Strabo, Geography, book 5, chapter 4 6:

(스트라본, 지리학, book 5, chapter 4 6:)

ἑξῆσ δὲ μετὰ τὴν Λατίνην ἐστὶν ἥ τε Καμπανία παρήκουσα τῇ θαλάττῃ, καὶ ὑπὲρ ταύτην ἡ Σαυνῖτισ ἐν μεσογαίᾳ μέχρι Φρεντανῶν καὶ τῶν Δαυνίων, εἶτ’ αὐτοὶ Δαύνιοι καὶ τἆλλα ἔθνη τὰ μέχρι τοῦ Σικελικοῦ πορθμοῦ. πρῶτον δὲ περὶ τῆσ Καμπανίασ ῥητέον. ἔστι δ’ ἀπὸ τῆσ Σινοέσσησ ἐπὶ μὲν τὴν ἑξῆσ παραλίαν κόλποσ εὐμεγέθησ μέχρι Μισηνοῦ, κἀκεῖθεν ἄλλοσ κόλποσ πολὺ μείζων τοῦ προτέρου, καλοῦσι δ’ αὐτὸν κρατῆρα, ἀπὸ τοῦ Μισηνοῦ μέχρι τοῦ Ἀθηναίου, δυεῖν ἀκρωτηρίων, κολπούμενον. ὑπὲρ δὲ τούτων τῶν ᾐόνων Καμπανία πᾶσα ἵδρυται, πεδίον εὐδαιμονέστατον τῶν ἁπάντων· περίκεινται δ’ αὐτῷ γεωλοφίαι τε εὔκαρποι καὶ ὄρη τά τε τῶν Σαυνιτῶν καὶ τὰ τῶν Ὄσκων. Ἀντίοχοσ μὲν οὖν φησι τὴν χώραν ταύτην Ὀπικοὺσ οἰκῆσαι, τούτουσ δὲ καὶ Αὔσονασ καλεῖσθαι. Πολύβιοσ δ’ ἐμφαίνει δύο ἔθνη νομίζων ταῦτα· Ὀπικοὺσ γάρ φησι καὶ Αὔσονασ οἰκεῖν τὴν χώραν ταύτην περὶ τὸν κρατῆρα. ἄλλοι δὲ λέγουσιν οἰκούντων Ὀπικῶν πρότερον καὶ Αὐσόνων· οἱ δ’ ἐκείνουσ κατασχεῖν ὕστερον Ὄσκων τι ἔθνοσ, τούτουσ δ’ ὑπὸ Κυμαίων, ἐκείνουσ δ’ ὑπὸ Τυρρηνῶν ἐκπεσεῖν· διὰ γὰρ τὴν ἀρετὴν περιμάχητον γενέσθαι τὸ πεδίον· δώδεκα δὲ πόλεισ ἐγκατοικίσαντασ τὴν οἱο͂ν κεφαλὴν ὀνομάσαι Καπύην. διὰ δὲ τὴν τρυφὴν εἰσ μαλακίαν τραπομένουσ καθάπερ τῆσ περὶ τὸν Πάδον χώρασ ἐξέστησαν, οὕτω καὶ ταύτησ παραχωρῆσαι Σαυνίταισ, τούτουσ δ’ ὑπὸ Ῥωμαίων ἐκπεσεῖν. τῆσ δ’ εὐκαρπίασ ἐστὶ σημεῖον τὸ σῖτον ἐνταῦθα γίνεσθαι τὸν κάλλιστον, λέγω δὲ τὸν πύρινον, ἐξ οὗ καὶ ὁ χόνδροσ κρείττων ὢν πάσησ καὶ ὀρύζησ καὶ ἐν ὀλίγῳ σιτικῆσ τροφῆσ. ἱστορεῖται δ’ ἔνια τῶν πεδίων σπείρεσθαι δι’ ἔτουσ δὶσ μὲν τῇ ζειᾷ, τὸ δὲ τρίτον ἐλύμῳ, τινὰ δὲ καὶ λαχανεύεσθαι τῷ τετάρτῳ σπόρῳ. καὶ μὴν τὸν οἶνον τὸν κράτιστον ἐντεῦθεν ἔχουσι Ῥωμαῖοι τὸν Φάλερνον καὶ τὸν Στατανὸν καὶ Καληνόν· ἤδη δὲ καὶ ὁ Συρρεντῖνοσ ἐνάμιλλοσ καθίσταται τούτοισ, νεωστὶ πειρασθεὶσ ὅτι παλαίωσιν δέχεται. ὡσ δ’ αὕτωσ εὐέλαιόσ ἐστι καὶ πᾶσα ἡ περὶ τὸ Ουἔναφρον ὅμορον τοῖσ πεδίοισ ὄν.

상위

Geography (지리학)

목록

일치하는 문장이 없습니다.

SEARCH

MENU NAVIGATION