Strabo, Geography, Book 12, chapter 1 5:

(스트라본, 지리학, Book 12, chapter 1 5:)

ἔστι δ’ ὥσπερ χερρονήσου μεγάλησ ἰσθμὸσ οὗτοσ, σφιγγόμενοσ θαλάτταισ δυσὶ τῇ τε τοῦ Ἰσσικοῦ κόλπου μέχρι τῆσ τραχείασ Κιλικίασ καὶ τῇ τοῦ Εὐξείνου μεταξὺ Σινώπησ τε καὶ τῆσ τῶν Τιβαρηνῶν παραλίασ· ἐντὸσ δὲ τοῦ ἰσθμοῦ λέγομεν χερρόνησον τὴν προσεσπέριον τοῖσ Καππάδοξιν ἅπασαν, ἣν Ἡρόδοτοσ μὲν ἐντὸσ Ἅλυοσ καλεῖ· αὕτη γὰρ ἔστιν ἧσ ἦρξεν ἁπάσησ Κροῖσοσ· λέγει δ’ αὐτὸν ἐκεῖνοσ τύραννον ἐθνέων τῶν ἐντὸσ Ἅλυοσ ποταμοῦ. οἱ δὲ νῦν τὴν ἐντὸσ τοῦ Ταύρου καλοῦσιν Ἀσίαν, ὁμωνύμωσ τῇ ὅλῃ ἠπείρῳ ταύτην Ἀσίαν προσαγορεύοντεσ. περιέχεται δ’ ἐν αὐτῇ πρῶτα μὲν ἔθνη τὰ ἀπὸ τῆσ ἀνατολῆσ Παφλαγόνεσ τε καὶ Φρύγεσ καὶ Λυκάονεσ, ἔπειτα Βιθυνοὶ καὶ Μυσοὶ καὶ ἡ Ἐπίκτητοσ, ἔτι δὲ Τρῳὰσ καὶ Ἑλλησποντία, μετὰ δὲ τούτουσ ἐπὶ θαλάττῃ μὲν Ἑλλήνων οἵ τε Αἰολεῖσ καὶ Ιὤνεσ τῶν δ’ ἄλλων Κᾶρέσ τε καὶ Λύκιοι, ἐν δὲ τῇ μεσογαίᾳ Λυδοί.

일치하는 문장이 없습니다.

SEARCH

MENU NAVIGATION