헬라어 문장 검색 - Σοπηοξ́Οεδιπυσ

(소포클레스, 오이디푸스 튀란노스, episode 1:)

αὐτὴ πρὸσ αὑτῆσ. τῶν δὲ πραχθέντων τὰ μὲν ἄλγιστ’ ἄπεστιν· ἡ γὰρ ὄψισ οὐ πάρα. ὅμωσ δ’, ὅσον γε κἀν ἐμοὶ μνήμησ ἔνι, πεύσει τὰ κείνησ ἀθλίασ παθήματα. ὅπωσ γὰρ ὀργῇ χρωμένη παρῆλθ’ ἔσω θυρῶνοσ, ἱέτ’ εὐθὺ πρὸσ τὰ νυμφικὰ λέχη, κόμην σπῶσ’ ἀμφιδεξίοισ ἀκμαῖσ. πύλασ δ’, ὅπωσ εἰσῆλθ’, ἐπιρράξασ’ ἔσω καλεῖ τὸν ἤδη Λάϊον πάλαι νεκρόν, μνήμην παλαιῶν σπερμάτων ἔχουσ’, ὑφ’ ὧν θάνοι μὲν αὐτόσ, τὴν δὲ τίκτουσαν λίποι τοῖσ οἷσιν αὐτοῦ δύστεκνον παιδουργίαν. γοᾶτο δ’ εὐνάσ, ἔνθα δύστηνοσ διπλοῦσ ἐξ ἀνδρὸσ ἄνδρα καὶ τέκν’ ἐκ τέκνων τέκοι. χὤπωσ μὲν ἐκ τῶνδ’ οὐκέτ’ οἶδ’ ἀπόλλυται· βοῶν γὰρ εἰσέπαισεν Οἰδίπουσ, ὑφ’ οὗ οὐκ ἦν τὸ κείνησ ἐκθεάσασθαι κακόν, ἀλλ’ εἰσ ἐκεῖνον περιπολοῦντ’ ἐλεύσσομεν. φοιτᾷ γὰρ ἡμᾶσ ἔγχοσ ἐξαιτῶν πορεῖν, γυναῖκά τ’ οὐ γυναῖκα, μητρῴαν δ’ ὅπου κίχοι διπλῆν ἄρουραν οὗ τε καὶ τέκνων. λυσσῶντι δ’ αὐτῷ δαιμόνων δείκνυσί τισ· οὐδεὶσ γὰρ ἀνδρῶν, οἳ παρῆμεν ἐγγύθεν. δεινὸν δ’ ἀύσασ ὡσ ὑφηγητοῦ τινοσ πύλαισ διπλαῖσ ἐνήλατ’, ἐκ δὲ πυθμένων ἔκλινε κοῖλα κλῇθρα κἀμπίπτει στέγῃ. οὗ δὴ κρεμαστὴν τὴν γυναῖκ’ ἐσείδομεν, πλεκταῖσιν αἰώραισιν ἐμπεπλεγμένην. ὁ δ’ ὡσ ὁρᾷ νιν, δεινὰ βρυχηθεὶσ τάλασ χαλᾷ κρεμαστὴν ἀρτάνην. ἐπεὶ δὲ γῇ ἔκειτο τλήμων, δεινὰ δ’ ἦν τἀνθένδ’ ὁρᾶν. ἀποσπάσασ γὰρ εἱμάτων χρυσηλάτουσ περόνασ ἀπ’ αὐτῆσ, αἷσιν ἐξεστέλλετο, ἄρασ ἔπαισεν ἄρθρα τῶν αὑτοῦ κύκλων, αὐδῶν τοιαῦθ’, ὁθούνεκ’ οὐκ ὄψοιντό νιν οὔθ’ οἷ’ ἔπασχεν οὔθ’ ὁποῖ’ ἔδρα κακά, ἀλλ’ ἐν σκότῳ τὸ λοιπὸν οὓσ μὲν οὐκ ἔδει ὀψοίαθ’, οὓσ δ’ ἔχρῃζεν οὐ γνωσοίατο. τοιαῦτ’ ἐφυμνῶν πολλάκισ τε κοὐχ ἅπαξ ἤρασσ’ ἐπαίρων βλέφαρα. φοίνιαι δ’ ὁμοῦ γλῆναι γένει’ ἔτελλον, οὐδ’ ἀνίεσαν φόνου μυδώσασ σταγόνασ, ἀλλ’ ὁμοῦ μέλασ ὄμβροσ χαλάζησ αἱματοῦσ ἐτέγγετο. τάδ’ ἐκ δυοῖν ἔρρωγεν, οὐ μόνου κάτα, ἀλλ’ ἀνδρὶ καὶ γυναικὶ συμμιγῆ κακά. ὁ πρὶν παλαιὸσ δ’ ὄλβοσ ἦν πάροιθε μὲν ὄλβοσ δικαίωσ· νῦν δὲ τῇδε θἠμέρᾳ στεναγμόσ, ἄτη, θάνατοσ, αἰσχύνη, κακῶν ὅσ’ ἐστὶ πάντων ὀνόματ’, οὐδέν ἐστ’ ἀπόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Oedipus Tyrannus, episode 1:

(소포클레스, 오이디푸스 튀란노스, episode 1:)

상위

목록

SEARCH

MENU NAVIGATION