Strabo, Geography, Book 12, chapter 4 5:

(스트라본, 지리학, Book 12, chapter 4 5:)

ὅμωσ δ’ ἐφ’ ὅσον εἰκάζειν οἱο͂́ν τε, τῆσ μὲν Βιθυνίασ μέσην ἄν τισ θείη καὶ τῆσ ἐκβολῆσ τοῦ Αἰσήπου τὴν Μυσίαν, ἁπτομένην τῆσ θαλάττησ καὶ διήκουσαν μέχρι τοῦ Ὀλύμπου σχεδόν τι παντόσ· κύκλῳ δὲ τὴν Ἐπίκτητον κειμένην ἐν τῇ μεσογαία, θαλάττησ οὐδαμοῦ ἁπτομένην διατείνουσαν δὲ μέχρι τῶν ἑῴων μερῶν τῆσ Ἀσκανίασ λίμνησ τε καὶ χώρασ· ὁμωνύμωσ γὰρ τῇ λίμνῃ καὶ ἡ χώρα ἐλέγετο, καὶ ἦν αὐτῆσ τὸ μὲν Φρύγιον τὸ δὲ Μύσιον ἀπωτέρω δὲ τῆσ Τροίασ τὸ Φρύγιον. καὶ δὴ καὶ οὕτω δεκτέον τὸ παρὰ τῷ ποιητῇ ὅταν φῇ Φόρκυσ δ’ αὖ Φρύγασ ἦγε καὶ Ἀσκάνιοσ θεοειδήσ, τῆλ’ ἐξ Ἀσκανίησ, τῆσ Φρυγιακῆσ, ὡσ οὔσησ ἐγγυτέρω ἄλλησ Ἀσκανίασ Μυσιακῆσ τῆσ πρὸσ τῇ νῦν Νικαίᾳ, ἧσ μέμνηται ὅταν φῇ Πάλμυν τ’ Ἀσκάνιόν τε Μόρυν θ’, υἷ’ Ἱπποτίωνοσ, Μυσῶν ἀγχεμάχων ἡγήτορα, οἵ ῥ’ ἐξ Ἀσκανίησ ἐριβώλακοσ ἦλθον ἀμοιβοί. οὐ θαυμαστὸν δ’ εἰ τῶν Φρυγῶν εἰπών τινα ἡγεμόνα Ἀσκάνιον καὶ ἐξ Ἀσκανίασ ἥκοντα, καὶ Μυσῶν τινα λέγει ἡγεμόνα Ἀσκάνιον καὶ ἐξ Ἀσκανίασ ἥκοντα· πολλὴ γὰρ ἡ ὁμωνυμία παρ’ αὐτῷ καὶ ἡ ἀπὸ τῶν ποταμῶν καὶ λιμνῶν καὶ χωρίων ἐπίκλησισ.

일치하는 문장이 없습니다.

SEARCH

MENU NAVIGATION