικὰσ μὲν δύο, Λιβύην τε ὅση ὑπὸ Ῥωμαίοισ ἔξω τῆσ ὑπὸ Ιοὔβᾳ μὲν πρότερον νῦν δὲ Πτολεμαίῳ τῷ ἐκείνου παιδί, καὶ Ἀσίαν τὴν ἐντὸσ Ἅλυοσ καὶ τοῦ Ταύρου πλὴν Γαλατῶν καὶ τῶν ὑπὸ Ἀμύντα γενομένων ἐθνῶν, ἔτι δὲ Βιθυνίασ καὶ τῆσ Προποντίδοσ· δέκα δὲ στρατηγικάσ, κατὰ μὲν τὴν Εὐρώπην καὶ τὰσ πρὸσ αὐτῇ νήσουσ τήν τε ἐκτὸσ Ἰβηρίαν λεγομένην, ὅση περὶ τὸν Βαῖτιν ποταμόν, καὶ τῆσ Κελτικῆσ τὴν Ναρβωνῖτιν, τρίτην δὲ Σαρδὼ μετὰ Κύρνου, καὶ Σικελίαν τετάρτην, πέμπτην δὲ καὶ ἕκτην τῆσ Ἰλλυρίδοσ τὴν πρὸσ τῇ Ἠπείρῳ καὶ Μακεδονίαν, ἑβδόμην δ’ Ἀχαί̈αν μέχρι Θετταλίασ καὶ Αἰτωλῶν καὶ Ἀκαρνάνων καί τινων Ἠπειρωτικῶν ἐθνῶν ὅσα τῇ Μακεδονίᾳ προσώριστο, ὀγδόην δὲ Κρήτην μετὰ τῆσ Κυρηναίασ, ἐνάτην δὲ Κύπρον, δεκάτην δὲ Βιθυνίαν μετὰ τῆσ Προποντίδοσ καὶ τοῦ Πόντου τινῶν μερῶν· τὰσ δὲ ἄλλασ ἐπαρχίασ ἔχει Καῖσαρ, ὧν εἰσ ἃσ μὲν πέμπει τοὺσ ἐπιμελησομένουσ ὑπατικοὺσ ἄνδρασ, εἰσ ἃσ δὲ στρατηγικούσ, εἰσ ἃσ δὲ καὶ ἱππικούσ·

상위

Geography (지리학)

목록

일치하는 문장이 없습니다.

SEARCH

MENU NAVIGATION