Strabo, Geography, Book 12, chapter 2 14:

(스트라본, 지리학, Book 12, chapter 2 14:)

ἔστι δὲ καὶ ποταμὸσ ἐν τῷ πεδίῳ τῷ πρὸ τῆσ πόλεωσ Μέλασ καλούμενοσ, ὅσον τετταράκοντα σταδίουσ διέχων τῆσ πόλεωσ, ἐν ταπεινοτέρῳ τῆσ πόλεωσ χωρίῳ τὰσ πηγὰσ ἔχων. ταύτῃ μὲν οὖν ἄχρηστοσ αὐτοῖσ ἐστιν οὐχ ὑπερδέξιον ἔχων τὸ ῥεῦμα, εἰσ ἕλη δὲ καὶ λίμνασ διαχεόμενοσ κακοῖ τὸν ἀέρα τοῦ θέρουσ τὸν περὶ τὴν πόλιν, καὶ τὸ λατομεῖον δὲ ποιεῖ δύσχρηστον καίπερ εὔχρηστον ὄν· πλαταμῶνεσ γὰρ εἰσίν, ἀφ’ ὧν τὴν λιθείαν ἔχειν ἄφθονον συμβαίνει τοῖσ Μαζακηνοῖσ πρὸσ τὰσ οἰκοδομίασ, καλυπτόμεναι δ’ ὑπὸ τῶν ὑδάτων αἱ πλάκεσ ἀντιπράττουσι. καὶ ταῦτα δ’ ἐστὶ τὰ ἕλη πανταχοῦ πυρίληπτα. Ἀριαράθησ δ’ ὁ βασιλεὺσ τοῦ Μέλανοσ κατά τινα στενὰ ἔχοντοσ τὴν εἰσ τὸν Ἅλυν διέξοδον ἐμφράξασ ταῦτα λίμνην πελαγίαν ἀπέδειξε τὸ πλησίον πεδίον, ἐνταῦθα δὲ νησῖδάσ τινασ ὡσ τὰσ Κυκλάδασ ἀπολαβόμενοσ διατριβὰσ ἐν αὐταῖσ ἐποιεῖτο μειρακιώδεισ· ἐκραγὲν δ’ ἀθρόωσ τὸ ἔμφραγμα ἐξέκλυσε πάλιν τὸ ὕδωρ, πληρωθεὶσ δ’ ὁ Ἅλυσ τῆσ τε τῶν Καππαδόκων πολλὴν παρέσυρε καὶ κατοικίασ καὶ φυτείασ ἠφάνισε πολλὰσ τῆσ τε τῶν Γαλατῶν τῶν τὴν Φρυγίαν ἐχόντων οὐκ ὀλίγην ἐλυμήνατο· ἀντὶ δὲ τῆσ βλάβησ ἐπράξαντο ζημίαν αὐτὸν τάλαντα τριακόσια Ῥωμαίοισ ἐπιτρέψαντεσ τὴν κρίσιν. τὸ δ’ αὐτὸ συνέβη καὶ περὶ Ἧρπα· καὶ γὰρ ἐκεῖ τὸ τοῦ Καρμάλα ῥεῦμα ἐνέφραξεν, εἶτ’ ἐκραγέντοσ τοῦ στομίου καὶ τῶν Κιλίκων τινὰ χωρία τὰ περὶ Μαλλὸν διαφθείραντοσ τοῦ ὕδατοσ, δίκασ ἔτισεν τοῖσ ἀδικηθεῖσιν.

일치하는 문장이 없습니다.

SEARCH

MENU NAVIGATION