Strabo, Geography, book 17, chapter 3 32:

(스트라본, 지리학, book 17, chapter 3 32:)

διάπλουσ δ’ ἐστὶν ἐκ Καρχηδόνοσ ἑξήκοντα σταδίων εἰσ τὴν προσεχῆ περαίαν, ὅθεν εἰσ Νέφεριν ἀνάβασισ σταδίων ἑκατὸν εἴκοσι, πόλιν ἐρυμνὴν ἐπὶ πέτρασ ᾠκισμένην. ἐν αὐτῷ δὲ τῷ κόλπῳ ἐν ᾧπερ καὶ ἡ Καρχηδών, Τύνισ ἐστὶ πόλισ καὶ θερμὰ καὶ λατομίαι τινέσ· εἶθ’ ἡ Ἑρμαία ἄκρα τραχεῖα καὶ ἐπ’ αὐτῇ πόλισ ὁμώνυμοσ· εἶτα Νεάπολισ· εἶτ’ ἄκρα Ταφῖτισ, καὶ ἐπ’ αὐτῇ λόφοσ Ἀσπὶσ καλούμενοσ ἀπὸ τῆσ ὁμοιότητοσ, ὅνπερ συνῴκισεν ὁ τῆσ Σικελίασ τύραννοσ Ἀγαθοκλῆσ καθ’ ὃν καιρὸν ἐπέπλευσε τοῖσ Καρχηδονίοισ· συγκατεσπάσθησαν δὲ τῇ Καρχηδονίᾳ ὑπὸ Ῥωμαίων αἱ πόλεισ αὗται. ἀπὸ δὲ τῆσ Ταφίτιδοσ ἐν τετρακοσίοισ σταδίοισ νῆσόσ ἐστι Κόσσουροσ κατὰ Σελινοῦντα τῆσ Σικελίασ ποταμόν, καὶ πόλιν ἔχουσα ὁμώνυμον, ἑκατὸν καὶ πεντήκοντα σταδίων οὖσα τὴν περίμετρον, διέχουσα τῆσ Σικελίασ περὶ ἑξακοσίουσ σταδίουσ· ἔστι δὲ καὶ Μελίτη νῆσοσ ἐν πεντακοσίοισ σταδίοισ ἀπὸ τῆσ Κοσσούρου. εἶτα Ἀδρύμησ πόλισ, ἐν ᾗ καὶ νεώρια ἦν· εἶθ’ αἱ Ταριχεῖαι λεγόμεναι, νησία πολλὰ καὶ πυκνά· εἶτα Θάψοσ πόλισ, καὶ μετὰ ταύτην νῆσοσ πελαγία Λοπαδοῦσσα· εἶτα ἄκρα Ἄμμωνοσ . . . Βαλίθωνοσ, πρὸσ ᾗ θυννοσκοπεῖον· εἶτα Θένα πόλισ παρὰ τὴν ἀρχὴν κειμένη τῆσ μικρᾶσ σύρτεωσ· πολλαὶ δ’ εἰσὶ καὶ ἄλλαι μεταξὺ πολίχναι οὐκ ἄξιαι μνήμησ· παράκειται δὲ τῇ ἀρχῇ τῆσ σύρτεωσ νῆσοσ παραμήκησ ἡ Κέρκιννα εὐμεγέθησ ἔχουσα ὁμώνυμον πόλιν, καὶ ἄλλη ἐλάττων Κερκιννῖτισ.

상위

Geography (지리학)

목록

일치하는 문장이 없습니다.

SEARCH

MENU NAVIGATION