헬라어 문장 검색 - Σοπηοξ́Ελεξτρά13́0́01́

(소포클레스, episode 1:)

ὦ Ζεῦ, δέδορκα φάσμ’ ἄνευ φθόνου μὲν οὐ πεπτωκόσ· εἰ δ’ ἔπεστι νέμεσισ, οὐ λέγω. χαλᾶτε πᾶν κάλυμμ’ ἀπ’ ὀφθαλμῶν, ὅπωσ τὸ συγγενέσ τοι κἀπ’ ἐμοῦ θρήνων τύχῃ. αὐτὸσ σὺ βάσταζ’· οὐκ ἐμὸν τόδ’, ἀλλὰ σόν, τὸ ταῦθ’ ὁρᾶν τε καὶ προσηγορεῖν φίλωσ. ἀλλ’ εὖ παραινεῖσ κἀπιπείσομαι· σὺ δέ, εἴ που κατ’ οἶκόν μοι Κλυταιμνήστρα, κάλει. αὕτη πέλασ σοῦ· μηκέτ’ ἄλλοσε σκόπει. οἴμοι, τί λεύσσω; τίνα φοβεῖ; τίν’ ἀγνοεῖσ; τίνων ποτ’ ἀνδρῶν ἐν μέσοισ ἀρκυστάτοισ πέπτωχ’ ὁ τλήμων; οὐ γὰρ αἰσθάνει πάλαι ζῶντασ θανοῦσιν οὕνεκ’ ἀνταυδᾷσ ἴσα; οἴμοι, ξυνῆκα τοὔποσ· οὐ γὰρ ἔσθ’ ὅπωσ ὅδ’ οὐκ Ὀρέστησ ἔσθ’ ὁ προσφωνῶν ἐμέ. καὶ μάντισ ὢν ἄριστοσ ἐσφάλλου πάλαι. ὄλωλα δὴ δείλαιοσ. ἀλλά μοι πάρεσ κἂν σμικρὸν εἰπεῖν. μὴ πέρα λέγειν ἐά πρὸσ θεῶν, ἀδελφέ, μηδὲ μηκύνειν λόγουσ. τί γὰρ βροτῶν ἂν σὺν κακοῖσ μεμιγμένων θνῄσκειν ὁ μέλλων οὐ χρόνου κέρδοσ φέροι; ἀλλ’ ὡσ τάχιστα κτεῖνε καὶ κτανὼν πρόθεσ ταφεῦσιν, ὧν τόνδ’ εἰκόσ ἐστι τυγχάνειν, ἄποπτον ἡμῶν· ὡσ ἐμοὶ τόδ’ ἂν κακῶν μόνον γένοιτο τῶν πάλαι λυτήριον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Sophocles, episode 1:

(소포클레스, episode 1:)

목록

SEARCH

MENU NAVIGATION