헬라어 문장 검색 - ΣτραβόΓεογραπ́16́03́

(스트라본, 지리학, book 16, chapter 3)

ὑπέρκειται δὲ τῆσ Ιοὐδαίασ καὶ τῆσ κοίλησ Συρίασ μέχρι Βαβυλωνίασ καὶ τῆσ τοῦ Εὐφράτου ποταμίασ πρὸσ νότον Ἀραβία πᾶσα χωρὶσ τῶν ἐν τῇ Μεσοποταμίᾳ σκηνιτῶν. περὶ μὲν οὖν τῆσ Μεσοποταμίασ καὶ τῶν νεμομένων αὐτὴν ἐθνῶν εἴρηται· τὰ δὲ πέραν τοῦ Εὐφράτου τὰ μὲν πρὸσ ταῖσ ἐκβολαῖσ αὐτοῦ νέμονται Βαβυλώνιοι καὶ τὸ τῶν Χαλδαίων ἔθνοσ εἴρηται δὲ περὶ τούτων, τὰ δ’ ἑξῆσ τῆσ Μεσοποταμίασ μέχρι κοίλησ Συρίασ, τὸ μὲν πλησιάζον τῷ ποταμῷ καὶ τὴν Μεσοποταμίαν σκηνῖται κατέχουσιν Ἄραβεσ, δυναστείασ ἀποτετμημένοι μικρὰσ ἐν λυπροῖσ χωρίοισ διὰ τὰσ ἀνυδρίασ, γεωργοῦντεσ μὲν ἢ οὐδὲν ἢ μικρά, νομὰσ δὲ ἔχοντεσ παντοδαπῶν θρεμμάτων καὶ μάλιστα καμήλων· ὑπὲρ δὲ τούτων ἔρημόσ ἐστι πολλή· τὰ δὲ τούτων ἔτι νοτιώτερα ἔχουσιν οἱ τὴν εὐδαίμονα καλουμένην Ἀραβίαν οἰκοῦντεσ. ταύτησ δὲ τὸ μὲν προσάρκτιον πλευρὸν ἡ λεχθεῖσά ἐστιν ἔρημοσ, τὸ δ’ ἑῷον ὁ Περσικὸσ κόλποσ, τὸ δὲ ἑσπέριον ὁ Ἀράβιοσ, τὸ δὲ νότιον ἡ μεγάλη θάλαττα ἡ ἔξω τῶν κόλπων ἀμφοῖν, ἣν ἅπασαν Ἐρυθρὰν καλοῦσιν. ὁ μὲν οὖν Περσικὸσ κόλποσ λέγεται καὶ ἡ κατὰ Πέρσασ θάλαττα.

φησὶ δὲ περὶ αὐτῆσ Ἐρατοσθένησ οὕτωσ, ὅτι τὸ μὲν στόμα φησὶν εἶναι στενὸν οὕτωσ ὥστ’ ἐξ Ἁρμόζοντοσ, τῆσ Καρμανίασ ἀκρωτηρίου, τῆσ Ἀραβίασ ἀφορᾶται τὸ ἐν Μάκαισ· ἀπὸ δὲ τοῦ στόματοσ ἡ ἐν δεξιᾷ παραλία περιφερὴσ οὖσα κατ’ ἀρχὰσ μὲν ἀπὸ τῆσ Καρμανίασ πρὸσ ἑώ μικρόν, εἶτα πρὸσ ἄρκτον νεύει, καὶ μετὰ ταῦτα πρὸσ τὴν ἑσπέραν μέχρι Τερηδόνοσ καὶ τῆσ ἐκβολῆσ τοῦ Εὐφράτου· περιέχει δὲ τήν τε Καρμανίων παραλίαν καὶ τὴν Περσῶν καὶ Σουσίων καὶ Βαβυλωνίων ἀπὸ μέρουσ, ὅσον μυρίων οὖσα σταδίων· περὶ ὧν καὶ ἡμεῖσ εἰρήκαμεν· τὸ δ’ ἐντεῦθεν ἑξῆσ ἐπὶ τὸ στόμα πάλιν ἄλλοι τοσοῦτοι, καθάπερ καὶ Ἀνδροσθένη λέγειν φησὶ τὸν Θάσιον, τὸν καὶ Νεάρχῳ συμπλεύσαντα . . . καθ’ αὑτόν· ὥστε δῆλον ἐκ τούτων εἶναι διότι μικρὸν ἀπολείπεται τῷ μεγέθει τῆσ κατὰ τὸν Εὔξεινον θαλάττησ αὕτη ἡ θάλαττα· λέγειν δέ φησιν ἐκεῖνον περιπεπλευκότα στόλῳ τὸν κόλπον, ὅτι ἀπὸ Τερηδόνοσ ἑξῆσ ἐν δεξιᾷ ἔχοντι τὴν ἤπειρον ὁ παράπλουσ ἔχει προκειμένην νῆσον Ἴκαρον, καὶ ἱερὸν Ἀπόλλωνοσ ἅγιον ἐν αὐτῇ καὶ μαντεῖον Ταυροπόλου. παραπλεύσαντι δὲ τῆσ Ἀραβίασ εἰσ δισχιλίουσ καὶ τετρακοσίουσ σταδίουσ ἐν βαθεῖ κόλπῳ κεῖται πόλισ Γέρρα, Χαλδαίων φυγάδων ἐκ Βαβυλῶνοσ οἰκούντων γῆν ἁλμυρίδα καὶ ἐχόντων ἁλίνασ τὰσ οἰκίασ.

ἐπεὶ δὲ λεπίδεσ τῶν ἁλῶν ἀφιστάμεναι κατὰ τὴν ἐπίκαυσιν τὴν ἐκ τῶν ἡλίων συνεχεῖσ ἀποπίπτουσι, καταρραίνοντεσ ὕδασι πυκνὰ τοὺσ τοίχουσ συνέχουσι. διέχει δὲ τῆσ θαλάττησ διακοσίουσ σταδίουσ ἡ πόλισ· πεζέμποροι δ’ εἰσὶν οἱ Γερραῖοι τὸ πλέον τῶν Ἀραβίων φορτίων καὶ ἀρωμάτων. Ἀριστόβουλοσ δὲ τοὐναντίον φησὶ τοὺσ Γερραίουσ τὰ πολλὰ σχεδίαισ εἰσ τὴν Βαβυλωνίαν ἐμπορεύεσθαι, ἐκεῖθεν δὲ τῷ Εὐφράτῃ τὰ φορτία ἀναπλεῖν εἰσ Θάψακον, εἶτα πεζῇ κομίζεσθαι πάντῃ. πλεύσαντι δ’ ἐπὶ πλέον ἄλλαι νῆσοι Τύροσ καὶ Ἄραδοσ εἰσίν, ἱερὰ ἔχουσαι τοῖσ Φοινικικοῖσ ὅμοια·

καὶ φασί γε οἱ ἐν αὐταῖσ οἰκοῦντεσ τὰσ ὁμωνύμουσ τῶν Φοινίκων νήσουσ καὶ πόλεισ ἀποίκουσ ἑαυτῶν. διέχουσι δὲ αἱ νῆσοι αὗται Τερηδόνοσ μὲν δεχήμερον πλοῦν, τῆσ δὲ κατὰ τὸ στόμα ἄκρασ τῆσ ἐν Μάκαισ ἡμερήσιον. ἀπὸ δὲ τῆσ Καρμανίασ εἰρήκασι καὶ Νέαρχοσ καὶ Ὀρθαγόρασ νῆσον Ὤγυριν κεῖσθαι πρὸσ νότον πελαγίαν ἐν δισχιλίοισ σταδίοισ, ἐν ᾗ τάφοσ Ἐρύθρα δείκνυται, χῶμα μέγα ἀγρίοισ φοίνιξι κατάφυτον·

τοῦτον δὲ βασιλεῦσαι τῶν τόπων καὶ ἀπ’ αὐτοῦ τὴν θάλατταν ἐπώνυμον καταλιπεῖν· δηλῶσαι δὲ ταῦτά φησιν αὐτοῖσ Μιθρωπάστην τὸν Ἀρσίτου τοῦ Φρυγίασ σατράπου, φυγόντα μὲν Δαρεῖον, διατρίψαντα δ’ ἐν τῇ νήσῳ, συμμίξαντα δὲ αὐτοῖσ καταχθεῖσιν εἰσ τὸν Περσικὸν κόλπον καὶ ζητοῦντα κάθοδον δι’ αὐτῶν εἰσ τὴν οἰκείαν. Καθ’ ὅλην δὲ τὴν τῆσ Ἐρυθρᾶσ παραλίαν κατὰ βυθοῦ φύεται δένδρα ὅμοια δάφνῃ καὶ ἐλαίᾳ, ταῖσ μὲν ἀμπώτεσιν ὅλα ὑπερφανῆ γινόμενα, ταῖσ δὲ πλημμυρίσιν ἔσθ’ ὅτε ὅλα καλυπτόμενα, καὶ ταῦτα τῆσ ὑπερκειμένησ γῆσ ἀδένδρου οὔσησ, ὥστε ἐπιτείνεσθαι τὸ παράδοξον.

περὶ μὲν οὖν τῆσ κατὰ Πέρσασ θαλάττησ, ἣν ἑῴαν πλευρὰν ἔφαμεν εἶναι τῆσ εὐδαίμονοσ Ἀραβίασ, τοιαῦτα εἴρηκεν Ἐρατοσθένησ. φησὶ δ’ ὁ Νέαρχοσ τὸν Μιθρωπάστην ἐντυχεῖν αὐτοῖσ μετὰ Μαζήνου·

τὸν δὲ Μαζήνην ἐπάρχειν νήσου τινὸσ τῶν ἐν τῷ Περσικῷ κόλπῳ· καλεῖσθαι δὲ τὴν νῆσον Οἄρακτα· εἰσ ταύτην δὲ τὸν Μιθρωπάστην καταφυγόντα ξενίασ τυχεῖν κατὰ τὴν ἐξ Ὠγύριοσ γενομένην ἄφοδον, καὶ δὴ καὶ συνελθεῖν τῷ Μαζήνῃ συσταθησόμενον τοῖσ ἐν τῷ στόλῳ Μακεδόσι, τὸν δὲ Μαζήνην καὶ καθηγεμόνα τοῦ πλοῦ γενέσθαι. λέγει δὲ καὶ ἐν ἀρχῇ τοῦ Περσικοῦ παράπλου νῆσον, ἐν ᾗ μαργαρίτησ πολὺσ καὶ πολυτίμητόσ ἐστιν, ἐν ἄλλαισ δὲ ψῆφοι τῶν διαυγῶν καὶ λαμπρῶν· ἐν δὲ ταῖσ πρὸ τοῦ Εὐφράτου νήσοισ δένδρα φύεσθαι λιβάνου πνέοντα, ὧν τὰσ ῥίζασ κλωμένων ὀπὸν ῥεῖν· παγούρων δὲ καὶ ἐχίνων μεγέθη, ὅπερ κοινὸν ἐν πάσῃ τῇ ἔξω θαλάττῃ· τοὺσ μὲν γὰρ εἶναι μείζουσ καυσίων, τοὺσ δὲ καὶ δικοτύλουσ· ἐποκεῖλαν δὲ κῆτοσ ἰδεῖν πεντήκοντα πηχῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, book 16, chapter 3

(스트라본, 지리학, book 16, chapter 3)

상위

목록

SEARCH

MENU NAVIGATION