Strabo, Geography, book 17, chapter 3 24:

(스트라본, 지리학, book 17, chapter 3 24:)

ἐν δὲ τῇ παραλίᾳ ταύτῃ πόλισ Ιὢλ ὄνομα, ἣν ἐπικτίσασ Ιοὔβασ ὁ τοῦ Πτολεμαίου πατὴρ μετωνόμασε Καισάρειαν, ἔχουσα καὶ λιμένα καὶ πρὸ τοῦ λιμένοσ νησίον. μεταξὺ δὲ τῆσ Καισαρείασ καὶ τοῦ Τρητοῦ μέγασ ἐστὶ λιμήν, ὃν Σάλδαν καλοῦσι· τοῦτο δ’ ἐστὶν ὁρ́ιον τῆσ ὑπὸ τῷ Ιοὔβᾳ καὶ τῆσ ὑπὸ τοῖσ Ῥωμαίοισ· πολυτρόπωσ γὰρ οἱ μερισμοὶ γεγένηνται τῆσ χώρασ, ἅτε τῶν νεμομένων αὐτὴν πλειόνων γενομένων καὶ τῶν Ῥωμαίων ἄλλοτ’ ἄλλωσ τούτων τοῖσ μὲν φίλοισ χρωμένων, τοῖσ δὲ καὶ πολεμίοισ, ὥστε καὶ ἀφαιρεῖσθαι καὶ χαρίζεσθαι συνέβαινεν ἄλλοισ ἄλλα καὶ οὐ τὸν αὐτὸν τρόπον. ἦν δὲ ἡ μὲν πρὸσ τῇ Μαυρουσίᾳ προσοδικωτέρα τε καὶ δυναμικωτέρα, ἡ δὲ πρὸσ τῇ Καρχηδονίᾳ καὶ τῇ Μασυλιέων ἀνθηροτέρα τε καὶ κατεσκευασμένη βέλτιον, καίπερ κεκακωμένη διὰ τὰ Καρχηδόνια τὸ πρῶτον, ἔπειτα διὰ τὸν πρὸσ Ιοὐγούρθαν πόλεμον· ἐκεῖνοσ γὰρ Ἀδάρβαλα ἐκπολιορκήσασ ἐν Ἰτύκῃ καὶ ἀνελών, φίλον ὄντα Ῥωμαίων, ἐνέπλησε τὴν χώραν πολέμου· εἶτ’ ἄλλοι ἐπ’ ἄλλοισ συνέστησαν πόλεμοι, τελευταῖοσ δὲ ὁ πρὸσ Σκιπίωνα Καίσαρι τῷ θεῷ συστάσ, ἐν ᾧ καὶ Ιοὔβασ ἀπέθανε· συνηφανίσθησαν δὲ τοῖσ ἡγεμόσι καὶ αἱ πόλεισ, Τισιαοῦσ τε καὶ Ουἄγα καὶ Θάλα, ἔτι δὲ καὶ Κάψα, τὸ γαζοφυλάκιον τοῦ Ιοὐγούρθα, καὶ Ζάμα καὶ Ζίγχα καὶ πρὸσ αἷσ κατεπολέμησε Καῖσαρ Σκιπίωνα ὁ θεόσ, πρὸσ Ῥουσπίνῳ μὲν πρῶτον νικῶν, εἶτα πρὸσ Οὐζίτοισ, εἶτα πρὸσ Θάψῳ καὶ τῇ πλησίον λίμνῃ καὶ ταῖσ ἄλλαισ· πλησίον δὲ καὶ Ζέλλα καὶ Ἀχόλλα, ἐλεύθεραι πόλεισ· εἷλε δ’ ἐξ ἐφόδου Καῖσαρ τὴν [Κέρκινναν] νῆσον καὶ Θέναν, πολίχνην ἐπιθαλαττιδίαν. τούτων πασῶν αἱ μὲν τελέωσ ἠφανίσθησαν, αἱ δ’ ἡμίσπαστοι κατελείφθησαν· Φαρὰν δ’ οἱ Σκιπίωνοσ ἱππεῖσ ἐνέπρησαν.

상위

Geography (지리학)

목록

일치하는 문장이 없습니다.

SEARCH

MENU NAVIGATION