헬라어 문장 검색 - Σοπηοξ́Πηιλοξτ́13́02́0́

(소포클레스, 필록테테스, episode, anapests)

μήπω γε, πρὶν ἂν τῶν ἡμετέρων ἀίῃσ μύθων, παῖ Ποίαντοσ· φάσκειν δ’ αὐδὴν τὴν Ἡρακλέουσ ἀκοῇ τε κλύειν λεύσσειν τ’ ὄψιν. τὴν σὴν δ’ ἥκω χάριν οὐρανίασ ἕδρασ προλιπών, τὰ Διόσ τε φράσων βουλεύματά σοι κατερητύσων θ’ ὁδὸν ἣν στέλλει· σὺ δ’ ἐμῶν μύθων ἐπάκουσον. καὶ πρῶτα μέν σοι τὰσ ἐμὰσ λέξω τύχασ, ὅσουσ πονήσασ καὶ διεξελθὼν πόνουσ ἀθάνατον ἀρετὴν ἔσχον, ὡσ πάρεσθ’ ὁρᾶν. καὶ σοί, σάφ’ ἴσθι, τοῦτ’ ὀφείλεται παθεῖν, ἐκ τῶν πόνων τῶνδ’ εὐκλεᾶ θέσθαι βίον. ἐλθὼν δὲ σὺν τῷδ’ ἀνδρὶ πρὸσ τὸ Τρωικὸν πόλισμα, πρῶτον μὲν νόσου παύσει λυγρᾶσ, ἀρετῇ τε πρῶτοσ ἐκκριθεὶσ στρατεύματοσ, Πάριν μέν, ὃσ τῶνδ’ αἴτιοσ κακῶν ἔφυ, τόξοισι τοῖσ ἐμοῖσι νοσφιεῖσ βίου, πέρσεισ τε Τροίαν, σκῦλά τ’ εἰσ μέλαθρα σὰ πέμψεισ, ἀριστεῖ’ ἐκλαβὼν στρατεύματοσ, Ποίαντι πατρὶ πρὸσ πάτρασ Οἴτησ πλάκα. ἃ δ’ ἂν λάβῃσ σὺ σκῦλα τοῦδε τοῦ στρατοῦ, τόξων ἐμῶν μνημεῖα πρὸσ πυρὰν ἐμὴν κόμιζε. καὶ σοὶ ταῦτ’, Ἀχιλλέωσ τέκνον, παρῄνεσ’· οὔτε γὰρ σὺ τοῦδ’ ἄτερ σθένεισ ἑλεῖν τὸ Τροίασ πεδίον οὔθ’ οὗτοσ σέθεν. ἀλλ’ ὡσ λέοντε συννόμω φυλάσσετον οὗτοσ σὲ καὶ σὺ τόνδ’· ἐγὼ δ’ Ἀσκληπιὸν παυστῆρα πέμψω σῆσ νόσου πρὸσ Ἴλιον. τὸ δεύτερον γὰρ τοῖσ ἐμοῖσ αὐτὴν χρεὼν τόξοισ ἁλῶναι. τοῦτο δ’ ἐννοεῖθ’, ὅταν πορθῆτε γαῖαν, εὐσεβεῖν τὰ πρὸσ θεούσ· ὡσ τἄλλα πάντα δεύτερ’ ἡγεῖται πατὴρ Ζεύσ· οὐ γὰρ εὐσέβεια συνθνῄσκει βροτοῖσ· κἂν ζῶσι κἂν θάνωσιν, οὐκ ἀπόλλυται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Philoctetes, episode, anapests

(소포클레스, 필록테테스, episode, anapests)

상위

목록

SEARCH

MENU NAVIGATION