헬라어 문장 검색 - Σοπηοξ́Οεδιπυσ́16́1́

(소포클레스, Oedipus at Colonus, choral, strophe 1)

αἰαῖ, φεῦ, ἔστιν ἔστι νῷν δὴ οὐ τὸ μέν, ἄλλο δὲ μή, πατρὸσ ἔμφυτον ἄλαστον αἷμα δυσμόροιν στενάζειν, ᾧτινι τὸν πολὺν ἄλλοτε μὲν πόνον ἔμπεδον εἴχομεν, ἐν πυμάτῳ δ’ ἀλόγιστα παροίσομεν ἰδόντε καὶ παθόντε. τί δ’ ἔστιν; ἔστιν μὲν εἰκάσαι, φίλοι. βέβηκεν; ὡσ μάλιστ’ ἂν ἐν πόθῳ λάβοισ. τί γάρ, ὅτῳ μήτ’ Ἄρησ μήτε πόντοσ ἀντέκυρσεν, ἄσκοποι δὲ πλάκεσ ἔμαρψαν ἐν ἀφανεῖ τινι μόρῳ φερόμενον. τάλαινα· νῶν δ’ ὀλεθρία νὺξ ἐπ’ ὄμμασιν βέβακε. πῶσ γὰρ ἤ τιν’ ἀπίαν γᾶν ἢ πόντιον κλύδων’ ἀλώμεναι, βίου δύσοιστον ἕξομεν τροφάν; οὐ κάτοιδα. κατά με φόνιοσ Αἴ̈δασ ἕλοι πατρὶ ξυνθανεῖν γεραιῷ τάλαιναν, ὡσ ἔμοιγ’ ὁ μέλλων βίοσ οὐ βιωτόσ. ὦ διδύμα τέκνων ἀρίστα, τὸ φέρον ἐκ θεοῦ φέρειν, μηδὲν ἄγαν φλέγεσθον· οὔ τοι κατάμεμπτ’ ἔβητον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Oedipus at Colonus, choral, strophe 1

(소포클레스, Oedipus at Colonus, choral, strophe 1)

상위

목록

SEARCH

MENU NAVIGATION