Strabo, Geography, Book 12, chapter 5 3:

(스트라본, 지리학, Book 12, chapter 5 3:)

Πεσσινοῦσ δ’ ἐστὶν ἐμπόριον τῶν ταύτῃ μέγιστον, ἱερὸν ἔχον τῆσ μητρὸσ τῶν θεῶν σεβασμοῦ μεγάλου τυγχάνον· καλοῦσι δ’ αὐτὴν Ἄγδιστιν. οἱ δ’ ἱερεῖσ τὸ παλαιὸν μὲν δυνάσται τινὲσ ἦσαν, ἱερωσύνην καρπούμενοι μεγάλην, νυνὶ δὲ τούτων μὲν αἱ τιμαὶ πολὺ μεμείωνται, τὸ δὲ ἐμπόριον συμμένει· κατεσκεύασται δ’ ὑπὸ τῶν Ἀτταλικῶν βασιλέων ἱεροπρεπῶσ τὸ τέμενοσ ναῷ τε καὶ στοαῖσ λευκολίθοισ· ἐπιφανὲσ δ’ ἐποίησαν Ῥωμαῖοι τὸ ἱερόν, ἀφίδρυμα ἐνθένδε τῆσ θεοῦ μεταπεμψάμενοι κατὰ τοὺσ τῆσ Σιβύλλησ χρησμούσ, καθάπερ καὶ τοῦ Ἀσκληπιοῦ τοῦ ἐν Ἐπιδαύρῳ. ἔστι δὲ καὶ ὄροσ ὑπερκείμενον τῆσ πόλεωσ τὸ Δίνδυμον, ἀφ’ οὗ ἡ Δινδυμηνή, καθάπερ ἀπὸ τῶν Κυβέλων ἡ Κυβέλη. πλησίον δὲ καὶ ὁ Σαγγάριοσ ποταμὸσ ποιεῖται τὴν ῥύσιν· ἐπὶ δὲ τούτῳ τὰ παλαιὰ τῶν Φρυγῶν οἰκητήρια Μίδου καὶ ἔτι πρότερον Γορδίου καὶ ἄλλων τινῶν, οὐδ’ ἴχνη σώζοντα πόλεων, ἀλλὰ κῶμαι μικρῷ μείζουσ τῶν ἄλλων, οἱο͂́ν ἐστι τὸ Γόρδιον καὶ Γορβεοῦσ, τὸ τοῦ Κάστοροσ βασίλειον τοῦ Σαωκονδάρου, ἐν ᾧ γαμβρὸν ὄντα τοῦτον ἀπέσφαξε Δηιόταροσ καὶ τὴν θυγατέρα τὴν ἑαυτοῦ· τὸ δὲ φρούριον κατέσπασε καὶ διελυμήνατο τὸ πλεῖστον τῆσ κατοικίασ.

일치하는 문장이 없습니다.

SEARCH

MENU NAVIGATION