헬라어 문장 검색 - ΣτραβόΓεογραπ́12́01́

(스트라본, 지리학, Book 12, chapter 1)

. . . καὶ ἡ Καππαδοκία δ’ ἐστὶ πολυμερήσ τε καὶ συχνὰσ δεδεγμένη μεταβολάσ. οἱ δ’ οὖν ὁμόγλωττοι μάλιστά εἰσιν οἱ ἀφοριζόμενοι πρὸσ νότον μὲν τῷ Κιλικίῳ λεγομένῳ Ταύρῳ, πρὸσ ἑώ δὲ τῇ Ἀρμενίᾳ καὶ τῇ Κολχίδι καὶ τοῖσ μεταξὺ ἑτερογλώττοισ ἔθνεσι, πρὸσ ἄρκτον δὲ τῷ Εὐξείνῳ μέχρι τῶν ἐκβολῶν τοῦ Ἅλυοσ, πρὸσ δύσιν δὲ τῷ τε τῶν Παφλαγόνων ἔθνει καὶ Γαλατῶν τῶν τὴν Φρυγίαν ἐποικησάντων μέχρι Λυκαόνων καὶ Κιλίκων τῶν τὴν τραχεῖαν Κιλικίαν νεμομένων. καὶ αὐτῶν δὲ τῶν ὁμογλώττων οἱ παλαιοὶ τοὺσ Κατάονασ καθ’ αὑτοὺσ ἔταττον, ἀντιδιαιροῦντεσ τοῖσ Καππάδοξιν ὡσ ἑτεροεθνέσι, καὶ ἐν τῇ διαριθμήσει τῶν ἐθνῶν μετὰ τὴν Καππαδοκίαν ἐτίθεσαν τὴν Καταονίαν, εἶτα τὸν Εὐφράτην καὶ τὰ πέραν ἔθνη, ὥστε καὶ τὴν Μελιτηνὴν ὑπὸ τῇ Καταονίᾳ τάττειν, ἣ μεταξὺ κεῖται ταύτησ τε καὶ τοῦ Εὐφράτου συνάπτουσα τῇ Κομμαγηνῇ, μέροσ τε τῆσ Καππαδοκίασ ἐστὶ δέκατον κατὰ τὴν εἰσ δέκα στρατηγίασ διαίρεσιν τῆσ χώρασ.

οὕτω γὰρ δὴ οἱ καθ’ ἡμᾶσ βασιλεῖσ οἱ πρὸ Ἀρχελάου διατεταγμένην εἶχον τὴν ἡγεμονίαν τῆσ Καππαδοκίασ· δέκατον δ’ ἐστὶ μέροσ καὶ ἡ Καταονία. καθ’ ἡμᾶσ δὲ εἶχε στρατηγὸν ἑκατέρα ἴδιον· οὔτε δ’ ἐκ τῆσ διαλέκτου διαφορᾶσ τινοσ ἐν τούτοισ πρὸσ τοὺσ ἄλλουσ Καππάδοκασ ἐμφαινομένησ οὔτε ἐκ τῶν ἄλλων ἐθῶν, θαυμαστὸν πῶσ ἠφάνισται τελέωσ τὰ σημεῖα τῆσ ἀλλοεθνίασ. ἦσαν δ’ οὖν διωρισμένοι, προσεκτήσατο δ’ αὐτοὺσ Ἀριαράθησ ὁ πρῶτοσ προσαγορευθεὶσ Καππαδόκων βασιλεύσ. ἔστι δ’ ὥσπερ χερρονήσου μεγάλησ ἰσθμὸσ οὗτοσ, σφιγγόμενοσ θαλάτταισ δυσὶ τῇ τε τοῦ Ἰσσικοῦ κόλπου μέχρι τῆσ τραχείασ Κιλικίασ καὶ τῇ τοῦ Εὐξείνου μεταξὺ Σινώπησ τε καὶ τῆσ τῶν Τιβαρηνῶν παραλίασ·

ἐντὸσ δὲ τοῦ ἰσθμοῦ λέγομεν χερρόνησον τὴν προσεσπέριον τοῖσ Καππάδοξιν ἅπασαν, ἣν Ἡρόδοτοσ μὲν ἐντὸσ Ἅλυοσ καλεῖ· αὕτη γὰρ ἔστιν ἧσ ἦρξεν ἁπάσησ Κροῖσοσ· λέγει δ’ αὐτὸν ἐκεῖνοσ τύραννον ἐθνέων τῶν ἐντὸσ Ἅλυοσ ποταμοῦ. οἱ δὲ νῦν τὴν ἐντὸσ τοῦ Ταύρου καλοῦσιν Ἀσίαν, ὁμωνύμωσ τῇ ὅλῃ ἠπείρῳ ταύτην Ἀσίαν προσαγορεύοντεσ. περιέχεται δ’ ἐν αὐτῇ πρῶτα μὲν ἔθνη τὰ ἀπὸ τῆσ ἀνατολῆσ Παφλαγόνεσ τε καὶ Φρύγεσ καὶ Λυκάονεσ, ἔπειτα Βιθυνοὶ καὶ Μυσοὶ καὶ ἡ Ἐπίκτητοσ, ἔτι δὲ Τρῳὰσ καὶ Ἑλλησποντία, μετὰ δὲ τούτουσ ἐπὶ θαλάττῃ μὲν Ἑλλήνων οἵ τε Αἰολεῖσ καὶ Ιὤνεσ τῶν δ’ ἄλλων Κᾶρέσ τε καὶ Λύκιοι, ἐν δὲ τῇ μεσογαίᾳ Λυδοί. περὶ μὲν οὖν τῶν ἄλλων ἐροῦμεν ὕστερον.

τὴν δὲ Καππαδοκίαν εἰσ δύο σατραπείασ μερισθεῖσαν ὑπὸ τῶν Περσῶν παραλαβόντεσ Μακεδόνεσ περιεῖδον τὰ μὲν ἑκόντεσ τὰ δ’ ἄκοντεσ εἰσ βασιλείασ ἀντὶ σατραπειῶν περιστᾶσαν· ὧν τὴν μὲν ἰδίωσ Καππαδοκίαν ὠνόμασαν καὶ πρὸσ τῷ Ταύρῳ καὶ νὴ Δία μεγάλην Καππαδοκίαν, τὴν δὲ Πόντον, οἱ δὲ τὴν πρὸσ τῷ Πόντῳ Καππαδοκίαν. τῆσ δὲ μεγάλησ Καππαδοκίασ νῦν μὲν οὐκ ἴσμεν πω τὴν διάταξιν· τελευτήσαντοσ γὰρ τὸν βίον Ἀρχελάου τοῦ βασιλεύσαντοσ, ἔγνω Καῖσάρ τε καὶ ἡ σύγκλητοσ ἐπαρχίαν εἶναι Ῥωμαίων αὐτήν. ἐπ’ ἐκείνου δὲ καὶ τῶν πρὸ αὐτοῦ βασιλέων εἰσ δέκα στρατηγίασ διῃρημένησ τῆσ χώρασ, πέντε μὲν ἐξητάζοντο αἱ πρὸσ τῷ Ταύρῳ, Μελιτηνὴ Καταονία Κιλικία Τυανῖτισ Γαρσαυρῖτισ, πέντε δὲ λοιπαὶ Λαουιανσηνὴ Σαργαραυσηνὴ Σαραουηνὴ Χαμανηνὴ Μοριμηνή. προσεγένετο δ’ ὕστερον παρὰ Ῥωμαίων ἐκ τῆσ Κιλικίασ τοῖσ πρὸ Ἀρχελάου καὶ ἑνδεκάτη στρατηγία, ἡ περὶ Καστάβαλά τε καὶ Κύβιστρα μέχρι τῆσ Ἀντιπάτρου τοῦ λῃστοῦ Δέρβησ, τῷ δὲ Ἀρχελάῳ καὶ ἡ τραχεῖα περὶ Ἐλαιοῦσσαν Κιλικία καὶ πᾶσα ἡ τὰ πειρατήρια συστησαμένη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Strabo, Geography, Book 12, chapter 1

(스트라본, 지리학, Book 12, chapter 1)

상위

목록

SEARCH

MENU NAVIGATION