Sophocles, Trachiniae, choral, antistrophe 1

ὦ παῖ, ποῦ ποτ’ εἶ; τᾷδέ με τᾷδέ με πρόσλαβε κουφίσασ. ἒ ἔ, ἰὼ δαῖμον. θρῴσκει δ’ αὖ, θρῴσκει δειλαία διολοῦσ’ ἡμᾶσ ἀποτίβατοσ ἀγρία νόσοσ. ὦ Παλλὰσ Παλλάσ, τόδε μ’ αὖ λωβᾶται. ἰὼ παῖ, τὸν φύτορ’ οἰκτίρασ, ἀνεπίφθονον εἴρυσον ἔγχοσ, παῖσον ἐμᾶσ ὑπὸ κλῇδοσ· ἀκοῦ δ’ ἄχοσ, ᾧ μ’ ἐχόλωσεν σὰ μάτηρ ἄθεοσ, τὰν ὧδ’ ἐπίδοιμι πεσοῦσαν αὔτωσ, ὧδ’ αὔτωσ ὥσ μ’ ὤλεσεν. ὦ γλυκὺσ Αἵδασ, ὦ Διὸσ αὐθαίμων, εὔνασον εὔνασον μ’ ὠκυπέτᾳ μόρῳ τὸν μέλεον φθίσασ.