헬라어 문장 검색 - Σοπηοξ́Τραξηιν́12́1́00́

(소포클레스, 트라키니아이, episode, anapests)

οἴμοι ἐγὼ σοῦ, πάτερ, οἴμοι ἐγὼ σοῦ μέλεοσ. τί πάθω; τί δὲ μήσομαι; οἴμοι. σίγα, τέκνον, μὴ κινήσῃσ ἀγρίαν ὀδύνην πατρὸσ ὠμόφρονοσ· ζῇ γὰρ προπετήσ· ἀλλ’ ἴσχε δακὼν στόμα σόν. πῶσ φήσ, γέρον; ἦ ζῇ; οὐ μὴ ’ξεγερεῖσ τὸν ὕπνῳ κάτοχον κἀκκινήσεισ κἀναστήσεισ φοιτάδα δεινὴν νόσον, ὦ τέκνον. ἀλλ’ ἐπί μοι μελέῳ βάροσ ἄπλετον· ἐμμέμονεν φρήν. ὦ Ζεῦ, ποῖ γᾶσ ἥκω; παρὰ τοῖσι βροτῶν κεῖμαι πεπονημένοσ ἀλλήκτοισ ὀδύναισ; οἴμοι μοι ἐγὼ τλάμων· ἡ δ’ αὖ μιαρὰ βρύκει. φεῦ. ἆρ’ ἐξῄδη σ’ ὅσον ἦν κέρδοσ σιγῇ κεύθειν καὶ μὴ σκεδάσαι τῷδ’ ἀπὸ κρατὸσ βλεφάρων θ’ ὕπνον; οὐ γὰρ ἔχω πῶσ ἂν στέρξαιμι κακὸν τόδε λεύσσων. ὦ Κηναία κρηπὶσ βωμῶν, ἱερῶν οἱάν οἱών ἐπί μοι μελέῳ χάριν ἠνύσω· ὦ Ζεῦ. οἱάν μ’ ἄρ’ ἔθου λώβαν, οἱάν· ἣν μή ποτ’ ἐγὼ προσιδεῖν ὁ τάλασ ὤφελον ὄσσοισ, τόδ’ ἀκήλητον μανίασ ἄνθοσ καταδερχθῆναι. τίσ γὰρ ἀοιδόσ, τίσ ὁ χειροτέχνησ ἰατορίασ, ὃσ τήνδ’ ἄτην χωρὶσ Ζηνὸσ κατακηλήσει; θαῦμ’ ἂν πόρρωθεν ἰδοίμην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Trachiniae, episode, anapests

(소포클레스, 트라키니아이, episode, anapests)

상위

목록

SEARCH

MENU NAVIGATION