Strabo, Geography, Book 12, chapter 8 17:

(스트라본, 지리학, Book 12, chapter 8 17:)

ἔστι δὲ νῆσοσ ἐν τῇ Προποντίδι ἡ Κύζικοσ συναπτομένη γεφύραισ δυσὶ πρὸσ τὴν ἤπειρον, ἀρετῇ μὲν κρατίστη μεγέθει δὲ ὅσον πεντακοσίων σταδίων τὴν περίμετρον· ἔχει δὲ ὁμώνυμον πόλιν πρὸσ αὐταῖσ ταῖσ γεφύραισ καὶ λιμένασ δύο κλειστοὺσ καὶ νεωσοίκουσ πλείουσ τῶν διακοσίων· τῆσ δὲ πόλεωσ τὸ μὲν ἔστιν ἐν ἐπιπέδῳ τὸ δὲ πρὸσ ὄρει· καλεῖται δ’ Ἄρκτων ὄροσ· ὑπέρκειται δ’ ἄλλο Δίνδυμον μονοφυέσ, ἱερὸν ἔχον τῆσ Δινδυμήνησ μητρὸσ θεῶν, ἵδρυμα τῶν Ἀργοναυτῶν. ἔστι δ’ ἐνάμιλλοσ ταῖσ πρώταισ τῶν κατὰ τὴν Ἀσίαν ἡ πόλισ μεγέθει τε καὶ κάλλει καὶ εὐνομίᾳ πρόσ τε εἰρήνην καὶ πόλεμον· ἐοίκέ τε τῷ παραπλησίῳ τύπῳ κοσμεῖσθαι ὥσπερ ἡ τῶν Ῥοδίων καὶ Μασσαλιωτῶν καὶ Καρχηδονίων τῶν πάλαι. τὰ μὲν οὖν πολλὰ ἐῶ, τρεῖσ δ’ ἀρχιτέκτονασ τοὺσ ἐπιμελουμένουσ οἰκοδομημάτων τε δημοσίων καὶ ὀργάνων, τρεῖσ δὲ καὶ θησαυροὺσ κέκτηται, τὸν μὲν ὅπλων τὸν δ’ ὀργάνων τὸν δὲ σίτου· ποιεῖ δὲ τὸν σῖτον ἄσηπτον ἡ Χαλκιδικὴ γῆ μιγνυμένη. ἐπεδείξαντο δὲ τὴν ἐκ τῆσ παρασκευῆσ ταύτησ ὠφέλειαν ἐν τῷ Μιθριδατικῷ πολέμῳ. ἐπελθόντοσ γὰρ αὐτοῖσ ἀδοκήτωσ τοῦ βασιλέωσ πεντεκαίδεκα μυριάσι καὶ ἵππῳ πολλῇ καὶ κατασχόντοσ τὸ ἀντικείμενον ὄροσ ὃ καλοῦσιν Ἀδραστείασ καὶ τὸ προάστειον, ἔπειτα καὶ διάραντοσ εἰσ τὸν ὑπὲρ τῆσ πόλεωσ αὐχένα καὶ προσμαχομένου πεζῇ τε καὶ κατὰ θάλατταν τετρακοσίαισ ναυσίν, ἀντέσχον πρὸσ ἅπαντα οἱ Κυζικηνοί, ὥστε καὶ ἐγγὺσ ἦλθον τοῦ ζωγρίᾳ λαβεῖν τὸν βασιλέα ἐν τῇ διώρυγι ἀντιδιορύττοντεσ, ἀλλ’ ἔφθη φυλαξάμενοσ καὶ ἀναλαβὼν ἑαυτὸν ἔξω τοῦ ὀρύγματοσ· ὀψὲ δὲ ἴσχυσεν εἰσπέμψαι τινὰσ νύκτωρ ἐπικούρουσ ὁ τῶν Ῥωμαίων στρατηγὸσ Λεύκολλοσ· ὤνησε δὲ καὶ λιμὸσ τῷ τοσούτῳ πλήθει τῆσ στρατιᾶσ ἐπιπεσών, ὃν οὐ προείδετο ὁ βασιλεύσ, ὡσ ἀπῆλθε πολλοὺσ ἀποβαλών. Ῥωμαῖοι δ’ ἐτίμησαν τὴν πόλιν, καὶ ἔστιν ἐλευθέρα μέχρι νῦν καὶ χώραν ἔχει πολλὴν τὴν μὲν ἐκ παλαιοῦ τὴν δὲ τῶν Ῥωμαίων προσθέντων. καὶ γὰρ τῆσ Τρῳάδοσ ἔχουσι τὰ πέραν τοῦ Αἰσήπου τὰ περὶ τὴν Ζέλειαν καὶ τὸ τῆσ Ἀδραστείασ πεδίον· καὶ τῆσ Δασκυλίτιδοσ λίμνησ τὰ μὲν ἔχουσιν ἐκεῖνοι τὰ δὲ Βυζάντιοι· πρὸσ δὲ τῇ Δολιονίδι καὶ τῇ Μυγδονίδι νέμονται πολλὴν μέχρι τῆσ Μιλητοπολίτιδοσ λίμνησ καὶ τῆσ Ἀπολλωνιάτιδοσ αὐτῆσ, δι’ ὧν χωρίων καὶ ὁ Ῥύνδακοσ ῥεῖ ποταμὸσ τὰσ ἀρχὰσ ἔχων ἐκ τῆσ Ἀζανίτιδοσ, προσλαβὼν δὲ καὶ ἐκ τῆσ Ἀβρεττηνῆσ Μυσίασ ἄλλουσ τε καὶ Μέκεστον ἀπ’ Ἀγκύρασ τῆσ Ἀβαείτιδοσ ἐκδίδωσιν εἰσ τὴν Προποντίδα κατὰ Βέσβικον νῆσον. ἐν ταύτῃ δὲ τῇ νήσῳ τῶν Κυζικηνῶν ὄροσ ἐστὶν εὔδενδρον Ἀρτάκη· καὶ νησίον ὁμώνυμον πρόκειται τούτου, καὶ πλησίον ἀκρωτήριον Μέλανοσ καλούμενον ἐν παράπλῳ τοῖσ εἰσ Πρίαπον κομιζομένοισ ἐκ τῆσ Κυζίκου.

일치하는 문장이 없습니다.

SEARCH

MENU NAVIGATION