Strabo, Geography, Book 12, chapter 2 18:

(스트라본, 지리학, Book 12, chapter 2 18:)

μέγεθοσ δὲ τῆσ χώρασ κατὰ πλάτοσ μὲν τὸ ἀπὸ τοῦ Πόντου πρὸσ τὸν Ταῦρον ὅσον χίλιοι καὶ ὀκτακόσιοι στάδιοι, μῆκοσ δὲ ἀπὸ τῆσ Λυκαονίασ καὶ Φρυγίασ μέχρι Εὐφράτου πρὸσ τὴν ἑώ καὶ τὴν Ἀρμενίαν περὶ τρισχιλίουσ. ἀγαθὴ δὲ καρποῖσ, μάλιστα δὲ σίτῳ καὶ βοσκήμασι παντοδαποῖσ· νοτιωτέρα δ’ οὖσα τοῦ Πόντου ψυχροτέρα ἐστίν· ἡ δὲ Βαγαδανία καίπερ πεδιὰσ οὖσα καὶ νοτιωτάτη πασῶν ὑποπέπτωκε γὰρ τῷ Ταύρῳ μόλισ τῶν καρπίμων τι φέρει δένδρων, ὀναγροβότοσ δ’ ἐστὶ καὶ αὕτη καὶ ἡ πολλὴ τῆσ ἄλλησ, καὶ μάλιστα ἡ περὶ Γαρσαύιρα καὶ Λυκαονίαν καὶ Μοριμηνήν. ἐν δὲ τῇ Καππαδοκίᾳ γίνεται καὶ ἡ λεγομένη Σινωπικὴ μίλτοσ ἀρίστη τῶν πασῶν· ἐνάμιλλοσ δ’ ἐστὶν αὐτῇ καὶ ἡ Ἰβηρική· ὠνομάσθη δὲ Σινωπικὴ διότι κατάγειν ἐκεῖσε εἰώθεσαν οἱ ἔμποροι πρὶν ἢ τὸ τῶν Ἐφεσίων ἐμπόριον μέχρι τῶν ἐνθάδε ἀνθρώπων διῖχθαι. λέγεται δὲ καὶ κρυστάλλου πλάκασ καὶ ὀνυχίτου λίθου πλησίον τῆσ τῶν Γαλατῶν ὑπὸ τῶν Ἀρχελάου μεταλλευτῶν εὑρῆσθαι. ἦν δέ τισ τόποσ καὶ λίθου λευκοῦ τῷ ἐλέφαντι κατὰ τὴν χρόαν ἐμφεροῦσ ὥσπερ ἀκόνασ τινὰσ οὐ μεγάλασ ἐκφέρων, ἐξ ὧν τὰ λάβια τοῖσ μαχαιρίοισ κατεσκεύαζον· ἄλλοσ δὲ εἰσ διόπτρασ βώλουσ μεγάλασ ἐκδιδούσ, ὥστε καὶ ἔξω κομίζεσθαι. ὁρ́ιον δ’ ἐστὶ τοῦ Πόντου καὶ τῆσ Καππαδοκίασ ὀρεινή τισ παράλληλοσ τῷ Ταύρῳ, τὴν ἀρχὴν ἔχουσα ἀπὸ τῶν ἑσπερίων ἄκρων τῆσ Χαμμανηνῆσ, ἐφ’ ἧσ ἵδρυται φρούριον ἀπότομον Δασμένδα, μέχρι τῶν ἑωθινῶν τῆσ Λαουιανσηνῆσ. στρατηγίαι δ’ εἰσὶ τῆσ Καππαδοκίασ ἥ τε Χαμμανηνὴ καὶ ἡ Λαουιανσηνή.

일치하는 문장이 없습니다.

SEARCH

MENU NAVIGATION