Strabo, Geography, Book 12, chapter 8 26:

(스트라본, 지리학, Book 12, chapter 8 26:)

ἡ δὲ Λαοδίκεια μικρὰ πρότερον οὖσα αὔξησιν ἔλαβεν ἐφ’ ἡμῶν καὶ τῶν ἡμετέρων πατέρων, καίτοι κακωθεῖσα ἐκ πολιορκίασ ἐπὶ Μιθριδάτου τοῦ Εὐπάτοροσ· ἀλλ’ ἡ τῆσ χώρασ ἀρετὴ καὶ τῶν πολιτῶν τινεσ εὐτυχήσαντεσ μεγάλην ἐποίησαν αὐτήν, Ιἕρων μὲν πρότερον, ὃσ πλειόνων ἢ δισχιλίων ταλάντων κληρονομίαν κατέλιπε τῷ δήμῳ πολλοῖσ τ’ ἀναθήμασιν ἐκόσμησε τὴν πόλιν, Ζήνων δὲ ὁ ῥήτωρ ὕστερον καὶ ὁ υἱὸσ αὐτοῦ Πολέμων, ὃσ καὶ βασιλείασ ἠξιώθη διὰ τὰσ ἀνδραγαθίασ ὑπ’ Ἀντωνίου μὲν πρότερον ὑπὸ Καίσαροσ δὲ τοῦ Σεβαστοῦ μετὰ ταῦτα. φέρει δ’ ὁ περὶ τὴν Λαοδίκειαν τόποσ προβάτων ἀρετὰσ οὐκ εἰσ μαλακότητα μόνον τῶν ἐρίων, ᾗ καὶ τῶν Μιλησίων διαφέρει, ἀλλὰ καὶ εἰσ τὴν κοραξὴν χρόαν, ὥστε καὶ προσοδεύονται λαμπρῶσ ἀπ’ αὐτῶν, ὥσπερ καὶ οἱ Κολοσσηνοὶ ἀπὸ τοῦ ὁμωνύμου χρώματοσ πλησίον οἰκοῦντεσ. ἐνταῦθα δὲ καὶ ὁ Κάπροσ καὶ ὁ Λύκοσ συμβάλλει τῷ Μαιάνδρῳ ποταμῷ, ποταμὸσ εὐμεγέθησ, ἀφ’ οὗ καὶ ἡ πρὸσ τῷ Λύκῳ Λαοδίκεια λέγεται. ὑπέρκειται δὲ τῆσ πόλεωσ ὄροσ Κάδμοσ, ἐξ οὗ καὶ ὁ Λύκοσ ῥεῖ καὶ ἄλλοσ ὁμώνυμοσ τῷ ὄρει. τὸ πλέον δ’ οὗτοσ ὑπὸ γῆσ ῥυεὶσ εἶτ’ ἀνακύψασ συνέπεσεν εἰσ ταὐτὸ τοῖσ ἄλλοισ ποταμοῖσ, ἐμφαίνων ἅμα καὶ τὸ πολύτρητον τῆσ χώρασ καὶ τὸ εὔσειστον· εἰ γάρ τισ ἄλλη, καὶ ἡ Λαοδίκεια εὔσειστοσ, καὶ τῆσ πλησιοχώρου δὲ Κάρουρα.

일치하는 문장이 없습니다.

SEARCH

MENU NAVIGATION