헬라어 문장 검색 - ΣτραβόΓεογραπ́12́07́

(스트라본, 지리학, Book 12, chapter 7)

συναφεῖσ δ’ εἰσὶ τούτοισ οἵ τε ἄλλοι Πισίδαι καὶ οἱ Σελγεῖσ, οἵπερ εἰσὶν ἀξιολογώτατοι τῶν Πισιδῶν. τὸ μὲν οὖν πλέον αὐτῶν μέροσ τὰσ ἀκρωρείασ τοῦ Ταύρου κατέχει, τινὲσ δὲ καὶ ὑπὲρ Σίδησ καὶ Ἀσπένδου Παμφυλικῶν πόλεων κατέχουσι γεώλοφα χωρία ἐλαιόφυτα πάντα, τὰ δ’ ὑπὲρ τούτων ἤδη ὀρεινά, Κατεννεῖσ ὅμοροι Σελγεῦσι καὶ Ὁμοναδεῦσι, Σαγαλασσεῖσ δ’ ἐπὶ τὰ ἐντὸσ τὰ πρὸσ τῇ Μιλυάδι. φησὶ δ’ Ἀρτεμίδωροσ τῶν Πισιδῶν πόλεισ εἶναι Σέλγην Σαγαλασσὸν Πετνηλισσὸν Ἄδαδα Τυμβριάδα Κρῆμναν Πιτυασσὸν Ἄμβλαδα Ἀνάβουρα Σίνδα Αἀρασσὸν Ταρβασσὸν Τερμησσόν·

τούτων δ’ οἱ μέν εἰσι τελέωσ ὀρεινοί, οἱ δὲ καὶ μέχρι τῶν ὑπωρειῶν καθήκοντεσ ἐφ’ ἑκάτερα, ἐπί τε τὴν Παμφυλίαν καὶ τὴν Μιλυάδα, Φρυξὶ καὶ Λυδοῖσ καὶ Καρσὶν ὅμοροι, πᾶσιν εἰρηνικοῖσ ἔθνεσι καίπερ προσβόρροισ οὖσιν. οἱ δὲ Πάμφυλοι πολὺ τοῦ Κιλικίου φύλου μετέχοντεσ οὐ τελέωσ ἀφεῖνται τῶν λῃστρικῶν ἔργων, οὐδὲ τοὺσ ὁμόρουσ ἐῶσι καθ’ ἡσυχίαν ζῆν καίπερ τὰ νότια μέρη τῆσ ὑπωρείασ τοῦ Ταύρου κατέχοντεσ. εἰσὶ δὲ τοῖσ Φρυξὶν ὅμοροι καὶ τῇ Καρίᾳ Τάβαι καὶ Σίνδα καὶ Ἄμβλαδα, ὅθεν καὶ ὁ Ἀμβλαδεὺσ οἶνοσ ἐκφέρεται πρὸσ διαίτασ ἰατρικὰσ ἐπιτήδειοσ. τῶν δ’ οὖν ὀρεινῶν οὓσ εἶπον Πισιδῶν οἱ μὲν ἄλλοι κατὰ τυραννίδασ μεμερισμένοι, καθάπερ οἱ Κίλικεσ, λῃστρικῶσ ἤσκηνται·

φασὶ δ’ αὐτοῖσ τῶν Λελέγων συγκαταμιχθῆναι τινὰσ τὸ παλαιόν, πλάνητασ ἀνθρώπουσ, καὶ συμμεῖναι διὰ τὴν ὁμοιοτροπίαν αὐτόθι. Σέλγη δὲ ἐξ ἀρχῆσ μὲν ὑπὸ Λακεδαιμονίων ἐκτίσθη πόλισ, καὶ ἔτι πρότερον ὑπὸ Κάλχαντοσ· ὕστερον δὲ καθ’ αὑτὴν ἔμεινεν αὐξηθεῖσα ἐκ τοῦ πολιτεύεσθαι νομίμωσ, ὥστε καὶ δισμυρίανδρόσ ποτε εἶναι. θαυμαστὴ δ’ ἐστὶν ἡ φύσισ τῶν τόπων· ἐν γὰρ ταῖσ ἀκρωρείαισ τοῦ Ταύρου χώρα μυριάδασ τρέφειν δυναμένη σφόδρα εὔκαρπόσ ἐστιν, ὥστε καὶ ἐλαιόφυτα εἶναι πολλὰ χωρία καὶ εὐάμπελα, νομάσ τε ἀφθόνουσ ἀνεῖσθαι παντοδαποῖσ βοσκήμασι· κύκλῳ δ’ ὑπέρκεινται δρυμοὶ ποικίλησ ὕλησ. πλεῖστοσ δ’ ὁ στύραξ φύεται παρ’ αὐτοῖσ, δένδρον οὐ μέγα ὀρθηλόν, ἀφ’ οὗ καὶ τὰ στυράκινα ἀκοντίσματα, ἐοικότα τοῖσ κρανεί̈νοισ· ἐγγίνεται δ’ ἐν τοῖσ στελέχεσι ξυλοφάγου τι σκώληκοσ εἶδοσ, ὃ μέχρι τῆσ ἐπιφανείασ διαφαγὸν τὸ ξύλον τὸ μὲν πρῶτον πιτύροισ ἢ πρίσμασιν ἐοικόσ τι ψῆγμα προχεῖ, καὶ σωρὸσ συνίσταται πρὸσ τῇ ῥίζῃ, μετὰ δὲ ταῦτα ἀπολείβεταί τισ ὑγρασία δεχομένη πῆξιν ῥᾳδίαν παραπλησίαν τῇ κόμμει· ταύτησ δὲ τὸ μὲν ἐπὶ τὸ ψῆγμα πρὸσ τῇ ῥίζῃ κατενεχθὲν ἀναμίγνυται τούτῳ τε καὶ τῇ γῇ, πλὴν ὅσον ἐπιπολῆσ συστὰν διαμένει καθαρόν, τὸ δ’ ἐν τῇ ἐπιφανείᾳ τοῦ στελέχουσ καθ’ ἣν ῥεῖ πήττεται, καὶ τοῦτο καθαρόν· ποιοῦσι δὲ καὶ ἐκ τοῦ μὴ καθαροῦ μῖγμα ξυλομιγέσ τι καὶ γεωμιγέσ, εὐωδέστερον τοῦ καθαροῦ, τῇ δ’ ἄλλῃ δυνάμει λειπόμενον λανθάνει δὲ τοὺσ πολλούσ, ᾧ πλείστῳ χρῶνται θυμιάματι οἱ δεισιδαίμονεσ. ἐπαινεῖται δὲ καὶ ἡ Σελγικὴ ἶρισ καὶ τὸ ἀπ’ αὐτῆσ ἄλειμμα. ἔχει δ’ ὀλίγασ προσβάσεισ τὰ περὶ τὴν πόλιν καὶ τὴν χώραν τὴν Σελγέων, ὀρεινὴν κρημνῶν καὶ χαραδρῶν οὖσαν πλήρη, ἃσ ποιοῦσιν ἄλλοι τε ποταμοὶ καὶ ὁ Εὐρυμέδων καὶ ὁ Κέστροσ ἀπὸ τῶν Σελγικῶν ὀρῶν εἰσ τὴν Παμφυλίαν ἐκπίπτοντεσ θάλατταν· γέφυραι δ’ ἐπίκεινται ταῖσ ὁδοῖσ. διὰ δὲ τὴν ἐρυμνότητα οὔτε πρότερον οὔθ’ ὕστερον οὐδ’ ἅπαξ οἱ Σελγεῖσ ἐπ’ ἄλλοισ ἐγένοντο, ἀλλὰ τὴν μὲν ἄλλην χώραν ἀδεῶσ ἐκαρποῦντο, ὑπὲρ δὲ τῆσ κάτω τῆσ τε ἐν τῇ Παμφυλίᾳ καὶ τῆσ ἐντὸσ τοῦ Ταύρου διεμάχοντο πρὸσ τοὺσ βασιλέασ ἀεί· πρὸσ δὲ τοὺσ Ῥωμαίουσ ἐπὶ τακτοῖσ τισι κατεῖχον τὴν χώραν· πρὸσ Ἀλέξανδρον δὲ πρεσβευσάμενοι δέχεσθαι τὰ προστάγματα εἶπον κατὰ φιλίαν· νῦν δὲ ὑπήκοοι τελέωσ γεγόνασι, καί εἰσιν ἐν τῇ ὑπὸ Ἀμύντᾳ τεταγμένῃ πρότερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 12, chapter 7

(스트라본, 지리학, Book 12, chapter 7)

상위

목록

SEARCH

MENU NAVIGATION