헬라어 문장 검색 - Σοπηοξ́Πηιλοξτ́13́00́3́

(소포클레스, 필록테테스, episode 3:)

ἥσθην πατέρα τὸν ἀμὸν εὐλογοῦντά σε αὐτόν τ’ ἔμ’· ὧν δέ σου τυχεῖν ἐφίεμαι, ἄκουσον. ἀνθρώποισι τὰσ μὲν ἐκ θεῶν τύχασ δοθείσασ ἔστ’ ἀναγκαῖον φέρειν· ὅσοι δ’ ἑκουσίοισιν ἔγκεινται βλάβαισ, ὥσπερ σύ, τούτοισ οὔτε συγγνώμην ἔχειν δίκαιόν ἐστιν οὔτ’ ἐποικτίρειν τινά. σὺ δ’ ἠγρίωσαι, κοὔτε σύμβουλον δέχει, ἐάν τε νουθετῇ τισ εὐνοίᾳ λέγων, στυγεῖσ, πολέμιον δυσμενῆ θ’ ἡγούμενοσ. ὅμωσ δὲ λέξω· Ζῆνα δ’ ὁρ́κιον καλῶ· καὶ ταῦτ’ ἐπίστω καὶ γράφου φρενῶν ἔσω. σὺ γὰρ νοσεῖσ τόδ’ ἄλγοσ ἐκ θείασ τύχησ, Χρύσησ πελασθεὶσ φύλακοσ, ὃσ τὸν ἀκαλυφῆ σηκὸν φυλάσσει κρύφιοσ οἰκουρῶν ὄφισ· καὶ παῦλαν ἴσθι τῆσδε μή ποτ’ ἂν τυχεῖν νόσου βαρείασ, ἑώσ ἂν αὑτὸσ ἥλιοσ ταύτῃ μὲν αἴρῃ, τῇδε δ’ αὖ δύνῃ πάλιν, πρὶν ἂν τὰ Τροίασ πεδί’ ἑκὼν αὐτὸσ μόλῃσ, καὶ τοῖν παρ’ ἡμῖν ἐντυχὼν Ἀσκληπίδαιν νόσου μαλαχθῇσ τῆσδε, καὶ τὰ πέργαμα ξὺν τοῖσδε τόξοισ ξύν τ’ ἐμοὶ πέρσασ φανῇσ. ὡσ δ’ οἶδα ταῦτα τῇδ’ ἔχοντ’ ἐγὼ φράσω. ἀνὴρ γὰρ ἡμῖν ἐστιν ἐκ Τροίασ ἁλούσ, Ἕλενοσ ἀριστόμαντισ, ὃσ λέγει σαφῶσ ὡσ δεῖ γενέσθαι ταῦτα· καὶ πρὸσ τοῖσδ’ ἔτι ὡσ ἔστ’ ἀνάγκη τοῦ παρεστῶτοσ θέρουσ Τροίαν ἁλῶναι πᾶσαν· ἢ δίδωσ’ ἑκὼν κτείνειν ἑαυτόν, ἢν τάδε ψευσθῇ λέγων. ταῦτ’ οὖν ἐπεὶ κάτοισθα, συγχώρει θέλων. καλὴ γὰρ ἡ ’πίκτησισ, Ἑλλήνων ἕνα κριθέντ’ ἄριστον τοῦτο μὲν παιωνίασ ἐσ χεῖρασ ἐλθεῖν, εἶτα τὴν πολύστονον Τροίαν ἑλόντα κλέοσ ὑπέρτατον λαβεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Philoctetes, episode 3:

(소포클레스, 필록테테스, episode 3:)

상위

목록

SEARCH

MENU NAVIGATION