Sophocles, Trachiniae, episode, dialogue 1:

(소포클레스, 트라키니아이, episode, dialogue 1:)

ἄγαν γε· μᾶλλον δ’, εἰ παροῦσα πλησία ἔλευσσεσ οἷ’ ἔδρασε, κάρτ’ ἂν ᾤκτισασ. καὶ ταῦτ’ ἔτλη τισ χεὶρ γυναικεία κτίσαι; δεινῶσ γε· πεύσει δ’, ὥστε μαρτυρεῖν ἐμοί. ἐπεὶ γὰρ ἦλθε δωμάτων εἴσω μόνη καὶ παῖδ’ ἐν αὐλαῖσ εἶδε κοῖλα δέμνια στορνύνθ’, ὅπωσ ἄψορρον ἀντῴη πατρί, κρύψασ’ ἑαυτὴν ἔνθα μή τισ εἰσίδοι, βρυχᾶτο μὲν βωμοῖσι προσπίπτουσ’ ὅτι γένοιντ’ ἔρημοι, ’κλαιε δ’ ὀργάνων ὅτου ψαύσειεν οἷσ ἐχρῆτο δειλαία πάροσ· ἄλλῃ δὲ κἄλλῃ δωμάτων στρωφωμένη, εἴ του φίλων βλέψειεν οἰκετῶν δέμασ, ἔκλαιεν ἡ δύστηνοσ εἰσορωμένη, αὐτὴ τὸν αὑτῆσ δαίμον’ ἀνακαλουμένη καὶ τὰσ ἄπαιδασ ἐσ τὸ λοιπὸν οὐσίασ. ἐπεὶ δὲ τῶνδ’ ἔληξεν, ἐξαίφνησ σφ’ ὁρῶ τὸν Ἡράκλειον θάλαμον εἰσορμωμένην. κἀγὼ λαθραῖον ὄμμ’ ἐπεσκιασμένη φρούρουν· ὁρῶ δὲ τὴν γυναῖκα δεμνίοισ τοῖσ Ἡρακλείοισ στρωτὰ βάλλουσαν φάρη. ὅπωσ δ’ ἐτέλεσε τοῦτ’, ἐπενθοροῦσ’ ἄνω καθέζετ’ ἐν μέσοισιν εὐνατηρίοισ, καὶ δακρύων ῥήξασα θερμὰ νάματα ἔλεξεν· ὦ λέχη τε καὶ νυμφεῖ’ ἐμά, τὸ λοιπὸν ἤδη χαίρεθ’, ὡσ ἔμ’ οὔποτε δέξεσθ’ ἔτ’ ἐν κοίταισι ταῖσδ’ εὐνάτριαν. τοσαῦτα φωνήσασα συντόνῳ χερὶ λύει τὸν αὑτῆσ πέπλον, ᾗ χρυσήλατοσ προύκειτο μαστῶν περονίσ, ἐκ δ’ ἐλώπισεν πλευρὰν ἅπασαν ὠλένην τ’ εὐώνυμον. κἀγὼ δρομαία βᾶσ’, ὅσονπερ ἔσθενον, τῷ παιδὶ φράζω τῆσ τεχνωμένησ τάδε. κἀν ᾧ τὸ κεῖσε δεῦρό τ’ ἐξορμώμεθα, ὁρῶμεν αὐτὴν ἀμφιπλῆγι φασγάνῳ πλευρὰν ὑφ’ ἧπαρ καὶ φρένασ πεπληγμένην. ἰδὼν δ’ ὁ παῖσ ᾤμωξεν· ἔγνω γὰρ τάλασ τοὔργον κατ’ ὀργὴν ὡσ ἐφάψειεν τόδε, ὄψ’ ἐκδιδαχθεὶσ τῶν κατ’ οἶκον οὕνεκα ἄκουσα πρὸσ τοῦ θηρὸσ ἔρξειεν τάδε. κἀνταῦθ’ ὁ παῖσ δύστηνοσ οὔτ’ ὀδυρμάτων ἐλείπετ’ οὐδέν, ἀμφί νιν γοώμενοσ, οὔτ’ ἀμφιπίπτων στόμασιν, ἀλλὰ πλευρόθεν πλευρὰν παρεὶσ ἔκειτο πόλλ’ ἀναστένων, ὥσ νιν ματαίωσ αἰτίᾳ βάλοι κακῇ, κλαίων ὁθούνεκ’ ἐκ δυοῖν ἔσοιθ’ ἅμα, πατρόσ τ’ ἐκείνησ τ’, ὠρφανισμένοσ βίον. τοιαῦτα τἀνθάδ’ ἐστίν· ὥστ’ εἴ τισ δύο ἢ καί τι πλείουσ ἡμέρασ λογίζεται, μάταιόσ ἐστιν· οὐ γὰρ ἔσθ’ ἥ γ’ αὔριον, πρὶν εὖ πάθῃ τισ τὴν παροῦσαν ἡμέραν.

상위

Trachiniae (트라키니아이)

목록

일치하는 문장이 없습니다.

SEARCH

MENU NAVIGATION