Strabo, Geography, Book 12, chapter 8 8:

(스트라본, 지리학, Book 12, chapter 8 8:)

ἀλλὰ τό γε ἆθλον προκεῖσθαι κοινὸν τὴν ἀρετὴν τῆσ χώρασ ἧσ λέγω τοῖσ ἰσχύουσιν ἐκ πολλῶν βεβαιοῦται καὶ πρὸ τῶν Τρωικῶν καὶ μετὰ τὰ Τρωικά· ὅπου καὶ Ἀμαζόνεσ κατεθάρρησαν αὐτῆσ, ἐφ’ ἃσ ὅ τε Πρίαμοσ στρατεῦσαι λέγεται καὶ ὁ Βελλεροφόντησ· πόλεισ τε παλαιαὶ ὁμολογοῦνται ἐπώνυμοι αὐτῶν· ἐν δὲ τῷ Ἰλιακῷ πεδίῳ κολώνη τισ ἔστιν ἣν ἤτοι ἄνδρεσ Βατίειαν κικλήσκουσιν, ἀθάνατοι δέ τε σῆμα πολυσκάρθμοιο Μυρίνησ, ἣν ἱστοροῦσι μίαν εἶναι τῶν Ἀμαζόνων ἐκ τοῦ ἐπιθέτου τεκμαιρόμενοι· εὐσκάρθμουσ γὰρ ἵππουσ λέγεσθαι διὰ τὸ τάχοσ· κἀκείνην οὖν πολύσκαρθμον διὰ τὸ ἀπὸ τῆσ ἡνιοχείασ τάχοσ· καὶ ἡ Μύρινα οὖν ἐπώνυμοσ ταύτησ λέγεται. καὶ αἱ ἐγγὺσ δὲ νῆσοι ταῦτ’ ἔπαθον διὰ τὴν ἀρετήν, ὧν Ῥόδοσ καὶ Κῶσ ὅτι πρὸ τῶν Τρωικῶν ἤδη ὑφ’ Ἑλλήνων ᾠκοῦντο καὶ ὑφ’ Ὁμήρου σαφῶσ ἐκμαρτυρεῖται.

일치하는 문장이 없습니다.

SEARCH

MENU NAVIGATION