헬라어 문장 검색 - Σοπηοξ́Πηιλοξτ́12́15́

(소포클레스, 필록테테스, choral, epode)

μή, πρὸσ ἀραίου Διόσ, ἔλθῃσ, ἱκετεύω. μετρίαζ’. ὦ ξένοι, μείνατε, πρὸσ θεῶν. τί θροεῖσ; αἰαῖ αἰαῖ, δαίμων δαίμων· ἀπόλωλ’ ὁ τάλασ· ὦ ποὺσ πούσ, τί σ’ ἔτ’ ἐν βίῳ τεύξω τῷ μετόπιν τάλασ; ὦ ξένοι, ἔλθετ’ ἐπήλυδεσ αὖθισ. τί ῥέξοντεσ ἀλλοκότῳ γνώμᾳ τῶν πάροσ, ὧν προύφαινεσ; οὔτοι νεμεσητόν, ἀλύοντα χειμερίῳ λύπᾳ καὶ παρὰ νοῦν θροεῖν. βᾶθί νυν, ὦ τάλαν, ὥσ σε κελεύομεν. οὐδέποτ’ οὐδέποτ’, ἴσθι τόδ’ ἔμπεδον, οὐδ’ εἰ πυρφόροσ ἀστεροπητὴσ βροντᾶσ αὐγαῖσ μ’ εἶσι φλογίζων. ἐρρέτω Ἴλιον οἵ θ’ ὑπ’ ἐκείνῳ πάντεσ ὅσοι τόδ’ ἔτλασαν ἐμοῦ ποδὸσ ἄρθρον ἀπῶσαι. ἀλλ’, ὦ ξένοι, ἕν γέ μοι εὖχοσ ὀρέξατε. ποῖον ἐρεῖσ τόδ’ ἔποσ; ξίφοσ, εἴ ποθεν, ἢ γένυν ἢ βελέων τι προπέμψατε. ὡσ τίνα δὴ ῥέξῃσ παλάμαν ποτέ; χρῶτ’ ἀπὸ πάντα καὶ ἄρθρα τέμω χερί· φονᾷ φονᾷ νόοσ ἤδη. τί ποτε; πατέρα ματεύων. ποῖ γᾶσ; ἐσ Αἵδου· οὐ γάρ ἐστ’ ἐν φάει γ’ ἔτι. ὦ πόλισ, ὦ πατρία, πῶσ ἂν εἰσίδοιμ’ ἄθλιόσ σ’ ἀνήρ, ὅσ γε σὰν λιπὼν ἱερὰν λιβάδ’ ἐχθροῖσ ἔβαν Δαναοῖσ ἀρωγόσ· ἔτ’ οὐδέν εἰμι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Philoctetes, choral, epode

(소포클레스, 필록테테스, choral, epode)

상위

목록

SEARCH

MENU NAVIGATION