Sophocles, Oedipus at Colonus, choral, epode

(소포클레스, Oedipus at Colonus, choral, epode)

ὦ ξένοι, ἀπόπτολισ· ἀλλὰ μὴ τί τόδ’ ἀπεννέπεισ, γέρον; μὴ μὴ μή μ’ ἀνέρῃ τίσ εἰμι, μηδ’ ἐξετάσῃσ πέρα ματεύων. τί τόδ’; αἰνὰ φύσισ. αὔδα. τέκνον, ὤμοι, τί γεγώνω; τίνοσ εἶ σπέρματοσ, ὦ ξένε, φώνει, πατρόθεν. ὤμοι ἐγώ, τί πάθω, τέκνον ἐμόν; λέγ’, ἐπείπερ ἐπ’ ἔσχατα βαίνεισ. ἀλλ’ ἐρῶ· οὐ γὰρ ἔχω κατακρυφάν. μακρὰ μέλλετον, ἀλλὰ τάχυνε. Λαί̈ου ἴστε τιν’; ὢ ἰοὺ ἰού. τό τε Λαβδακιδᾶν γένοσ; ὦ Ζεῦ. ἄθλιον Οἰδιπόδαν; σὺ γὰρ ὅδ’ εἶ; δέοσ ἴσχετε μηδὲν ὅσ’ αὐδῶ. ἰὼ ὢ ὤ. δύσμοροσ. ὢ ὤ. θύγατερ, τί ποτ’ αὐτίκα κύρσει; ἔξω πόρσω βαίνετε χώρασ. ἃ δ’ ὑπέσχεο ποῖ καταθήσεισ, οὐδενὶ μοιριδία τίσισ ἔρχεται ἃν προπάθῃ τὸ τίνειν· ἀπάτα δ’ ἀπά‐ ταισ ἑτέραισ ἑτέρα παραβαλλομέ‐ να πόνον, οὐ χάριν, ἀντιδίδωσιν ἔ‐ χειν. σὺ δὲ τῶνδ’ ἑδράνων πάλιν ἔκτοποσ αὖθισ ἄφορμοσ ἐμᾶσ χθονὸσ ἔκθορε, μή τι πέρα χρέοσ ἐμᾷ πόλει προσάψῃσ. ὦ ξένοι αἰδόφρονεσ, ἀλλ’ ἐπεὶ γεραὸν πατέρα τόνδ’ ἐμὸν οὐκ ἀνέτλατ’, ἔργων ἀκόντων ἀί̈οντεσ αὐδάν, ἀλλ’ ἐμὲ τὰν μελέαν, ἱκετεύομεν, ὦ ξένοι, οἰκτίραθ’, ἃ πατρὸσ ὑπὲρ τοὐμοῦ μόνου ἄντομαι οὐκ ἀλαοῖσ προσορωμένα ὄμμα σὸν ὄμμασιν, ὥσ τισ ἀφ’ αἵματοσ ὑμετέρου προφανεῖσα, τὸν ἄθλιον αἰδοῦσ κῦρσαι· ἐν ὔμμι γὰρ ὡσ θεῷ κείμεθα τλάμονεσ. ἀλλ’ ἴτε, νεύσατε τὰν ἀδόκητον χάριν· πρόσ σ’ ὅ τι σοι φίλον ἐκ σέθεν ἄντομαι, ἢ τέκνον ἢ λέχοσ ἢ χρέοσ ἢ θεόσ· οὐ γὰρ ἴδοισ ἂν ἀθρῶν βροτὸν ὅστισ ἄν, εἰ θεὸσ ἄγοι, ἐκφυγεῖν δύναιτο.

일치하는 문장이 없습니다.

SEARCH

MENU NAVIGATION