Strabo, Geography, Book 12, chapter 8 24:

(스트라본, 지리학, Book 12, chapter 8 24:)

Ἀπάμεια δ’ ἐστὶν ἐμπόριον μέγα τῆσ ἰδίωσ λεγομένησ Ἀσίασ, δευτερεῦον μετὰ τὴν Ἔφεσον· ὑπέρκειται δὲ καὶ λίμνη φύουσα κάλαμον τὸν εἰσ τὰσ γλώττασ τῶν αὐλῶν ἐπιτήδειον, ἐξ ἧσ ἀπολείβεσθαί φασι τὰσ πηγὰσ ἀμφοτέρασ τήν τε τοῦ Μαρσύου καὶ τὴν τοῦ Μαιάνδρου. αὕτη γὰρ καὶ τῶν ἀπὸ τῆσ Ἰταλίασ καὶ τῆσ Ἑλλάδοσ ὑποδοχεῖον κοινόν ἐστιν. ἵδρυται δὲ ἡ Ἀπάμεια ἐπὶ ταῖσ ἐκβολαῖσ τοῦ Μαρσύου ποταμοῦ, καὶ ῥεῖ διὰ μέσησ τῆσ πόλεωσ ὁ ποταμὸσ τὰσ ἀρχὰσ ἀπὸ τῆσ πόλεωσ ἔχων· κατενεχθεὶσ δ’ ἐπὶ τὸ προάστειον σφοδρῷ καὶ καταφερεῖ τῷ ῥεύματι συμβάλλει πρὸσ τὸν Μαίανδρον, προσειληφότα καὶ ἄλλον ποταμὸν Ὀργᾶν δι’ ὁμαλοῦ φερόμενον πρᾶον καὶ μαλακόν· ἐντεῦθεν δ’ ἤδη γενόμενοσ Μαίανδροσ τέωσ μὲν διὰ τῆσ Φρυγίασ φέρεται, ἔπειτα διορίζει τὴν Καρίαν καὶ τὴν Λυδίαν κατὰ τὸ Μαιάνδρου καλούμενον πεδίον, σκολιὸσ ὢν εἰσ ὑπερβολὴν ὥστε ἐξ ἐκείνου τὰσ σκολιότητασ ἁπάσασ μαιάνδρουσ καλεῖσθαι· τελευτῶν δὲ καὶ τὴν Καρίαν αὐτὴν διαρρεῖ τὴν ὑπὸ τῶν Ιὤνων νῦν κατεχομένην, καὶ μεταξὺ Μιλήτου καὶ Πριήνησ ποιεῖται τὰσ ἐκβολάσ. ἄρχεται δὲ ἀπὸ Κελαινῶν, λόφου τινόσ, ἐν ᾧ πόλισ ἦν ὁμώνυμοσ τῷ λόφῳ· ἐντεῦθεν δ’ ἀναστήσασ τοὺσ ἀνθρώπουσ ὁ Σωτὴρ Ἀντίοχοσ εἰσ τὴν νῦν Ἀπάμειαν τῆσ μητρὸσ ἐπώνυμον τὴν πόλιν ἐπέδειξεν Ἀπάμασ, ἣ θυγάτηρ μὲν ἦν Ἀρταβάζου δεδομένη δ’ ἐτύγχανε πρὸσ γάμον Σελεύκῳ τῷ Νικάτορι. ἐνταῦθα δὲ μυθεύεται τὰ περὶ τὸν Ὄλυμπον καὶ τὸν Μαρσύαν καὶ τὴν ἔριν ἣν ἤρισεν ὁ Μαρσύασ πρὸσ Ἀπόλλωνα.

일치하는 문장이 없습니다.

SEARCH

MENU NAVIGATION