Strabo, Geography, book 17, chapter 3 30:

(스트라본, 지리학, book 17, chapter 3 30:)

κτίσμα δ’ ἐστὶ Διδοῦσ ἀγαγούσησ ἐκ Τύρου λαόν· οὕτω δ’ εὐτυχὴσ ἡ ἀποικία τοῖσ Φοίνιξιν ὑπῆρξε καὶ αὕτη καὶ ἡ μέχρι τῆσ Ἰβηρίασ τῆσ τε ἄλλησ καὶ τῆσ ἔξω στηλῶν ὥστε τῆσ Εὐρώπησ ἔτι νῦν τὴν ἀρίστην νέμονται Φοίνικεσ κατὰ τὴν ἤπειρον καὶ τὰσ προσεχεῖσ νήσουσ, τήν τε Λιβύην κατεκτήσαντο πᾶσαν, ὅσον μὴ νομαδικῶσ οἱο͂́ν τ’ ἦν οἰκεῖν. ἀφ’ ἧσ δυνάμεωσ πόλιν τε ἀντίπαλον τῇ Ῥώμῃ κατεσκευάσαντο καὶ τρεῖσ ἐπολέμησαν μεγάλουσ πρὸσ αὐτοὺσ πολέμουσ. γένοιτο δ’ ἂν εὔδηλοσ ἡ δύναμισ αὐτῶν ἐκ τοῦ ὑστάτου πολέμου, ἐν ᾧ κατελύθησαν ὑπὸ Σκιπίωνοσ τοῦ Αἰμιλιανοῦ, καὶ ἡ πόλισ ἄρδην ἠφανίσθη. ὅτε γὰρ ἤρξαντο πολεμεῖν τοῦτον τὸν πόλεμον, πόλεισ μὲν εἶχον τριακοσίασ ἐν τῇ Λιβύῃ, ἀνθρώπων δ’ ἐν τῇ πόλει μυριάδασ ἑβδομήκοντα· πολιορκούμενοι δὲ καὶ ἀναγκασθέντεσ τραπέσθαι πρὸσ ἔνδοσιν πανοπλιῶν μὲν ἔδοσαν μυριάδασ εἴκοσι καταπελτικὰ δὲ ὄργανα τρισχίλια, ὡσ οὐ πολεμηθησόμενοι. κριθέντοσ δὲ πάλιν τοῦ ἀναπολεμεῖν, ἐξαίφνησ ὁπλοποιίαν συνεστήσαντο, καὶ ἑκάστησ ἡμέρασ ἀνεφέροντο θυρεοὶ μὲν ἑκατὸν καὶ τετταράκοντα πεπηγότεσ, μάχαιραι δὲ τριακόσιαι καὶ λόγχαι πεντακόσιαι, χίλια δὲ βέλη καταπελτικά, τρίχα δὲ τοῖσ καταπέλταισ αἱ θεράπαιναι παρεῖχον· ἔτι τοίνυν ναῦσ ἔχοντεσ δώδεκα ἐξ ἐτῶν πεντήκοντα κατὰ τὰσ ἐν τῷ δευτέρῳ πολέμῳ συνθήκασ, τότε καίπερ ἤδη συμπεφευγότεσ εἰσ τὴν Βύρσαν ἐν διμήνῳ κατεσκευάσαντο ναῦσ ἑκατὸν εἴκοσι καταφράκτουσ, καὶ τοῦ στόματοσ τοῦ Κώθωνοσ φρουρουμένου διώρυξαν ἄλλο στόμα, καὶ προῆλθεν αἰφνιδίωσ ὁ στόλοσ· ὕλη γὰρ ἦν ἀποκειμένη παλαιὰ καὶ τεχνιτῶν πλῆθοσ προσεδρεῦον καὶ σιταρχούμενον δημοσίᾳ. τοιαύτη δ’ οὖσα Καρχηδὼν ὅμωσ ἑάλω καὶ κατεσκάφη. τὴν δὲ χώραν τὴν μὲν ἐπαρχίαν ἀπέδειξαν Ῥωμαῖοι τὴν ὑπὸ τοῖσ Καρχηδονίοισ, τῆσ δὲ Μασανάσσην ἀπέδειξαν κύριον καὶ τοὺσ ἀπογόνουσ τοὺσ περὶ Μικίψαν. μάλιστα γὰρ ἐσπουδάσθη παρὰ τοῖσ Ῥωμαίοισ ὁ Μασανάσσησ δι’ ἀρετὴν καὶ φιλίαν· καὶ γὰρ δὴ καὶ οὗτόσ ἐστιν ὁ τοὺσ νομάδασ πολιτικοὺσ κατασκευάσασ καὶ γεωργούσ, ἔτι δ’ ἀντὶ τοῦ λῃστεύειν διδάξασ στρατεύειν. ἴδιον γάρ τι τοῖσ ἀνθρώποισ συνέβη τούτοισ· χώραν γὰρ οἰκοῦντεσ εὐδαίμονα πλὴν τοῦ θηρίοισ πλεονάζειν, ἐάσαντεσ ἐκφέρειν ταῦτα καὶ τὴν γῆν ἐργάζεσθαι μετὰ ἀδείασ ἐπ’ ἀλλήλοισ ἐτρέποντο, τὴν δὲ γῆν τοῖσ θηρίοισ ἀφεῖσαν. οὕτω δ’ αὐτοῖσ συνέβαινε πλάνητα καὶ μετανάστην βίον ζῆν μηδὲν ἧττον τῶν ὑπὸ ἀπορίασ καὶ λυπρότητοσ τόπων ἢ ἀέρων εἰσ τοῦτο περιισταμένων τῶν βίων, ὥστε καὶ ἴδιον τοῦθ’ εὑρίσκεσθαι τοὔνομα τοὺσ Μασαισυλίουσ· καλοῦνται γὰρ Νομάδεσ. ἀνάγκη δὲ τοὺσ τοιούτουσ εὐτελεῖσ εἶναι τοῖσ βίοισ καὶ τὸ πλέον ῥιζοφάγουσ ἢ κρεοφάγουσ, γάλακτι δὲ καὶ τυρῷ τρεφομένουσ. ἠρημωμένησ δ’ οὖν ἐπὶ πολὺν χρόνον τῆσ Καρχηδόνοσ, καὶ σχεδόν τι τὸν αὐτὸν χρόνον ὅνπερ καὶ Κόρινθοσ, ἀνελήφθη πάλιν περὶ τοὺσ αὐτούσ πωσ χρόνουσ ὑπὸ Καίσαροσ τοῦ θεοῦ πέμψαντοσ ἐποίκουσ Ῥωμαίων τοὺσ προαιρουμένουσ καὶ τῶν στρατιωτῶν τινασ, καὶ νῦν εἴ τισ ἄλλη καλῶσ οἰκεῖται τῶν ἐν Λιβύῃ πόλεων.

상위

Geography (지리학)

목록

일치하는 문장이 없습니다.

SEARCH

MENU NAVIGATION