Strabo, Geography, book 17, chapter 3 36:

(스트라본, 지리학, book 17, chapter 3 36:)

Μετὰ δὲ τὴν σύρτιν Ζοῦχισ ἔστι λίμνη σταδίων τετρακοσίων στενὸν ἔχουσα εἴσπλουν καὶ παρ’ αὐτὴν πόλισ ὁμώνυμοσ πορφυροβαφεῖα ἔχουσα καὶ ταριχείασ παντοδαπάσ· εἶτ’ ἄλλη λίμνη πολὺ ἐλάττων· καὶ μετὰ ταύτην Ἀβρότονον πόλισ καὶ ἄλλαι τινέσ, συνεχῶσ δὲ Νεάπολισ, ἣν καὶ Λέπτιν καλοῦσιν· ἐντεῦθεν δ’ ἐστὶ δίαρμα τὸ Λοκρῶν τῶν Ἐπιζεφυρίων τρισχίλιοι ἑξακόσιοι στάδιοι. ἑξῆσ δ’ ἐστὶ [Κίνυψ] ποταμόσ· καὶ μετὰ ταῦτα διατείχισμά τι, ὃ ἐποίησαν Καρχηδόνιοι γεφυροῦντεσ βάραθρά τινα εἰσ τὴν χώραν ἀνέχοντα· εἰσὶ δὲ καὶ ἀλίμενοί τινεσ ἐνταῦθα τόποι, τῆσ ἄλλησ παραλίασ ἐχούσησ λιμένασ· εἶτ’ ἄκρα ὑψηλὴ καὶ ὑλώδησ, ἀρχὴ τῆσ μεγάλησ σύρτεωσ, καλοῦσι δὲ Κεφαλάσ· εἰσ ταύτην δὲ τὴν ἄκραν ἐκ Καρχηδόνοσ στάδιοί εἰσι μικρῷ πλείουσ τῶν πεντακισχιλίων.

상위

Geography (지리학)

목록

일치하는 문장이 없습니다.

SEARCH

MENU NAVIGATION