헬라어 문장 검색 - ΣτραβόΓεογραπ́12́06́

(스트라본, 지리학, Book 12, chapter 6)

ἥ τε δὴ Τάττα τοιαύτη ἐστί, καὶ τὰ περὶ Ὀρκαόρκουσ καὶ Πιτνισσὸν καὶ τὰ τῶν Λυκαόνων ὀροπέδια ψυχρὰ καὶ ψιλὰ καὶ ὀναγρόβοτα, ὑδάτων δὲ σπάνισ πολλή· ἔστι δὲ τὸ μεταξὺ διάστημα τῶν φρουρίων τούτων ἑκατὸν εἴκοσί που στάδιοι. ὅπου δὲ καὶ εὑρεῖν δυνατόν, βαθύτατα φρέατα τῶν πάντων, καθάπερ ἐν Σοάτροισ, ὅπου καὶ πιπράσκεται τὸ ὕδωρ ἔστι δὲ κωμόπολισ Γαρσαούρων πλησίον· ὅμωσ δὲ καίπερ ἄνυδροσ οὖσα ἡ χώρα πρόβατα ἐκτρέφει θαυμαστῶσ, τραχείασ δὲ ἐρέασ, καί τινεσ ἐξ αὐτῶν τούτων μεγίστουσ πλούτουσ ἐκτήσαντο· Ἀμύντασ δ’ ὑπὲρ τριακοσίασ ἔσχε ποίμνασ ἐν τοῖσ τόποισ τούτοισ. εἰσὶ δὲ καὶ λίμναι, Κάραλισ μὲν ἡ μείζων ἡ δ’ ἐλάττων Τρωγῖτισ. ἐνταῦθα δέ που καὶ τὸ Ἰκόνιον ἔστι, πολίχνιον εὖ συνῳκισμένον καὶ χώραν εὐτυχεστέραν ἔχον τῆσ λεχθείσησ ὀναγροβότου· τοῦτο δ’ εἶχε Πολέμων. πλησιάζει δ’ ἤδη τούτοισ τοῖσ τόποισ ὁ Ταῦροσ ὁ τὴν Καππαδοκίαν ὁρίζων καὶ τὴν Λυκαονίαν πρὸσ τοὺσ ὑπερκειμένουσ Κίλικασ τοὺσ Τραχειώτασ. Λυκαόνων τε καὶ Καππαδόκων ὁρ́ιόν ἐστι τὸ μεταξὺ Κοροπασσοῦ κώμησ Λυκαόνων, καὶ Γαρσαούρων πολιχνίου Καππαδόκων· τῆσ δὲ Λυκαονίασ ἐστὶ καὶ ἡ Ἰσαυρικὴ πρὸσ αὐτῷ τῷ Ταύρῳ ἡ τὰ Ἴσαυρα ἔχουσα κώμασ δύο ὁμωνύμουσ, τὴν μὲν παλαιὰν καλουμένην, τὴν δὲ νέαν, εὐερκῆ·

ὑπήκοοι δ’ ἦσαν ταύταισ καὶ ἄλλαι κῶμαι συχναί, λῃστῶν δ’ ἅπασαι κατοικίαι. παρέσχον δὲ καὶ Ῥωμαίοισ πράγματα καὶ τῷ Ἰσαυρικῷ προσαγορευθέντι Πουβλίῳ Σερβιλίῳ, ὃν ἡμεῖσ εἴδομεν, ὃσ καὶ ταῦτα ὑπέταξε Ῥωμαίοισ καὶ τὰ πολλὰ τῶν πειρατῶν ἐρύματα ἐξεῖλε τὰ ἐπὶ τῇ θαλάττῃ. τῆσ δ’ Ἰσαυρικῆσ ἔστιν ἐν πλευραῖσ ἡ Δέρβη, μάλιστα τῇ Καππαδοκίᾳ ἐπιπεφυκὸσ τοῦ Ἀντιπάτρου τυραννεῖον τοῦ Δερβήτου·

τοῦ δ’ ἦν καὶ τὰ Λάρανδα· ἐφ’ ἡμῶν δὲ καὶ τὰ Ἴσαυρα καὶ τὴν Δέρβην Ἀμύντασ εἶχεν, ἐπιθέμενοσ τῷ Δερβήτῃ καὶ ἀνελὼν αὐτόν, τὰ δ’ Ἴσαυρα παρὰ τῶν Ῥωμαίων λαβών· καὶ δὴ βασίλειον ἑαυτῷ κατεσκεύαζεν ἐνταῦθα, τὴν παλαιὰν Ἴσαυραν ἀνατρέψασ. ἐν δὲ τῷ αὐτῷ χωρίῳ καινὸν τεῖχοσ οἰκοδομῶν οὐκ ἔφθη συντελέσασ, ἀλλὰ διέφθειραν αὐτὸν οἱ Κίλικεσ ἐμβαλόντα εἰσ τοὺσ Ὁμοναδεῖσ καὶ ἐξ ἐνέδρασ ληφθέντα. τὴν γὰρ Ἀντιόχειαν ἔχων τὴν πρὸσ τῇ Πισιδίᾳ μέχρι Ἀπολλωνιάδοσ τῆσ πρὸσ Ἀπαμείᾳ τῇ Κιβωτῷ καὶ τῆσ Παρωρείου τινὰ καὶ τὴν Λυκαονίαν ἐπειρᾶτο τοὺσ ἐκ τοῦ Ταύρου κατατρέχοντασ Κίλικασ καὶ Πισίδασ τὴν χώραν ταύτην Φρυγῶν οὖσαν ἐξαιρεῖν, καὶ πολλὰ χωρία ἐξεῖλεν ἀπόρθητα πρότερον ὄντα, ὧν καὶ Κρῆμνα·

τὸ δὲ Σανδάλιον οὐδ’ ἐνεχείρησε βίᾳ προσάγεσθαι, μεταξὺ κείμενον τῆσ τε Κρήμνησ καὶ Σαγαλασσοῦ. τὴν μὲν οὖν Κρῆμναν ἄποικοι Ῥωμαίων ἔχουσιν, ἡ Σαγαλασσὸσ δ’ ἐστὶν ὑπὸ τῷ αὐτῷ ἡγεμόνι τῶν Ῥωμαίων ὑφ’ ᾧ καὶ ἡ Ἀμύντου βασιλεία πᾶσα·

διέχει δ’ Ἀπαμείασ ἡμέρασ ὁδόν, κατάβασιν ἔχουσα σχεδόν τι καὶ τριάκοντα σταδίων ἀπὸ τοῦ ἐρύματοσ· καλοῦσι δ’ αὐτὴν καὶ Σελγησσόν· ταύτην δὲ τὴν πόλιν καὶ Ἀλέξανδροσ εἷλεν. ὁ δ’ οὖν Ἀμύντασ τὴν μὲν Κρῆμναν εἷλεν, εἰσ δὲ τοὺσ Ὁμοναδέασ παρελθών, οἳ ἐνομίζοντο ἀληπτότατοι, καὶ καταστὰσ ἤδη κύριοσ τῶν πλείστων χωρίων ἀνελὼν καὶ τὸν τύραννον αὐτῶν ἐξ ἀπάτησ ἐλήφθη διὰ τῆσ τοῦ τυράννου γυναικόσ. καὶ τοῦτον μὲν ἐκεῖνοι διέφθειραν, ἐκείνουσ δὲ Κυρίνιοσ ἐξεπόρθησε λιμῷ καὶ τετρακισχιλίουσ ἄνδρασ ἐζώγρησε καὶ συνῴκισεν εἰσ τὰσ ἐγγὺσ πόλεισ, τὴν δὲ χώραν ἀπέλιπεν ἔρημον τῶν ἐν ἀκμῇ. ἔστι δὲ ἐν ὑψηλοῖσ τοῦ Ταύρου μέρεσι, κρημνοῖσ ἀποτόμοισ σφόδρα καὶ τὸ πλέον ἀβάτοισ, ἐν μέσῳ κοῖλον καὶ εὔγεων πεδίον εἰσ αὐλῶνασ πλείουσ διῃρημένον· τοῦτο δὲ γεωργοῦντεσ ᾤκουν ἐν ταῖσ ὑπερκειμέναισ ὀφρύσιν ἢ σπηλαίοισ, τὰ πολλὰ δ’ ἔνοπλοι ἦσαν καὶ κατέτρεχον τὴν ἀλλοτρίαν ἔχοντεσ ὄρη τειχίζοντα τὴν χώραν αὐτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 12, chapter 6

(스트라본, 지리학, Book 12, chapter 6)

상위

목록

SEARCH

MENU NAVIGATION