Strabo, Geography, book 5, chapter 4 22:

(스트라본, 지리학, book 5, chapter 4 22:)

πρὸσ δὲ ταῖσ ῥηθείσαισ ἔτι καὶ αὗται Καμπαναὶ πόλεισ εἰσὶν ὧν ἐμνήσθημεν πρότερον, Κάλησ τε καὶ Τέανον Σιδικῖνον, ἃσ διορίζουσιν αἱ δύο Τύχαι ἐφ’ ἑκάτερα ἱδρυμέναι τῆσ Λατίνησ ὁδοῦ, καὶ ἔτι Σουέσσουλα καὶ Ἀτέλλα καὶ Νῶλα καὶ Νουκερία καὶ Ἀχέρραι καὶ Ἀβέλλα καὶ ἄλλαι ἔτι ἐλάττουσ τούτων κατοικίαι, ὧν ἐνίασ Σαυνίτιδάσ φασιν εἶναι. Βενεουεντὸν δ’ ὅμωσ συνέστηκεν εὖ καὶ Ουἐνουσία. Σαυνῖται δὲ πρότερον μὲν καὶ μέχρι τῆσ Λατίνησ τῆσ περὶ Ἀρδέαν ἐξοδίασ ποιούμενοι, μετὰ δὲ ταῦτα αὐτὴν τὴν Καμπανίαν πορθοῦντεσ πολλὴν ἐκέκτηντο δύναμιν· καὶ γὰρ ἄλλωσ δεσποτικῶσ ἄρχεσθαι μεμαθηκότεσ ταχὺ ὑπούργουν τοῖσ προστάγμασι. νυνὶ δ’ ἐκπεπόνηνται τελέωσ ὑπό τε ἄλλων καὶ τὸ τελευταῖον ὑπὸ Σύλλα τοῦ μοναρχήσαντοσ Ῥωμαίων, ὃσ ἐπειδὴ πολλαῖσ μάχαισ καταλύσασ τὴν τῶν Ἰταλιωτῶν ἐπανάστασιν τούτουσ σχεδόν τι μόνουσ συμμένοντασ ἑώρα καὶ ὁμοίωσ ὁρμῶντασ, ὥστε καὶ ἐπ’ αὐτὴν τὴν Ῥώμην ἐλθεῖν, συνέστη πρὸ τοῦ τείχουσ αὐτοῖσ, καὶ τοὺσ μὲν ἐν τῇ μάχῃ κατέκοψε κελεύσασ μὴ ζωγρεῖν τοὺσ δὲ ῥίψαντασ τὰ ὅπλα, περὶ τρισχιλίουσ ἄνδρασ ἢ τετρακισχιλίουσ φασίν, εἰσ τὴν δημοσίαν ἔπαυλιν τὴν ἐν τῷ Κάμπῳ καταγαγὼν εἱρ͂ξε· τρισὶ δὲ ὕστερον ἡμέραισ ἐπιπέμψασ στρατιώτασ ἅπαντασ ἀπέσφαξε, προγραφάσ τε ποιούμενοσ οὐκ ἐπαύσατο πρὶν ἢ πάντασ τοὺσ ἐν ὀνόματι Σαυνιτῶν διέφθειρεν ἢ ἐκ τῆσ Ἰταλίασ ἐξέβαλε· πρὸσ δὲ τοὺσ αἰτιωμένουσ τὴν ἐπὶ τοσοῦτον ὀργὴν ἔφη καταμαθεῖν ἐκ τῆσ πείρασ, ὡσ οὐδέποτ’ ἂν εἰρήνην ἀγάγοι Ῥωμαίων οὐδὲ εἷσ, ἑώσ ἂν συμμένωσι καθ’ ἑαυτοὺσ Σαυνῖται. τοιγάρ τοι νυνὶ κῶμαι γεγόνασιν αἱ πόλεισ· ἔνιαι δ’ ἐκλελοίπασι τελέωσ, Βοιανὸν Αἰσερνία Πάννα Τελεσία συνεχὴσ Ουἐνάφρῳ καὶ ἄλλαι τοιαῦται, ὧν οὐδεμίαν ἄξιον ἡγεῖσθαι πόλιν· ἡμεῖσ δ’ ἐπέξιμεν μέχρι τοῦ μετρίου διὰ τὴν τῆσ Ἰταλίασ δόξαν καὶ δύναμιν.

상위

Geography (지리학)

목록

일치하는 문장이 없습니다.

SEARCH

MENU NAVIGATION