헬라어 문장 검색 - Σοπηοξ́Οεδιπυσ́02́5́

(소포클레스, Oedipus at Colonus, choral, epode)

ὦ ξένοι, ἀπόπτολισ· ἀλλὰ μὴ τί τόδ’ ἀπεννέπεισ, γέρον; μὴ μὴ μή μ’ ἀνέρῃ τίσ εἰμι, μηδ’ ἐξετάσῃσ πέρα ματεύων. τί τόδ’; αἰνὰ φύσισ. αὔδα. τέκνον, ὤμοι, τί γεγώνω; τίνοσ εἶ σπέρματοσ, ὦ ξένε, φώνει, πατρόθεν. ὤμοι ἐγώ, τί πάθω, τέκνον ἐμόν; λέγ’, ἐπείπερ ἐπ’ ἔσχατα βαίνεισ. ἀλλ’ ἐρῶ· οὐ γὰρ ἔχω κατακρυφάν. μακρὰ μέλλετον, ἀλλὰ τάχυνε. Λαί̈ου ἴστε τιν’; ὢ ἰοὺ ἰού. τό τε Λαβδακιδᾶν γένοσ; ὦ Ζεῦ. ἄθλιον Οἰδιπόδαν; σὺ γὰρ ὅδ’ εἶ; δέοσ ἴσχετε μηδὲν ὅσ’ αὐδῶ. ἰὼ ὢ ὤ. δύσμοροσ. ὢ ὤ. θύγατερ, τί ποτ’ αὐτίκα κύρσει; ἔξω πόρσω βαίνετε χώρασ. ἃ δ’ ὑπέσχεο ποῖ καταθήσεισ, οὐδενὶ μοιριδία τίσισ ἔρχεται ἃν προπάθῃ τὸ τίνειν· ἀπάτα δ’ ἀπά‐ ταισ ἑτέραισ ἑτέρα παραβαλλομέ‐ να πόνον, οὐ χάριν, ἀντιδίδωσιν ἔ‐ χειν. σὺ δὲ τῶνδ’ ἑδράνων πάλιν ἔκτοποσ αὖθισ ἄφορμοσ ἐμᾶσ χθονὸσ ἔκθορε, μή τι πέρα χρέοσ ἐμᾷ πόλει προσάψῃσ. ὦ ξένοι αἰδόφρονεσ, ἀλλ’ ἐπεὶ γεραὸν πατέρα τόνδ’ ἐμὸν οὐκ ἀνέτλατ’, ἔργων ἀκόντων ἀί̈οντεσ αὐδάν, ἀλλ’ ἐμὲ τὰν μελέαν, ἱκετεύομεν, ὦ ξένοι, οἰκτίραθ’, ἃ πατρὸσ ὑπὲρ τοὐμοῦ μόνου ἄντομαι οὐκ ἀλαοῖσ προσορωμένα ὄμμα σὸν ὄμμασιν, ὥσ τισ ἀφ’ αἵματοσ ὑμετέρου προφανεῖσα, τὸν ἄθλιον αἰδοῦσ κῦρσαι· ἐν ὔμμι γὰρ ὡσ θεῷ κείμεθα τλάμονεσ. ἀλλ’ ἴτε, νεύσατε τὰν ἀδόκητον χάριν· πρόσ σ’ ὅ τι σοι φίλον ἐκ σέθεν ἄντομαι, ἢ τέκνον ἢ λέχοσ ἢ χρέοσ ἢ θεόσ· οὐ γὰρ ἴδοισ ἂν ἀθρῶν βροτὸν ὅστισ ἄν, εἰ θεὸσ ἄγοι, ἐκφυγεῖν δύναιτο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, Oedipus at Colonus, choral, epode

(소포클레스, Oedipus at Colonus, choral, epode)

상위

목록

SEARCH

MENU NAVIGATION