Sophocles, Oedipus Tyrannus, episode 2:

(소포클레스, 오이디푸스 튀란노스, episode 2:)

καὶ σοί γ’ ἐπισκήπτω τε καὶ προστέψομαι, τῆσ μὲν κατ’ οἴκουσ αὐτὸσ ὃν θέλεισ τάφον θοῦ· καὶ γὰρ ὀρθῶσ τῶν γε σῶν τελεῖσ ὕπερ· ἐμοῦ δὲ μήποτ’ ἀξιωθήτω τόδε πατρῷον ἄστυ ζῶντοσ οἰκητοῦ τυχεῖν, ἀλλ’ ἐά με ναίειν ὄρεσιν, ἔνθα κλῄζεται οὑμὸσ Κιθαιρὼν οὗτοσ, ὃν μήτηρ τέ μοι πατήρ τ’ ἐθέσθην ζῶντε κύριον τάφον, ἵν’ ἐξ ἐκείνων, οἵ μ’ ἀπωλλύτην, θάνω. καίτοι τοσοῦτόν γ’ οἶδα, μήτε μ’ ἂν νόσον μήτ’ ἄλλο πέρσαι μηδέν· οὐ γὰρ ἄν ποτε θνῄσκων ἐσώθην, μὴ ’πί τῳ δεινῷ κακῷ. ἀλλ’ ἡ μὲν ἡμῶν μοῖρ’, ὅποιπερ εἶσ’, ἴτω· παίδων δὲ τῶν μὲν ἀρσένων μή μοι, Κρέων, προσθῇ μέριμναν· ἄνδρεσ εἰσίν, ὥστε μὴ σπάνιν ποτὲ σχεῖν, ἔνθ’ ἂν ὦσι, τοῦ βίου· ταῖν δ’ ἀθλίαιν οἰκτραῖν τε παρθένοιν ἐμαῖν, αἷν οὔποθ’ ἡμὴ χωρὶσ ἐστάθη βορᾶσ τράπεζ’ ἄνευ τοῦδ’ ἀνδρόσ, ἀλλ’ ὅσων ἐγὼ ψαύοιμι, πάντων τῶνδ’ ἀεὶ μετειχέτην· αἷν μοι μέλεσθαι· καὶ μάλιστα μὲν χεροῖν ψαῦσαί μ’ ἐάσον κἀποκλαύσασθαι κακά. ἴθ’ ὦναξ, ἴθ’ ὦ γονῇ γενναῖε· χερσί τἂν θιγὼν δοκοῖμ’ ἔχειν σφᾶσ, ὥσπερ ἡνίκ’ ἔβλεπον. τί φημί; οὐ δὴ κλύω που πρὸσ θεῶν τοῖν μοι φίλοιν δακρυρροούντοιν, καί μ’ ἐποικτίρασ Κρέων ἔπεμψέ μοι τὰ φίλτατ’ ἐκγόνοιν ἐμοῖν; λέγω τι; λέγεισ· ἐγὼ γὰρ εἰμ’ ὁ πορσύνασ τάδε, γνοὺσ τὴν παροῦσαν τέρψιν, ἥ σ’ εἶχεν πάλαι.

상위

Oedipus Tyrannus (오이디푸스 튀란노스)

목록

일치하는 문장이 없습니다.

SEARCH

MENU NAVIGATION