헬라어 문장 검색 - Σοπηοξ́Οεδιπυσ

(소포클레스, 오이디푸스 튀란노스, episode 2:)

καὶ σοί γ’ ἐπισκήπτω τε καὶ προστέψομαι, τῆσ μὲν κατ’ οἴκουσ αὐτὸσ ὃν θέλεισ τάφον θοῦ· καὶ γὰρ ὀρθῶσ τῶν γε σῶν τελεῖσ ὕπερ· ἐμοῦ δὲ μήποτ’ ἀξιωθήτω τόδε πατρῷον ἄστυ ζῶντοσ οἰκητοῦ τυχεῖν, ἀλλ’ ἐά με ναίειν ὄρεσιν, ἔνθα κλῄζεται οὑμὸσ Κιθαιρὼν οὗτοσ, ὃν μήτηρ τέ μοι πατήρ τ’ ἐθέσθην ζῶντε κύριον τάφον, ἵν’ ἐξ ἐκείνων, οἵ μ’ ἀπωλλύτην, θάνω. καίτοι τοσοῦτόν γ’ οἶδα, μήτε μ’ ἂν νόσον μήτ’ ἄλλο πέρσαι μηδέν· οὐ γὰρ ἄν ποτε θνῄσκων ἐσώθην, μὴ ’πί τῳ δεινῷ κακῷ. ἀλλ’ ἡ μὲν ἡμῶν μοῖρ’, ὅποιπερ εἶσ’, ἴτω· παίδων δὲ τῶν μὲν ἀρσένων μή μοι, Κρέων, προσθῇ μέριμναν· ἄνδρεσ εἰσίν, ὥστε μὴ σπάνιν ποτὲ σχεῖν, ἔνθ’ ἂν ὦσι, τοῦ βίου· ταῖν δ’ ἀθλίαιν οἰκτραῖν τε παρθένοιν ἐμαῖν, αἷν οὔποθ’ ἡμὴ χωρὶσ ἐστάθη βορᾶσ τράπεζ’ ἄνευ τοῦδ’ ἀνδρόσ, ἀλλ’ ὅσων ἐγὼ ψαύοιμι, πάντων τῶνδ’ ἀεὶ μετειχέτην· αἷν μοι μέλεσθαι· καὶ μάλιστα μὲν χεροῖν ψαῦσαί μ’ ἐάσον κἀποκλαύσασθαι κακά. ἴθ’ ὦναξ, ἴθ’ ὦ γονῇ γενναῖε· χερσί τἂν θιγὼν δοκοῖμ’ ἔχειν σφᾶσ, ὥσπερ ἡνίκ’ ἔβλεπον. τί φημί; οὐ δὴ κλύω που πρὸσ θεῶν τοῖν μοι φίλοιν δακρυρροούντοιν, καί μ’ ἐποικτίρασ Κρέων ἔπεμψέ μοι τὰ φίλτατ’ ἐκγόνοιν ἐμοῖν; λέγω τι; λέγεισ· ἐγὼ γὰρ εἰμ’ ὁ πορσύνασ τάδε, γνοὺσ τὴν παροῦσαν τέρψιν, ἥ σ’ εἶχεν πάλαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Sophocles, Oedipus Tyrannus, episode 2:

(소포클레스, 오이디푸스 튀란노스, episode 2:)

상위

목록

SEARCH

MENU NAVIGATION